Comunidade

Agaiciyagayi gná əɓa nyaɓwa

32 Avyiyi vnyanya ɓa ɓə zhni gbmanyi nu n ədu n bwugbai. Zahozahoyi to ɓə nyi n wo ɓə n nyahonyahoii la nge kwo zhni əwo nya nu gbmanyi m, ama ɓa gná nyahonyahoi n ɓa ɓə ncei.

Avyiyi jedoɓəzhni

42 Ɓa kwu əɓahni ga fyi n atnutnuloyi nyawu n jedoɓəzhnii, ga nyagyi gyi n aduwazhnii.

46 Wyihowyihoi ɓa gwodu ɓai yezhi n abagbmanyi fyi n Dagayipwuwa ashilagyí. Ɓai gyi nyagyi fyi n əɓa apwuwa jesnu ɓai kwnu nyagyi gyi n ajei fyi ń abwugbada jesnu n adu agaiciya nyai, 47 ɓai ci Shekwoyi jesnu ɓai wo agbmada aza vnyanya bmyashi nya. Njesnu Dagayi woi ɓe ɓa bəgyé fyegyifyegyi, aza yi n ɓa ɓə gnyi ɓai ɓwa gnyignyi nyi.

14 Əɓa vnyanya ɓai yezhi ciici fyi n abagbmanyi n aduwazhni, n kwnusnu n anyikwozai n Mariyamwui Yeisu əya, ɓədo n əwo amajei.

5 Ntulonu ɓaa Byitusu gwudna n zhalu, ama ikilisiya ɓə fyi ɓai zhniaduwa n əwyei bmyibmyii ga Shekwoyi ntu n əwo ɓo.

20 Ntuge aba ń aza ngwnu-aba kwo ngwnu-ata ɓa yezhi dna n əmi əye, mi kwnusnu lo n ɓai n abaayi."

Ikilisiya kwo la gnaje ntu atukwoda ɓo

10 Mi tna fye aɓwa, əmiaje azanugbai n anyikwozai, dna n əyi Dagayi Yeisu Kirisiti əye, nge əfye vnyanya fye kwu gbelodo n ajei dna n əɓo n fye da jesnu to a ɓwa ajegna n əfye atasni m. Ama a gye fye n əgbei lodo n aba gbmanyi cewo dna n bwugba n ɓənubwozhnii.

13 Ntuge a ɓə zhni yi batizima vnyanya n Zafnu gbmanyi nu, nabai ya kwu zè nayi gbmanyi; kwo Ayahudiyi nu kwo Abyedo, afyenu kwo aza loloiya; jesnu əyi vnyanya a ɓə ga yi Zafnu gbmanyi nu ya sni.

4 N ɓwasnu she zahozahoyi ń yi, ń nayii gbmanyi nu, n agai mwa bəgyé, jesnu aga ye vnyanya, ɓa ta zhni tnutnu gbmanyigbmanyi nu m. 5 Ntulonu dna ń Kirisiti, əyi, kwo shikwonyi, yi mwa bəgyé lo, yi zhni nayi gbmanyi nu, jesnu əga dəhodəhoi zhni aga aje vnyanya nya nu.

16 Fye gyianyì n əɓwai dnado n ajei. Fye to mwa əfyehni tukwo m, ama fye ye azaje nabai fya kwnu asese n aza yii n ɓa gbàgbài. Fye to kwu nu zhi n tukwomwai m.

Akalágbai n akaládaii

1 Fye gwo əza n əwo gaiciyaganunui n akalágbai lo, ntna anyàwu kpe n aɓo aɓənakpeaje nya.

5 Fa Shekwoyi n wo ga bwugbaɓwa n bwugbakaládnai nyi, wa ga fye bwugbadna gbmanyigbmanyi ntu n aje ɓo, ədo pya n Kirisiti Yeisu ɓə ncei nyi,

17 Mi gyi fye əwye, əmi azaje n amapwuyii, nge fye kwu aza yi kawye n ɓa ɓe n ajegnai jesnu ɓai zhi aɓo n fye ɓa cebwonyi n əfya azokwo; n ɓa shnado shnashnai lo n nyawui n fye kwu kwo tumwi nyi. Fye la taya n ɓai.

24 Njesnu fye fa ya zhni ɓənubwo, shi yi ɓa ceaje aɓwa fyi n yeye ɓədo n aɓo manaizhnii. 25 Fye to fa yezhi ɓo n abagbmanyi m, ngye shi azaho ɓa lá kwo shiɓwa ɓai zhni nyi m, ama n agwumyizhii ga aje; n gnasnusnu nsaiye, shi fye gye Nyipyei yi kwoi yawye wu ɓe nyi.

14 Jesnu kpe n alu amanai ye vnyanya, fye kwu yeye kpe, n əkwo nu ye ɓa ɓədo ń abagbmanyi dna n ɓwadodna nunui.

3 Fye zhni ɓəhoɓəhoi nabai fya shi gbedogwnu Zafnu nya ɓwa, dna n bwugbafu n kwo nu n fyei yeɓədo nyi.

Azhnìgye ntu ɓəmanaizhni ɓo

8 N kpmasnu, əfye vnyanya, fye kwu zhi n bwugbai gbmanyi, fye kwu zhni asnusnugyeyi. Fye ye n ajei, fye ɓwa bwugba n ajei, njesnu na atukwoi gbàgbài.

11 Anugwnudo ayeyeyi, shikwonyi Shekwoyi wo kwu yeye wu yi nsnu nlai nyi, yi ɓə gwo ya wu aje yeye ce.

7 Ama n ya znazna fyi n bwuznagna, ngye shi wo dna n bwuznagna nyi, yi zhni jedoɓəzhni lo nu najei, jesnu əwo Nugwnu Yeisu ami, ɓa ɓá pmya yi n leifyi dəhodəhoi.

28 Yahudiyi to ye shnasnu lo kwo Abyedo, kwo fyenu kwo əza loloiya, kwo a gna nge zanugbayi n nyikwozai m, ntuge əfye vnyanya fye zhni gbmanyi nu dna n Kirisiti Yeisu. 29 Ngye n fye zhni Kirisiti anya nu, nlonu a gye fye zhni Ibrahim nyabye nu, jesnu əgwúgyiyi ngye shi ɓəgbeshi lo nyi.

3 La əwyewna jesnu ha kpe anyigbayi hnihnii əye, n ɓa fyilo n snagyi.

20 Ɓəhnihni əmi nu gna fye, əzadəhodəhoyi n wa gwo əza n ma tnu n woi, wo la mi gwo; jesnu əzadəhodəhoyi n wa gwo mi, wo la əza gwo n wo ɓə tnu n mii nyi."