A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
Ngoi to marimoi ra ananga re Baba no marimoi ra Ngoi, la ananga mode-mode’e 'aḏi marimoi. Ḏua ngowa’a toma dungia ḏuanga i’a ya waro mangale Baba masiretene Reno 'utusu Ngoi, re Baba no dadalara ananga ma tero Baba no dadalara Ngoi.
Ngoi to pula’a ra ngini parenta ma su-sungi: Ni ma’u dadalara matengo re matengo. Ngini balasu ni ma’u dadalara matengo re matengo, ma tero sa’olo Ngoi tini dadalara ngini ḏua. Na’o ngini matengo re matengo ni ma’u dadalara, ngowa’a mo-moini ḏuanga i’a ya waro mangale ngini Ngoi 'ari me-mete’e."
Ngowa-ngowa’a ngaku Yesus mo-moini 'aḏi marimoi re na’o matengo rai 'ori i’a gena-ge 'i dadi di’a ta ananga mo-moini. 'Age mamuni’a 'aḏi wu’unu manga 'ori rana bolo manga tana’a re enanga ma ijana 'aḏi masibalangu te-tero 'i mete’e ananga matengo re matengo manga kuranga re ngadolo ua. Wange moi-wange moi, ananga 'aḏi malomu ra Ma Jou’ongu Madutu 'ai Wala ma soana. Ananga masibalangu manga roti re 'aḏi oromo mamete’e tamanga wala remanga 'akala re sinyingara ga’a maroanga re maholo, re 'aḏi puji re silamo’o Ma Jou’ongu Madutu tau-taunu. Ngowa’a mo-moini toma limau Yerusalem 'aḏi sanangi toma ngowa-ngowa’a ngaku Yesus manga 'ahu re manga de’oso re ḏegoro. Wange moi-wange moi Ma Jou’ongu Madutu 'a dogo manga nyo-nyoimi ngowa’a ngaku Yesus.
Dadi 'oru ga’a ngomi ma oḏi’i re 'isene ḏua, nange-ne ngomi ma singadolo ra ngini, la ngini ni 'ahu marimoi ra ngomi. Sidogo ḏi’i, ngene wo 'ahu marimoi ḏua ra Ma Jou’ongu Madutu nanga Ḇaḇa re 'Ai Ngowa’a Nau’u, Yesus Kristus.
Gena-ge 'i sijumu ra ngene mangale ma’u dadalara ma ngo’omo: Yesus Kristus nyengara ra sipula’a 'ai 'ahu, la ngene wo sanga salamata. Sababu gena-ge, ngene ḏi’i balasu wo nyengara wa sipula’a nanga 'ahu di’a nanga ioronongoḏu ngo-ngaku rimoi!
Sababu gena-ge, ngini ni ma’u si’elingi re ni ma’u babata matengo re matengo ma tero sa’olo ngini na si’a’a ḏua 'au wali singadolo 'orasa nange-ne.
Ngoi 'ari maksudu mangale ngene ma’u babata nanga 'akala re sinyingara matengo re matengo, sababu nanga ngo-ngaku ra Yesus Kristus.
Ino ngene wo malomu tau-taunu. Awa ngene ma tero sa’olo ngowa’a lelegu ga’a 'aḏi malomu riwara. Siḏibo ḏi’i, ngene balasu lebe cufala ma’u babata matengo re matengo di’a malomu, sababu ngene wo waro mangale ti’ara riwara Ma Jou ḏuanga i’a 'o sapolo moju.
Ḇesi 'i simangono reo ḇesi,
manusia madoto’o toma manusia.
Wakutu matengo i’a sanga susa, ngini balasu ni ma’u riono. Na’o ni madaga’a so’o gena, ngini ni mete’e Kristus 'ai hukumu.
Sababu gena-ge, 'age renanga donga moju ra ngene, ngene balasu wo madaga’a 'ori i’a ma la-la ra guna ḇato, ma la-lamo’o i’a toma ngowa-ngowa’a ga’a manga ngo-ngaku 'i marimoi ra ngene.