A comunhão

23 ಮಿ ಇವ್ನೊಮಾ ರ‍್ಹೌಸ ವರಿ ತು ಮಾರಾಮಾ ಛೆ. ಇಮ್ಮ ತ್ಯುನೆ ಪುರಾಜ ಯಕ್ಕ ಥೈನ ರ‍್ಹವಸ. ತುಜ಼಼ ಮನೆ ಮೊಕ್ಲಲ ಹುತಿ ತು ಮನೆ ಮಯಾ ಕರಲ ನಿಂಗತ ಎ ಮನಕ್ಹೊನೆಬಿ ಮಯಾ ಕರಶಿ ಕೈನ ಎ ದುನಿಯಾ ವಳಕಸ.

34 ಮಿ ತುಮೊನೆ ಯಕ್ಕ ನಯಿ ಆಗನ್ಯಾ ದ್ಯುಸ" ತುಮೆ ಯಕ್ಕನೆ ಯಕ್ಕ ಮಯಾ ಕರೊ. ಮಿ ತುಮೊನೆ ಕಿಮ್ಮ ಮಯಾ ಕರು ತುಮೆಬಿ ತಿನಾ ನಿಂಗತ ಮಯಾ ಕರುಜ. 35 ಯಕ್ಕೆಳೆ ತುಮೆ ಯಕ್ನಾ ಯಕ್ಕ ಮಯಾ ಕರ‍್ಯಾಮ, ತುಮೆ ಮಾರಾ ಶಿಷ್ಯಾ ವ್ಹೈ ಕವಾನು ಕ್ಹಾರಾವೊನೆ ಗ್ವತ್ತ ಥಾವಸ ಕೈನ ಕದ್ಯೊ.

44 ಕ್ಹಾರಾ ವಿಶ್ವಾಸಿಯೊ ಮಳಿನ ರ‍್ಹವಾಡಾತಾ. ತ್ಯುನೆ ಹರ ಯಕ್ಕ ವಾಟಿ ಲಿವಾಡಾತಾ. 45 ತ್ಯುನಾ ತ್ಯುನಾ ಆಸ್ತಿಯೊ ಇಕ್ಕಿನ ಆಯೆಲ ದೊಕಡಾಕ್ಹು ಕ್ಹಾರಾವೊನೆ ತ್ಯುನಾ ತ್ಯುನಾ ಜರುರತ್ತಕ್ಹು ವಾಟಿಲಿವಾಡಾತ್ತಾ. 46 ಹರಯಕ್ಕ ದಿನ್ನ ದೆವಾಲಯನೆ ಮಳಿನ ಆತಾತಾ. ತ್ಯುನಾ ಕ್ಹಾರಾವೊನು ಉದ್ದೆಶ ಯಕ್ಕಜ಼ ವ್ಹತ್ತು. ತ್ಯುನೆ ತ್ಯುನಾ ಘರೊಮಾನಾ ರೊಟ್ಲೊ ತೊಡಿನ ಮಳಿನ ಖಾತಾತಾ. ತ್ಯುನಾ ಮನಕ್ಹೊ ಖುಶಿಕ್ಹು ಭರಲವ್ಹತ್ತಾ. 47 ತ್ಯುನೆ ಕ್ಹುದಾನೆ ಸ್ತುತಿ ಕತಾರ‍್ಹತಾತಾ ವರಿ ಕ್ಹಾರಾ ಮನಕ್ಹೊ ತಿನೆ ಪಸಂದ ಕತಾರ‍್ಹತಾತಾ ದಿನ್ನೆಬಿ ಘನ್ನಾ-ಘನ್ನಾ ಮನಕ್ಹೊ ರಕ್ಷಣೆ ವ್ಹಂದಿಲೆತಾತಾ; ಪ್ರಭು ತ್ಯುನೊನೆ ಕ್ಹಾರಾವೊನೆ ಸಭೆನೆ ಮಳಾತೊತೊ.

3 ಹಮೆ ದೆಕಲ ಕ್ಹಾರು ವರಿ ಐಕಲ ಹಮ್ನಾ ಹಮೆ ತುಮೊನೆ ಕಯೆಸ. ಕಾ ಕದ್ಯಾಮ ತುಮೆ ಹಮಾರಿ ಅನ್ಯುನತೆಮಾ ಪಾಲಲಿವಾಲಾ ಥೌ ಕೈನ ಹಮಾರಿ ಆಸ ವ್ಹೈ. ಅಪ್ನಿ ಅನ್ಯುನೆತೆ ಬಾ ಥಯಲ ಕ್ಹುದಾ ವರಿ ತಿನೊ ದಿಕ್ರೊ ಯೆಸು ಕ್ರಿಸ್ತನಾ ಕ್ಹಾತೆ ರ‍್ಹವಾನು ವ್ಹೈ.

16 ಯೆಸು ತಿನೊ ಜ಼ಲಮಜ಼ ದಿದಲ ಹುತಿ ಕ್ಹರಿನಿ ಮಯಾ ಛೆ ಕವಾನು ಹಮೆ ವಳಕಿಲಿದ್ಯಾ ತಿನಾಹುತಿ ಭಾಯೊ ಭೆನೊನಾ ಹುತಿ ಅಪೆ ಜ಼ಲಮ ದ್ಯು.

11 ತಿನಾಹುತಿ ಯಕ್ಲಾನೆ ಯಕ್ಲೊ ಪ್ರೊತ್ಸಾಹ ಕರೊ. ಹಮ್ನಾ ತುಮೆ ಕರತಾ ರ‍್ಹಯಲ ತೆಜ಼ ವ್ಹೈ.

12 ಕದ್ಯಾಮ ಅಪೊಮಾ ರ‍್ಹಯಲ ಬರೊಕ್ಹಾಕ್ಹು ಅಪೆ ಯಕ್ನಾ ಯಕ್ಕ ಮದದ ಕರು ಕೈನ ಮಾರಿ ಆಸ ವ್ಹೈ.

25 ಸಬೆ ಮಳಾನಿ ರುಡಾನೆ ದಕ್ಹಾಜ಼಼ನಾ ಛೊ಼ಡಿಪಡಲ ನಿಂಗತ ಅಪೆಬಿ ಛೊಡ್ಯಾವಾಚಿ ತೆ ದಿನ್ನ ನಜಿಕ ಆವಸ ಕೈನ ತುಮೆ ತಿಳದಿಲಿದಲಕ್ಹು ಯಕ್ನಾ ಯಕ್ಕ ವರಿ ಜಾಸ್ತಿ ಅಗು ಬಡಾನು ಕೊಶಿಶ ಕರಿಯೆ.

2 ತುಮಾರು ವಜ್ಜು಼ ಉಚಾವೊ. ಇಮ್ಮ ತುಮೆ ಕ್ರಿಸ್ತನಿ ಆಗನ್ಯಾ ಕ್ಹರಿಮಾಜ಼ ಕರೊ.

10 ಕಿನೆಬಿ ಚೊ಼ಕು ಕರಾನೆ ಮೌಕೊ ರ‍್ಹತಾಮಾ ಅಪೆ ಕರುಜ಼. ತ್ಯವಾಮಾ ಯಕ್ಕಜ಼ ಘರವಾಲಾ ನಿಂಗತ ರ‍್ಹಯಲ ವಿಶ್ವಾಸಿಯೊನಾ ಹುತಿ ಅಪೆ ಖಾಸ ಕರಿನ ಧ್ಯಾನ ದ್ಯು.

9 ಯಕ್ಲಾತಿ ಬೆ ಜ಼ನಾ ಕಾಮ ಕರಾನು ಚೊ಼ಕು ವ್ಹೈ. ತ್ಯುನಿ ಮ್ಹೈನತನೆ ಚೊ಼ಕೊ ಫೈದೊ ಗಳಶಿಲೆ ಸಕಸ. 10 ಯಕ್ಲೊ ಪಡ್ಯಾಮ, ಬಿಜೆಕ್ಲೊ ತಿನಾ ದೊಸ್ತನೆ ಉಪ್ಪರ ಉಟಾಡಸ. ವಂಟಕ್ಯೊ ರ‍್ಹಯಲವಾಲೊ ಯಕ್ಲೊ ಪಡ್ಯಾಮ, ತಿನೆ ಉಪ್ಪರ ಉಟಾಡಾನೆ ಕುನ್ನಜ಼ ನತ್ತಿ, ತಿನಿ ಗತಿ ಘನ್ನಿ ಕೆಟ್ಟ ವ್ಹೈ. 11 ವರಿ ಬೆ ಜ಼ನಾ ಕ್ಹಾತೆ ಕ್ಹುರಯಮ ತ್ಯುನೊನೆ ಕೌ ಲಾಗಸ, ತೆನೈಸೊ ಯಕ್ಲೊ ಕಿಮ್ಮ ಕೌಮಾ ರ‍್ಹವಾನೆ ಥಾವಸ? 12 ಯಕ್ಲಾನೆ ಬಿಜೆಕ್ಲೊ ಝಿತ್ತ ಸಕಸ, ತೆನೈಸೊ ಝಿತ್ತಲವಾಲಾನೆ ಬೆ ಜ಼ನಾ ತಿನೆ ವಿರುದ್ದ ಥೈನ ಹುಬ್ರೆ ಸಕಸ. ತನ್ನ ಹುರಿನಾ ರಾಕ್ಹೊ ಭೆಗಿನ ತುಟತಾ ನೈ.