A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
हुंह तिन्नां दी अर तूह मुंह दी ताकि तिंयां सिध्द हई एक हई सके अर ऐहा गल्लो संसारा का थोघ लागे कि तंऐं आसा हुंह छ़ाडअ द। ज़ेही झ़ूरी तंऐं मुल्है किई तेही किई तंऐं तिन्नां लै बी।
"ऐबै दैणीं मुंह तम्हां लै एक नऊंअ हुकम कि एकी-दुजै संघै डाहा झ़ूरी, ज़ेही मंऐं तम्हां लै झ़ूरी किई तेही झ़ूरी करा तम्हैं एकी-दुजै लै। ज़ै तम्हैं आप्पू मांझ़ै झ़ूरी डाहे, तेता करै बछ़ैणनै तम्हैं होरी लोगा बी कि तम्हैं आसा मेरै च़ेल्लै।"
तिंयां सोभ विश्वास करनै आल़ै रहा तै कठा, अर तिन्नें सोभ च़िज़ा बी हआ ती कठा। तिंयां करा तै आपणीं-आपणीं ज़ैदात अर समान बेच़ी-बेच़ी ज़ेही ज़सरी ज़रुरत हआ ती तेही बांडी।
हर धेल्लै हआ तै तिंयां भबनै कठा अर घअरै-घअरै प्रभू भोज़ करदी नंद अर भलै मन्नैं खाआ तै रोटी। तिंयां सोभ करा तै परमेशरे स्तोती अर सोभ लोग तै तिन्नां करै खुश अर ज़सरअ उद्धार हआ त, तिन्नां ज़ोल़ा त हर धैल़ै प्रभू तिन्नां संघै।
ज़ुंण बी हाम्हैं शूणअ अर भाल़अ द आसा, हाम्हैं खोज़ा तेतो समाद तम्हां का बी ताकि तम्हैं बी हाम्हां संघै साझ़ू हई सके। म्हारी साझ़ आसा बाब परमेशरा संघै अर तेऊए पूत मसीहा ईशू संघै।
हाम्हैं समझ़ी झ़ूरी इहअ करै कि तेऊ प्रभू दैनै म्हारी तैणीं आपणैं प्राण बी। इहअ ई लागा हाम्हां बी आपणैं भाई-बंधा लै हर गल्ला लै तैर रहणअ च़ाऐ हाम्हां मरनअ बी किल्है निं पल़े।
एते तैणीं दैआ एकी-दुजै लै हैअ अर एकी-दुजै लै करा परमेशरा दी विश्वास पाक्कै हणां लै मज़त, ज़िहअ तम्हैं करा बी।
मेरअ बोल़णैंओ मतलब आसा इहअ कि हुंह च़ाहा इहअ कि हाम्हैं एकी-दुजै लै आपणैं मसीहा दी विश्वास करने बारै खोज़ी करै हैअ दैई सके।
आप्पू मांझ़ै कठा हणअ निं छ़ाडी, ज़िहअ कि कई भैस्स आसा, पर एकी-दुजै रहा समझ़ाऊंदै लागी, अर ज़िहअ-ज़िहअ प्रभूए फिरी एछणें धैल़ै तम्हैं नेल़ एछदअ भाल़े, तिहअ-तिहअ रहै होर बी खास्सै मिलदै-ज़ुल़दै लागी।
ज़िहअ लोहअ ई लोहै तिछै करा,
तेही दैआ साथी-संघी एकी-दुजै लै अक्ल।
हाम्हां लागा एकी दुजे मज़त करनी ज़ुंण बी हाम्हां मांझ़ै तंगी-तकलिफी दी होए अर एऊ ई साबै करै मसीहे बधाना पूरै।
तै बोला हुंह कि ज़िधी तैणीं हाम्हां मोक्कअ भेटे, हाम्हां करनी सोभी संघै भलाई, खासकर भाई-बैहणी संघै ज़ुंण मसीहा दी विश्वास करनै करै म्हारै टबरा ज़िहै आसा।
कल्ही रहणैं का हआ दूई ज़ण्हैं भलै किल्हैकि तिंयां सका सफल हणां लै एकी दुजे मज़त करी। ज़ै तिन्नां मांझ़ै एक ज़ण्हअ धरनीं पल़े, दुजअ सका तेऊ खल़अ झ़ैऊई। पर ज़ै कुंण कल्ही ज़ण्हअ धरनीं पल़े, तेऊ लै हणीं आफ़त अर तेऊए मज़त कुंणी लाई करी? ठांढै-शेल़ै सका दूई ज़ण्हैं कठा सुत्ती नैत्तै-तात्तै रही, पर कल्ही ज़ण्हअ किहअ करै च़ाल्लअ नैत्तै रही? एकी ज़ण्हैं सका कुंण च़िक्की-मारी बी, पर दूई ज़ण्हैं सका तेऊओ मकाबलअ करी। चिई लुल़ी करै पल़ैई दी राश्शी निं तेही झ़ट च़ारै चुटदी।
Este artigo te tocou? Faça uma oração!
+581 estão orando agora.
Junte-se à corrente de oração.