Comunidade

32 Agus bha aig a’ chuideachd a chreid aon chridhe, agus aon anam: agus cha mhò a thubhairt neach air bith dhiubh gum bu leis fhèin aon nì a shealbhaich e; ach bha na h-uile nithean coitcheann aca.

42 Agus bhuanaich iad gu seasmhach ann an teagasg nan abstol, agus ann an co-chomann, agus ann am briseadh arain, agus ann an ùrnaighean.

46 Agus a’ buanachadh dhaibh gach là a dh’aon inntinn anns an teampall, agus a’ briseadh arain o thaigh gu taigh, chaith iad am biadh le gàirdeachas agus le aon-fhillteachd cridhe,

47 A’ moladh Dhè, agus deagh-ghean aca on t-sluagh uile. Agus chuir an Tighearna gach là ris an eaglais an dream a thèarnar.

14 Bhuanaich iad seo uile a dh’aon inntinn ann an ùrnaigh (agus ann an guidhe), maille ris na mnathan, agus Muire màthair Iosa, agus maille ra bhràithrean.

5 Air an adhbhar sin ghleidheadh Peadar anns a’ phrìosan: ach bha bith-ùrnaigh air a dèanamh leis an eaglais ri Dia air a shon.

20 Oir ge bè àite anns a bheil dithis no triùir air an cruinneachadh an ceann a chèile ann am ainm-sa, tha mise an sin nam meadhon.

10 A-nis guidheam oirbh, a bhràithrean, tre ainm ar Tighearna Iosa Crìosd, gun labhair sibh uile an t-aon nì, agus nach bi roinnean nur measg; ach gum bi sibh ceangailte ri chèile gu diongmhalta ann an aon inntinn, agus ann an aon bharail.

13 Oir tre aon Spiorad bhaisteadh sinn uile do aon chorp, mas Iùdhaich sinn no Greugaich, mas daor no saor sinn; agus thugadh deoch ra h-òl dhuinn uile a-chum aon Spioraid.

4 Oir mar a tha mòran bhall againn ann an aon chorp, agus nach e an t-aon ghnìomh a tha aig gach ball;

5 Amhail sin ged tha sinne nar mòran, is aon chorp ann an Crìosd sinn, agus is buill sinn gach aon fa leth da chèile.

16 Bithibh a dh’aon rùn da chèile. Na biodh ur cion air nithean àrda, ach cuiribh sibh fhèin ann an co-inbhe riùsan a tha ìosal. Na bithibh glic nur barail fhèin.

1 Gabhaibh ris an neach a tha anfhann anns a’ chreideamh, ach chan ann a-chum deasbaireachd amharasaich.

5 A-nis gun tugadh Dia na foighidinn agus na comhfhurtachd dhuibhse a bhith a dh’aon inntinn a-thaobh a chèile, a rèir Iosa Crìosd:

17 A-nis guidheam oirbh, a bhràithrean, comharraichibh iadsan a tha a’ togail roinnean agus a’ toirt oilbheim, an aghaidh an teagaisg a dh’fhòghlaim sibh; agus seachnaibh iad.

24 Agus thugamaid an aire da chèile a-chum ar brosnachadh gu gràdh, agus gu deagh obraichean:

25 Gun a bhith a’ leigeadh dhinn sinn fhèin a chruinneachadh an ceann a chèile, mar as gnàth le dream àraidh; ach a’ comhairleachadh a chèile: agus gum bu mhò a nì sinn seo, gu bheil sibh a’ faicinn an là a’ tarraing am fagas.

14 Agus thar na nithean seo uile, cuiribh umaibh gràdh, nì as e coicheangal na foirfeachd.

3 A’ dèanamh dìchill air aonachd an Spioraid a choimhead ann an ceangal na sìthe.

1 Feuch, cia math agus cia taitneach an nì do bhràithrean còmhnaidh a ghabhail cuideachd ann an aonachd!

8 Fa-dheòidh, bithibh uile de aon inntinn, biodh co-fhulangas agaibh ri chèile, gràdhaichibh a chèile mar bhràithrean, bithibh truacanta, càirdeil:

11 A mhuinntir ionmhainn, ma ghràdhaich Dia sinne mar sin, tha e mar fhiachan oirnne a chèile a ghràdhachadh mar an ceudna.

7 Ach ma ghluaiseas sinn anns an t-solas, mar a tha esan anns an t-solas, tha comann againn ri chèile, agus glanaidh fuil Iosa Crìosd a Mhac sinn o gach uile pheacadh.

28 Chan eil Iùdhach no Greugach, chan eil saor no daor, chan eil fireann no boireann ann; oir is aon sibh uile ann an Iosa Crìosd.

29 Agus mas le Crìosd sibh, is sibh sìol Abrahàim gun amharas, agus is oighreachan sibh a rèir a’ gheallaidh.

3 Thoir urram do bhantraichean a tha nam bantraichean da-rìribh.

20 Gu deimhinn deimhinn tha mi ag ràdh ribh, an tì a ghabhas ri neach sam bith a chuireas mise uam, gabhaidh e riumsa; agus an tì a ghabhas riumsa, gabhaidh e ris an tì a chuir uaithe mi.