22 Bumbote ya Yave, me manisa ve,

luzolo ya yandi me suka ve.

23 Yawu ke vutukilaka konso suka.

Kukwikama ya nge kele nene!

18 Yave kele pene-pene ya bayina nyonso ke bokilaka yandi,

bayina ke bokilaka yandi na butsyelika nyonso.

8 Yave, nge ke manisa yina nge bandaka na kusala samu na munu,

Yave kukwikama ya nge ke zingilaka bantangu nyonso,

kubika beto ve, bantu ya nge yina nge yidikaka!

17 Kasi kukwikama ya Yave ke zingilaka bantangu nyonso, samu na bayina ke zitisaka yandi,

ludedomo ya yandi kele samu na bana ya bana ya bawu,

18 mpe samu na bayina ke bumbaka ngwisani ya yandi,

ke bambukaka moyo na bantumunu ya yandi, samu na kusadila yawu.

18 Kasi Yave ke sikikaka meso ya yandi na bayina ke zitisaka yandi,

na bayina ke tulaka ntima na bumbote ya yandi,

28 Ya tsyelika, Yave ke zolaka ludedomo,

yandi ke bikaka ve bayina kele ya kukwikama na yandi.

Yandi ke kebaka bawu konso ntangu,

kasi bana ya bantu ya yimbi, bawu ke vwanda dyaka ve.

3 Kasi Mfumu kele ya kukwikama. Yandi ke pesa beno ngolo mpe ke keba beno, samu ti Mfumu ya Yimbi kubwisa beno ve.

13 Bantontolo yina kuminaka beno, vwandaka bantontolo yina ke kuminaka bantu. Nzambi ke zitisaka bansilulu ya yandi, mpe yandi lenda kusala ve ti bantontolo yina ke kumina beno, lutila beno ngolo. Kasi ntangu ntontolo ke kumina beno, Nzambi ke pesa beno ngolo ya kuvibidila yawu mpe ya kukatuka na yawu.

9 Na yina, beno fwana kuzaba ti ni Yave Nzambi ya beno kele Nzambi. Ni yandi kele Nzambi ya kukwikama. Yandi ke kebaka ngwisani ya yandi, mpe yandi ke vwandaka ya kukwikama tii na funda ya bambandu samu na bayina ke zolaka yandi mpe ke landaka bantumunu ya yandi.

8 Yandi mosi Yave ke tambula na mantwala ya beno. Yandi mosi yandi ke vwanda na beno. Yandi ke bika beno ve, yandi ke yambula beno ve. Beno vwanda ve na boma. Beno kukima ve.»Musikubanganga-Nzambi

17 Makabu nyonso ya kulutila mbote ke katukaka na zulu, na sika ya Nzambi, Kiyidiki ya bansemo ya zulu. Mpe na sika ya yandi, nsobolo ke vwandaka ve. Yandi ke sobaka ve mutindu mpewo ke sobaka bisika.

34 Beno kembila Yave, samu ti yandi kele mbote

samu ti kukwikama ya yandi kele ya seko!

5 samu ti nge Yave, nge kele mbote, nge ke lemvokilaka,

kukwikama ya nge kele nene,

samu na bantu yina ke bokilaka nge.

9 samu ti yandi pesaka maza na bantu yina vwandaka na mpwila ya maza,

yandi yukutisaka bayina vwandaka na nsatu.

16 Bawu ke na kwenda yima-yima na kwendaka sosa kima ya kudya.

Bawu ke na kulutisa mpimpa ata kuyukuta.

22 Yinwa ya yandi me lutila lembami na mafulu ya miliki,

kasi kaka mambu ya mvita ke na ntima ya yandi.

Mambu yina ke basikaka na yinwa ya yandi,

me lutila lembami na mafuta,

na kutala mbote,

yawu kele mbele ya mvita yina kele ve na kati ya nkutu ya yawu.

3 Yandi ke bika ve ti makulu ya nge kubula mabaku,

Nzambi yina ke bumbaka nge ke nonginaka ve,

8 Mfumu Nzambi ke na kutuba: «Mu kele Alafa mpe Omenga*. Munu kele, mu kele bantangu nyonso, mpe mu ke kwiza. Mu kele Nzambi-Mpungu.»

19 Kasi nge Yave, nge kele ntinu ya seko.

Nge ke yalaka bambandu na bambandu.

1 Yave nge kele Nzambi ya munu,

mu ke kembila mpe mu ke siika nkumbu ya nge,

samu ti nge me lungisa mambu ya mbote,

nge kele ya kukwikama na lukanu yina nge bakaka katuka ntama.

22 Ba ke zolaka muntu yina ke na luzolo ya tsyelika, mputu me lutila kwandi na muntu ya luvunu.

13 Muntu yina ke tongaka bantu ke basisaka mansweki, kasi muntu ya kukwikama ke bumbaka mansweki.

3 Kusungama ya bantu ya kusungama ke twadisaka bawu, kasi yimbi ya bayina ke yekulaka bampangi ke kufwaka bawu mosi.

21 Mfumu ya yandi zabisaka yandi: "Ya kele mbote! Nge kele kisadi ya mbote mpe ya kukwikama. Nge me vwanda ya kukwikama na bima yina kele na mfunu mingi ve. Na yina, mu ke pesa nge bima ya kulutila mfunu. Kwiza kuyangalala kintwadi na munu."

24 Tii bubu yayi, beno me lomba ntete ve kima na Nkumbu ya munu. Beno lomba, mpe beno ke kuzwa. Na yina, nsayi ya beno ke vwanda ya kulunga.