A comunhão

A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.

23 ಮೇ ಇವ್ಣಾಮ ರ‍್ಹೀಶ್ ಅಜು಼ ತೂ ಮಾರಾಮ ರ‍್ಹೀಶ್ ಅನೇಥಿ ಇವ್ಣೆ ಅಮ್ಮಸ್ ಭರ್‌ಪೂರ್‌ಥಿ ಏಕ್‌ ಹುಯಿರ‍್ಹಿಶೆ, ತದೆ ತುನೇಸ್ ಮನ ಮೋಕ್ಯಲ್ಯೋತೆ ಕರಿ ಅಜು಼ ತುನೆ ಮನ ಪ್ಯಾರ್ ಕರ‍್ಯೊತೆ ಇಮ್ಮಸ್, ಅವ್ಣುನಾಬಿ ಪ್ಯಾರ್ ಕರಿರಾಖ್ಯೋಸ್ ಕರಿ ಆ ಜಗತ್ನ ತದೆ ಮಾಲುಮ್‌ ಪಡ್‌ಶೆ.

João 17:23

34 ಹಮ್ಕೆ ಮೇ ತುಮೂನ ಏಕ್‌ ನವಿ ಹುಕುಮ್‌ ದೆವುಸ್ ತುಮೆ ಏಕ್‌ಥಿ-ಏಕ್‌ ಲಾಡ್‌ ಕರೊ. ಮೇ ತುಮೂನ ಲಾಡ್‌ ಕರ‍್ಯೊತೆ ತಿಮ್ಮಸ್, ತುಮೇಬಿ ಏಕ್‌ಥಿ-ಏಕ್‌ ಲಾಡ್‌ ಕರ್ನುಸ್‍ಕರ‍್ನು. 35 ತುಮೆ ಏಕ್‌ಥಿ-ಏಕ್‌ ಪ್ಯಾರ್ ಕರ‍್ಯಾತೊ, ತದೆ ತುಮೆ ಹರೇಕ್ ಜ಼ಣು ಮಾರ ಶಿಷ್ಯರ್‌ ಕರಿ ಮಾಲುಮ್‌ ಉಷೆ" ಕರಿ ಬೋಲ್ಯೊ.

João 13:34,35

44 ವಿಶ್ವಾಸ್‌ ಕರವಾಳು ಖ್ಹಾರು ಒಗ್ಗಟ್‌ಹುಯಿನ್ ಜಿವ್ಣು ಕರ್ತುಥು. ಇವ್ಣಾಮಥೂತೆ ಹರೇಕ್ ಚೀಜ಼್‌ನಾಬಿ ವಾಟಪಾಡಿಲ್ಯಾವಳು ಹುಯಿರುಥು. 45 ಇವ್ಣಿ ಜ಼ಮೀನ್ನ ಅಜು಼ ಇವ್ಣಕನ ಥೂತೆ ಶೊತ್ನ ವೇಚಿನ್ ಮಳಾತೆ ಪೈಶಾನ ಜ಼ರೂರತ್ ರ‍್ಹವಳಾನ ವಾಟಪಾಡಿ ದೇತೂಥು. 46 ಇವ್ಣೆ ಹರೇಕ್ ದನ್ ಏಕ್‍ದಿಲ್‍ಥಿ ದೇವ್ನಿ ಮಂದಿರ್‌ಮ ಮಳಿನ್ ಆವ್ತುಹುಯಿನ್, ಇವ್ಣೆ ಇವ್ಣ ಘರ್‌ಮ ರೋಟೊ ತೋಡಿನ್ ಒಟ್‍ಥಿ ಖಾಣು ಖಾತೂಥು. ಇವ್ಣೊ ದಿಲ್‌ ಖುಷಿಥಿ ಭರೈರ‍್ಹೆತೂಥು. 47 ಇವ್ಣೆ ದೇವ್ನ ಖ್ಹರವ್‌ಕರ್ತೂಥು. ಅಜು಼ ಅದ್ಮಿಖ್ಹಾರಾನು ದಯಾನ ಲಿಲ್ಯಾವವಾಳ ಹುಯಿರ‍್ಹಾಥ. ಹರೇಕ್ ದನ್‍ಬಿ ಘಣು ಘಣು ಅದ್ಮಿಖ್ಹಾರು ರಕ್ಷಣೆ ಲೇವ್‍ಕರ್ತೂಥು. ಪ್ರಭುನೆ ಇವ್ಣುನ ಅಖ್ಖಾನ ವಿಶ್ವಾಸಿನಿ ಸಭೆಮ ಮಳವ಼್ ಕರ್ತೊಥೊ.

Atos 2:44-47

3 ಬಾ ಹುಯಿರೋತೆ ದೇವ್ನ ಅಜು಼ ಇನೊ ಛಿಯ್ಯೊ ಹುಯಿರೋತೆ ಯೇಸುಕ್ರಿಸ್ತನಿ ಜೋಡ್ಮರ‍್ಹವಾನುಬಿ ಹಮುನ ಛಾ಼ತೆ ಗಳ್‌ಜೋ಼ಡ್ಮ ತುಮೆಜಿನು ಭಾಗ್‌ಲೀಲ್ಯವಾಳ ಹುಯಿರ‍್ಹೇವ್ಣುಕರಿ ಹಮೆ ದೇಖಿರಾಖ್ಯತೆ, ಖ್ಹಮ್‍ಜಿರಾಖ್ಯತೆ ತುಮೂನ ಬೋಲಿವತಾಳೆಸ್‍.

1 João 1:3

16 ಪ್ರಭು ಯೇಸು ಅಪ್ಣಖ್ಹಾಜೆ ಇನ ಜಾನ್ನಾಸ್ ಮ್ಹೇಲ್ಯೊ. ಅನೇಥಿ ಲಾಡ್‌ ಕೆಥ್ರಾನು ಕರಿ ಅಪ್ಣೆ ಖ್ಹಮ್‍ಜಿಲಿದ ಕಿಮ್‌ಕತೊ. ಅಪ್ಣೇಬಿ ಭೈಯೇ ಭೇನೇನಖ್ಹಾಜೆ ಜಾನ್‌ ದೇವವಾಳ ಹುಯಿರಾಸ್‍.

1 João 3:16

11 ಇನಖ್ಹಾಜೆ ತುಮೆ ಹಮ್ಕೆ ಕರುಕರಸ್ತೆ ಇಮ್ಮಸ್, ಏಕ್‌ನ ಏಕ್‌ ಭಾಲಿ ದೇವೊ. ಅಜು಼ ಹುಮ್ಮಖ್ಹ್‌ ದೇತಹುಯಿನ್ ಏಕ್‌ನ ಭಕ್ತಿನ ಬಿಜೇಕ್‌ ಜ಼ಣು ಭಡಾವ್ತರ‍್ಹೆವೊ.

1 Tessalonicenses 5:11

12 ಮಾರಿ ವಿಶ್ವಾಸ್‌ಮ ತುಮೇಬಿ ತುಮಾರಿ ವಿಶ್ವಾಸ್‍ಥಿ ಮೇಬಿ ಏಕ್‍ಥಿಏಕ್‍ಜ಼ಣು ಮದತ್ನ ಲೀಲೆವ್ಣುಕರಿ ಮಾರಿ ಆಖ್ಹ್.

Romanos 1:12

25 ಸಬೆ ಮಳಾನು ಆದತ್‌ನ ಥೋಡುಜ಼ಣು ಮ್ಹೆಲಿದಿದೂತೆ ತಿಮ್ ಅಪ್ಣೆ ಮ್ಹೇಲಿನಾದೆವ್ಣುತೆ, ಅಪ್ಣುನ ಮಾಲುಮ್‌ ಛಾ಼ತೆ ಪರಕ್ಮ ಪ್ರಭು ಆವಾನದನ್‍ ಖನ್ನೆ ಐಗಾತೆ ಇನಖ್ಹಾಜೆ ಬಿಜೂ಼ಬಿ ಘಣು ಏಕ್‌ಥಿಏಕ್ ಹುಮ್ಮಖ್ಹ್‌ ದಿಯೇ.