Comunidade
A comunidade cristã é essencial para o crescimento da fé. A Bíblia ensina que fomos criados para viver em comunhão — edificando-nos, encorajando-nos e servindo uns aos outros.
Viver em unidade
Os que creram eram um coração e uma alma. A comunidade primitiva partilhava tudo e vivia em harmonia e alegria.
Bʉə bənchəŋ ndə bɔ̂ŋ bɛ́ŋ Nyii dùʼ nə ŋgiekə imɔʼ, təmə wo kie yi-yə fɔkə ŋkʉʉ fɛ, bɔŋ bɔ̂ŋ kə́ gyʉ̀ətə fɔkə təmiyɔŋ ndə wo kie.
Bɔ̂ŋ kɔ́ ŋwɔŋ-yʉə ndə mə-kə́-yétə nubə ndə bəlɔntəŋNyii kə́ dàhə, ndə mə-kə́-yúnə, ndə mə-kə́-gyʉ̀ətə fɔyubə leʼnə mə-kə́-gháaNyii.
Bɔ̂ŋ kə́ chə̀ŋtə bəchibəchi sêfu chunjaafɛ̀ʼndɛŋNyii. Bɔ̂ŋ kə́ gyʉ̀ətə fɔyubə ndəŋ futə-ʉə kə́ yú nə tʉʉjyu leʼnə fyii imɔʼ, kə́ lə̀ʼtə Nyii, tʉʉ bʉə bənchəŋ bʉ̀ʉ ndəŋ bɔŋ. Tiekətʉ kə́ bìʼ bʉə-nuɔ-bɔŋ bəchibəchi ndə bɔ̂ŋ nɔʼ bɛ́ŋ Nyii.
Bʉə-bɔ̄ŋ bənchəŋ nə gyʉʉ imɔʼ kɔ́ fyiihə-ʉə ndə məgháaNyii, ghɔŋbə bəke leʼnə Mɛli ŋkwê-Jiso leʼnə bəliŋ-Jiso bi-bələŋ-bə.
Bɔŋ ndʉʉ ndə Bita kə bɛ chaŋ, bʉə ndə bɔ̂ŋ nɔʼ bɛ́ŋ Nyii, kɛŋ gháaNyii nə fyiihə-ʉə imɔʼ shʉ́əshʉ́ə tʉ ɔŋ.
Bʉʼka yəŋkə ndə bʉə bəbûu byuunɔ bʉə bətia chə̀ŋtə chɔ yie-mɔ, mɔ nɔ bɛ mu bɔŋ."
Edificação mútua
Vivam em harmonia uns com os outros. Não haja divisões entre vós. A comunidade cresce quando cada membro contribui.
Mɔ nɔ tʉʼ fʉ̀ʉtə bii, bəliŋ-bɔŋ, nə yie-Jiso Klai Tiekətʉ-yʉʼʉ, mbɔ b̈ii bənchəŋ dùʼ nə ŋgiekə imɔʼ. Kə ŋkʉʉŋkʉʉ mə bɛ mu bii fɛ. B̈ii kɛŋ fúu ŋwɔŋ-yii nə ŋkwɔʼtə imɔʼ ghɔŋbə luu imɔʼ gɛ̀ kùu.
Yɔ̄ŋ-yə nɔ bɛ nɔ bʉʼka bʉʼʉ bənchəŋ nɔ kə fí ntɛ muu imɔʼ kə́ bɛ LyʉʉhəNyiikə. Bə chìi bʉʼʉ ndə məbɛ mbyu mbʉə imɔʼ, kə bʉʼʉ bɛ bʉə-Juu, kə bʉʼʉ gòʼ təmə bɛ bʉə-Juu fɛ, kə bʉʼʉ bɛ fʉəhə, kə bʉʼʉ gòʼ təmə bɛ fʉəhə fɛ, Nyii nɔʼ kɔ́ ntɛ-kəLyʉʉhə-hə imɔʼ tʉ bʉʼʉ ndə fɔkə ndə mənú ndə ɔ nɔʼ véʼ, bʉʼʉ nú.
Bʉʼka bʉʼʉ nɔ kie yəŋ-mbʉə-bə ndəŋ mbʉə imɔʼ buŋmbi, bɔ̂ŋ bɔŋ kie fɔʼtə ŋkʉʉŋkʉʉ. Nɔ bɛ haʼ nɔ, bʉʼʉ bɛ yɔ́ŋyɔ́ŋ nɔ, bɔŋ kə́ bɛ mbʉə imɔʼ ndʉʉ ndə bʉʼʉ tùo bʉʼʉbə Klai, bʉʼʉ bənchəŋ bɔŋ-nɔʼ-leʼ fúu ŋwɔŋtə-ʉʼʉ nə yəŋ-mbʉə-bə ndəŋ mbʉə imɔʼ, bʉʼʉ bənchəŋ bɔŋleʼ bɛ tʉ ŋwɔŋtə-ʉʼʉ.
B̈ii dùʼ nə ŋgiekə imɔʼ bii bəbɛʼbʉə. Kə bii mə kə́ dʉ̀ʼ ŋwɔŋ-yii fɛ, b̈ii bɔŋ yúnə bii bəbʉə njʉnjʉ, kə bii məlʉ̀ ŋwɔŋ-yii mbɔ bii kínə inchəŋ fɛ.
B̈ii lʉ̀ bʉə ndə bɔ̂ŋ mɔ̀ʼfyiihə-ʉə ndəŋ Nyii təmə bɔŋleʼ shʉ̀tə shʉ́ə jyujyu fɛ, kɔ́ mbʉə bii, kə bii mə kə́ túŋ bəŋʉʉ bii bɔŋ te nubə ndə bɔ̂ŋ yá mu kətʉ-bɔŋ fɛ.
Tə Nyii, ndə ɔ̃ kɔ́ fyii ndə məlyʉ̀ʉtə́nə bɔŋleʼ kwèʼhə bʉʼʉ, kɔ́ bii nə ghʉəʼkə ndə mədùʼ nə ntɛ gyʉʉ imɔʼ mu bii, ndə i lʉ̀ hə kəwu-Klai Jiso,
Mɔ nɔ tʉʼ fʉ̀ʉtə bii bəliŋ-bɔŋ, mbɔ b̈ii láa bʉə ndə bɔ̂ŋ tʉʼ gwè nə ŋkʉʉŋkʉʉ bɔŋleʼ mɔ̀ʼ ŋkyʉhəbə tʉ bii ndə mədàhə nubə ndə i bɛ ŋkʉ̂ʉ ndə yi ndə bii kə yétə. B̈ii nyʉ́ʉ bɔŋ.
Amor e compromisso
Não deixemos de congregar. O vínculo perfeito é o amor — ele une a comunidade e produz frutos que duram.
B̈ʉʼʉ kwɔ̀ʼtə ntɛhə ndə bəkɔ bʉʼʉ kwèʼhə ŋwɔŋtə-ʉʼʉ ndə məkie ŋkʉ̂ʉ bɔŋleʼ kə́ fɔ̀ʼ fɔʼ-jyujyu-tə, təmə lèʼnə ndə mə-kə́-chə̀ŋtə kəyəŋ kəmɔʼ fɛ, ndə bəbɛʼbʉə nɔʼ lʉ̀ bɛ nuʼ-yʉə, b̈ʉʼʉ bɔŋ kə́ kwèʼhə ŋwɔŋtə-ʉʼʉ, fɔŋ ɛŋ kə́ bɛ ndə bii tʉʼ nyíɛ ndə mbʉ kəChî Tiekətʉ tʉʼ kə́ŋhə gwè.
Bɔŋ fɔŋ-kənu ndə məbìʼ ndəŋ nubə-ɔ̄ŋ, b̈ii mɔ̀ʼ ŋkʉ̂ʉ mbʉə-bii ndə ĩ kɔ́ʼ nubə inchəŋ ndə mə-kɛŋ-dùʼ nə ŋgiekə imɔʼ.
B̈ii kə́ kɔ̀ɔtə ndə məfúu ŋwɔŋ-yii mu LyʉʉhəNyiikə nə fyiighʉ́ənə.
Ndə məlìʼ, b̈ii bənchəŋ nɔ kie ndə məkie ntɛ ŋkwɔʼtə imɔʼ, kie tʉvyiikə, kie ŋkʉ̂ʉ tʉ ŋwɔŋtə-ii ndə bəliŋ, kie buuŋjyu bɔŋleʼ lʉ̀ ŋwɔŋ-yii sê tʉ bəbɛʼbʉə.
Mbʉətə bətieŋkɔŋ-bɔŋ, kaʼ Nyii kʉ̀ʉ bʉʼʉ yɔ́ŋyɔ́ŋ mə nɔ, bʉʼʉ nɔ kie ndə məkʉ̀ʉ ŋwɔŋtə-ʉʼʉ ghɔ.
Bɔŋ kaʼ bʉʼʉ kə́ tòʼ mu kɛʼɛ, haʼ ndə mbəŋ-ɛŋ bɛ mu kɛʼɛ, i dʉ̀ʼ mbɔ bʉʼʉ nɔ kie njunə bʉʼʉ bəbɛʼbʉə, fɔbʉə-Jiso-Vaa-ɛ-kə sʉ̀ bʉʼʉ hə ndəŋ bʉ̂ʼtə-ʉʼʉ inchəŋ.
Nɔ, wo-Juu kaa ghɔ ŋkʉʉ ndəŋ wo ndə ɔ gòʼ təmə bɛ wo-Juu fɛ, fʉə bɛ ghɔ ŋkʉʉ ndəŋ wo ndə ɔ gòʼ təmə bɛ fʉə fɛ, təmə woləŋ kə bɛ ghɔ ŋkʉʉ ndəŋ woke fɛ, bʉʼka bii nɔ bɛ fɔkə imɔʼ mu Klai Jiso. Kaʼ bii bɛ tʉ Klai, təmə bii nɔ bɛ ŋgwie-wo-Ablahaŋ, njuhə te ŋkɔʼnə ndə bə kə kɔ̀ʼnə tʉ Ablahaŋ.
B̈ii kɔ́ kuŋhə tʉ bəkwuʼ bəke ndə bɔ̂ŋ kɛŋ bɛ ŋkɛŋ bəkwuʼ bəke.
M̈ɔ kɛŋ shyíi bii nə shʉəŋ mbɔ wotəmiyɔŋ ndə ɔ lʉ̀ wo ndə mɔ tə́ŋ kɔ́ mbʉə-ɔ nɔ lʉ̀ mɔ kɔ́ mbʉə-ɔ, bɔŋ wo ndə ɔ leʼ lʉ̀ mɔ kɔ́ mbʉə-ɔ nɔ lʉ̀ wo ndə ɔ tə́ŋ mɔ kɔ́ mbʉə-ɔ."