22 Di aloho Dimaadua mo dono manawa dumaalia hagalee noho loo.

23 E haga manawa lamalia au gadoo be di haga manawa lamalia o di luada,

ge dee odi gadoo be di hobo aga o di laa.

18 Mee e noho hoohoo gi digau huogodoo ala e gahigahi a Mee,

go digau ala e gahigahi a Mee i di tonu.

8 Goe gaa hai au mee huogodoo ala guu lawa dau hagababa.

Meenei Dimaadua, do aloho la hagalee modu.

Hagalawa ina au moomee ala guu lawa i dau daamada.

17 Gei di aloho o Dimaadua i digau ala e hagalabagau Ia,

le e hai hua be di maa gaa hana hua beelaa.

Gei di humalia o Maa gaa hana hua beelaa ang gi nia adu daangada huogodoo

18 o digau ala e daudali ana hagababa ge e haga gila aga gii donu ana haganoho.

18 Dimaadua e hagaloohi digau ala e hagalongo ang gi de Ia,

digau ala e hagadagadagagee gi dono manawa aloho dee modu.

28 idimaa, Dimaadua le e aloho di mee dela e donu,

gei Mee hagalee diiagi ana daangada ala e manawa dahi.

Nia madagoaa huogodoo, gei Mee e hagaloohi digaula

gei di hagadili ni digau hai mee huaidu le e hagabagi gi daha.

3 Dimaadua le e manawa dahi, gei e hagamaaloo ge e abaaba goodou gi daha mo Tangada Huaidu deelaa.

13 Nia hagamada huogodoo ala gu tale adu gi goodou, le e tale anga labelaa gi digau huogodoo. God le e daahi dana hagababa, Mee e hagalee dumaalia adu gi goodou gi nia hagamada ala e deemee di haga magedaa go goodou. Di madagoaa di hagamada, gei Mee ga gowadu gi goodou di mahi i nia hagamada mo di ala dela e tanga goodou gi daha.

9 Goodou la gi langahia bolo Dimaadua di godou God la deelaa hua go Mee di God. Mee e manawa dahi ge dadaahi hua beelaa dana hagababa mo dono aloho dee odi, ang gi nia madahaanau e mana ala e aloho i Mee mo di haga gila aga ana haganoho.✝

8 Dimaadua gaa hana i oo mua, ga madalia goe. Mee hagalee de langahia goe, be e diiagi goe. Goe hudee madagu be manawa logo."✝

17 Nia wanga dehuia humalia huogodoo, mono maluagina e dohu huogodoo, le e lloomoi i di langi i baahi o God dela ne hai nia maahina o di langi. God hagalee huli, ge hagalee hagabouli.✝

34 Goodou danggee gi Dimaadua,

i Mee e humalia, di aloho o Maa e waalooloo.✝

5 Goe e humalia mai gi gimaadou ge e manawa dumaalia,

gei e honu i di aloho dee modu ang gi digau huogodoo ala e dalodalo adu gi di Goe.

9 Mee e haga inu digau ala e hieinu,

ge e haangai digau ala e hiigai gi nia meegai humalia.

16 Gei au ga daahili i di hai oo mahi.

Nia luada huogodoo gei au ga daahili gi nua i di hai o do aloho dee modu.

Goe go dagu gowaa dela e bala iei au, gei di abaaba ni oogu

i dogu madagoaa ma ga haingadaa.

22 Dugua ang gi Dimaadua o haingadaa, gei Mee ga haga dagaloaha goe.

Mee hagalee e hai digau ala e hai di tonu gi magedaa.

3 Mee hagalee diiagi goe gii doo. Do Hagaloohi la hagalee kii.

8 Dimaadua go di God Aamua Huoloo ga helekai, "Au go Taamada mo di Haga odi, Au dela i golo dolomeenei, nogo i golo mai mua, ga hanimoi maalia."

19 Gei Goe, meenei Dimaadua, Goe gaa king gaa hana hua beelaa,

gaa dagi gaa dae loo gi di hagaodi o di madagoaa.

1 Dimaadua, Kooe go dogu God,

au ga hagalaamua Goe, ge hagaamu do ingoo.

Goe ne hai au mee hagagoboina huoloo,

gu hagagila aga modudahi nia mee

ala ne haganoho Kooe mai taamada.

22 E haga langaadia ma ga hagagailaa.

Digau hagaloale la koia e humalia i digau hai kai tilikai.

13 Tangada dela e tamu dangada e deemee di hagadagadagagee ginai i di gili nia mee hagammuni, malaa, goe e mee di hagadagadagagee gi tangada dela e hagadonu kooe.

3 Maa goe e humalia, goe e dagi go di manawa madammaa. Digau ala e deemee di hagadagadagagee ginai le e daaligi go nadau haihai hala.

21 Tagi o maa ga helekai gi mee bolo koia e humalia, ‘Goe tangada hai hegau donu. Goe guu donu i dau haga hai hegau di mee dulii, malaa, au ga haga uda adu di mee damana e madamada humalia iei goe. Hanimoi laa gi tenetene goe madalia au!’

24 Gaa dae mai gi dolomeenei, goodou digi tangi mai i dahi mee i dogu ingoo. Dangidangi, gei goodou ga hai mee ginai, godou tenetene la gaa dohu.