23 Ako anaa kanila ug ikaw ania kanako, aron nga mahiusa gayod sila, ug sa ingon niini nga pamaagi masayran sa mga tawo sa kalibotan nga ikaw mao ang nagpadala kanako. Ug masayran pud nila nga gimahal mo ang mga tumutuo sama sa imong pagmahal kanako.

34 "Busa karon ihatag ko kaninyo ang usa ka bag-o nga sugo: paghigugmaay kamo. Kon unsa ang akong paghigugma kaninyo kinahanglan sama usab niana ang inyong paghigugma sa usag usa. 35 Kon maghigugmaay kamo, masayran sa tanan nga kamo akong mga tinun-an."

44 Nagpadayon ang panag-uban sa mga magtutuo ug gipaambit nila ang ilang mga kabtangan alang sa tanan. 45 Gipamaligya nila ang ilang mga yuta ug mga kabtangan ug gihatag nila ang halin ngadto sa ilang mga kaubanan basi sa panginahanglan sa matag-usa. 46 Adlaw-adlaw nagtigom sila sa templo ug nagpikas-pikas sa pan didto sa ilang mga pinuy-anan. Malipayon gayod sila sa ilang pag-inambitay sa pagpangaon, 47 ug padayon ang ilang pagdayeg sa Dios. Nalipay kanila ang tanang mga tawo. Adlaw-adlaw gidugang sa Ginoo kanila ang mga tawo nga iyang giluwas.

3 Gisugilon namo kaninyo ang among nakita ug nadungog aron aduna kitay panag-ambitay sa usag usa, ug sa Dios nga Amahan ug kang Jesu-Cristo nga iyang Anak.

16 Sama niini nga pamaagi mahibaloan nato ang tinuod nga gugma: Gihatag ni Jesu-Cristo ang iyang kinabuhi alang kanato. Busa kita angay usab nga magpakamatay alang sa atong mga igsoon.

11 Busa padayon kamo sa pagdinasigay sa usag usa, sama sa inyong gibuhat karon.

12 Ang buot kong ipasabot, nga magdinasigay kita pinaagi sa akong pagtuo ug sa inyong pagtuo.

25 Dili gayod nato undangon ang atong nabatasan nga panagtigom, sama sa gibuhat sa uban, kondili magdinasigay kita sa usag-usa, ilabina gayod karon nga makita na nato nga haduol na ang pagbalik sa Ginoo.

17 Maingon nga ang puthaw mopahait sa puthaw,

ang tawo makakat-on usab sa iyang isigka-tawo.

2 Pagtinabangay kamo sa inyong mga problema. Tungod kay kon mao kini ang inyong buhaton matuman ninyo ang sugo ni Cristo.

10 Busa kon adunay kahigayonan, dili nato palabyon ang pagbuhat ug maayo ngadto sa tanang mga tawo, ug labi na gayod sa atong mga igsoon sa pagtuo.

9 Mas maayo ang adunay kauban kaysa mag-inusara,

kay mas mahimong mapuslanon ang ilang trabaho.

10 Kon matumba ang usa matabangan kini sa iyang kauban.

Apan alaot ang nag-inusara kon matumba

kay walay makatabang kaniya.

11 Ug kon bugnaw ang panahon,

mahimong magdulog ang duha aron mainitan.

Apan unsaon mo pag-angkon sa kainit kon ikaw rang usa?

12 Sayon pildihon ang tawong mag-inusara,

apan kon may kauban siya makasukol sila.

Sama ba sa pisi; kon tulo ka doble, lisod kining mabugto.