A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
ngoi naga de de 'ona de ngona 'Aba de de ngoi; la 'ona ma gou-goungu ka moi. So ma rai 'o dunia ma nyawa 'asa yanako 'ato ngoi ne’ena ngona noisulokino, de ngona 'Aba nakisibosono 'ona kaimatero de ngoino.
Ngoi tinikulakau 'o besesongo ma sungi ge’ena la, nimasikabosono moi de moi. 'Isoka ngoi tinisibosono ngini, koge’enali mita ngini salingou nimasikabosono. Nako ngini nimasikabosono, 'o nyawa 'iodumu 'asa yanako 'ato ngini ge’ena to ngoi 'ai do-domoteke.>>
De 'o nyawa yongaku-ngakuokau go’ona kayomarimoi so moi-moi manga kianikia 'iodumu kayoripake. Naga 'onaka kaitaurika yawukunu manga kia sonaa de ma pipi yosibula-bula moteke moi-moi manga paraluu. 'O wange 'isinoimi 'ona yomalomu-lomu ma Jo’oungu ma Dutu wi Woaka. De yo’odomo ma kayomalomu-lomu manga woa-woaka, de manga singina 'itipokoku de kayomore-morene. De 'ona kawisiare-arene ma Jo’oungu ma Dutu. De 'o nyawa 'iodumu yakiduaka de yakihoromati. 'O wange 'isinoimi yongaku-ngaku kayodogo monga sababu ma Jou wakisilaha so.
'Okia naga gee ngomi miamakekau de mio’isenokau, ge’enau miositotara nginika la ngone poodumu po’ahu pomarimoi de nanga Dea ma Jo’oungu ma Dutu de 'awi Ngowaka ma Yesus Kristus.
Ma ngekomo ne’enau ngone panako kokia pomasikamara’ai moi de moi: Ma Kristus wosongene ma ngale ngone, so ngone mita salingou nanga 'ahu posarakani ma ngale nanga 'esa moi!
Ge’enau so salingou kaitaurika nimasikababata de nimasikakuata nia singina de nia ngo-ngaku 'isoka ma 'orasi ne’ena naga niadi-diai.
To ngoi 'ai dumutu ge’ena la sababu ngone poodumu pongakuokau ma Yesus Kristusika so ngone 'idadi pomasikakuata moi de moi.
Ngone salingou kaitaurika pomalomu-lomu powisuba ma Jou, 'uwa kopoboa-boawa 'isoka 'o nyawa 'iregu-regu. Ngone salingou 'ifoloiosi poduaka pomasikakuata moi de moi, sababu ngone panako koito’ingowau de ma Jou woboau.
Salingou niomarimoi niakiriwo 'o nyawa manga gina 'itu-tubuso, la de ge’ena ngini niamoteke ma Kristus 'awi besesongo.
So kokia naga ma do’ingo nanga 'orasi ka de ma 'enasi, ge’ena salingou nanga gokoie yaowa 'o nyawa 'iodumika, 'ifoloiosi nanga 'esa moika gee ka 'o ngo-ngaku moi.