A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
ka an kuomgi kendo in kuoma. Mad giriwre gibed gimoro achiel mondo piny ongʼe ni ne iora, kendo ni iseherogi mana kaka isehera.
"Amiyou chik manyien mawacho kama: Herreuru ngʼato gi ngʼato. Mana kaka aseherou e kaka nyaka uherru ngʼato gi ngʼato. Mano ema biro miyo ji duto ngʼeyo ni un jopuonjrena adier, ka uheroru ngʼato gi ngʼato."
Ji duto moyie kuom Kristo noriwore kanyakla kendo negikonyore gi mwandugi duto kaachiel. Negiloko mwandugi kod gik mane gin-go pesa kendo ne gipogore kaka ne ngʼato ka ngʼato dwaro. Negisiko giromo pile ka pile e laru mar hekalu, kendo ne gingʼingo makati e miechgi, ka gichiemo kaachiel gi chuny mamor. Negisiko gipako Nyasaye, kendo ji duto ne mor kodgi. To Ruoth ne medo kwan mar joma oyie kuom Kristo e chokruokgi pile ka pile.
Wanyisou gima waseneno kendo winjo, mondo un bende ubed e achiel kodwa e lalruok. To lalruok marwa ni e kindwa gi Wuoro kod Wuode, Yesu Kristo.
Ma e kaka wangʼeyo gima hera en; Kristo nochiwonwa ngimane. Wan bende onego wachiw ngimawa ni owetewa.
Kuom mano jiwreuru kendo gerreuru ngʼato gi ngʼato mana kaka utimono.
tiende ni, mondo un kod an wajiwre ngʼato gi ngʼato e yie marwa, ka ajiwou to un bende ujiwa.
Kik wawe mak wachokore kaachiel, kaka jomoko oseweyo timo, to wajiwreuru ngʼato gi ngʼato, kendo umed timo kamano to moloyo ka uneno ka Chiengʼ Ruoth medo sudo machiegni.
Kaka nyinyo piago nyinyo,
e kaka ngʼato piago nyawadgi.
Kawuru tingʼ mag jowadu, nikech kutimo kamano eka uchopo chik Kristo.
Emomiyo, e kinde duto mwayudoe thuolo, to ber mondo watim maber ni ji duto, to moloyo ni kanyakla mar joma oyie.
Ji ariyo ber moloyo ngʼato achiel
nikech giyudo ohala kuom tich ma gitiyo.
Ka ngʼato achiel opodho,
to osiepne nyalo konye mondo ochungʼ malo.
To atimo mos ne ngʼatno ma opodho piny
to oonge gi ngʼat makonye mondo ochungʼ malo!
Bende, ka ji ariyo onindo kanyakla, to gibiro yudo liet.
To ere kaka ngʼato nyalo yudo liet ka en kende?
Kata ka dipo ni ngʼato achiel inyalo loyo,
to ji ariyo nyalo gengʼo jasigu.
Tol mokad nyadidek ok chodo yot.