Confiabilidade

22 యెహోవా మహా ప్రేమను బట్టి మనం నాశనం కాలేదు,

ఎందుకంటే ఆయన కనికరం ఎన్నటికీ తగ్గదు.

23 ప్రతి ఉదయం అవి క్రొత్తవిగా ఉంటాయి;

మీ నమ్మకత్వం గొప్పది.

18 ఆయనకు మొరపెట్టు వారందరికి,

నిజాయితీగా మొరపెట్టు వారందరికి యెహోవా సమీపంగా ఉంటారు.

8 యెహోవా నాకు శిక్ష విముక్తి చేస్తారు;

యెహోవా, మీ మారని ప్రేమ శాశ్వతమైనది,

మీ చేతిపనిని వదిలిపెట్టకండి.

17 ఆయనకు భయపడేవారి పట్ల

యెహోవా మారని ప్రేమ

వారి పిల్లల పట్ల ఆయన నీతి నిత్యం నిలిచి ఉంటుంది,

18 ఆయన నిబంధనను పాటించేవారిపట్ల,

ఆయన కట్టడలను అనుసరించేవారి పట్ల ఉంటుంది.

18 కానీ యెహోవా కళ్లు ఆయనకు భయపడే వారిపైన,

తన మారని ప్రేమలో ఆశ పెట్టుకున్న వారిపైన ఉన్నాయి.

28 యెహోవా నీతిమంతులను ప్రేమిస్తారు

తన నమ్మకస్థులను ఆయన విడిచిపెట్టరు.

ఆయన వారిని శాశ్వతంగా భద్రపరుస్తారు;

కాని దుష్టుల సంతానం నశిస్తుంది.

3 అయితే ప్రభువు నమ్మదగినవాడు కాబట్టి ఆయన మిమ్మల్ని బలపరచి దుష్టుని నుండి కాపాడును.

13 సాధారణంగా మనష్యులకు కలిగే శోధనలు తప్ప మరి ఏ ఇతర శోధనలు మీకు సంభవించలేదు. దేవుడు నమ్మదగినవాడు; మీరు సహించగలిగిన దానికంటే ఎక్కువగా ఆయన మిమ్మల్ని శోధించబడనివ్వడు. కాని మీరు శోధించబడినప్పుడు దానిని సహించడానికి తప్పించుకునే మార్గాన్ని కూడా ఆయనే అందిస్తాడు.

9 కాబట్టి మీ దేవుడైన యెహోవాయే దేవుడని తెలుసుకోండి; ఆయన నమ్మదగిన దేవుడు, తనను ప్రేమిస్తూ, తన ఆజ్ఞలను పాటించే వారికి, ఆయన వెయ్యి తరాల వరకు తన నిబంధన స్థిరపరిచేవారు.

8 యెహోవాయే స్వయంగా మీ ముందు వెళ్తారు మీతో ఉంటారు; ఆయన నిన్ను ఎన్నడూ వదిలేయరు, నిన్ను చేయి విడువరు. భయపడవద్దు; నిరుత్సాహపడవద్దు."

17 పైనుండి వచ్చే ప్రతీ శ్రేష్ఠమైన సంపూర్ణమైన బహుమానం వెలుగును కలిగించిన తండ్రి దగ్గర నుండి క్రిందకు వస్తున్నాయి, ఆయన ఒకచోట నిలబడని నీడల్లా ఎన్నడు మారరు.

34 యెహోవా మంచివాడు, ఆయనకు కృతజ్ఞతలు చెల్లించండి;

ఆయన మారని ప్రేమ నిరంతరం నిలుస్తుంది.

5 ప్రభువా, మీరు మంచివారు క్షమించేవారు,

మీకు మొరపెట్టే వారందరి పట్ల మారని ప్రేమ కలిగి ఉన్నారు.

9 దాహంతో ఉన్న వారి దాహాన్ని ఆయన తీరుస్తారు,

మేలైన వాటితో ఆయన ఆకలి తీర్చుతారు.

16 కానీ నేను మీ బలాన్ని గురించి పాడతాను,

ఉదయం మీ ప్రేమను గురించి పాడతాను;

ఎందుకంటే మీరు నా కోట,

కష్ట సమయాల్లో నా ఆశ్రయము.

22 మీ భారాన్ని యెహోవాపై మోపండి

ఆయన మిమ్మల్ని సంరక్షిస్తారు;

నీతిమంతులను ఆయన ఎన్నడు కదలనివ్వరు.

3 ఆయన నీ పాదాన్ని తొట్రిల్లనివ్వరు,

నిన్ను కాపాడేవాడు కునుకడు.

8 "అల్ఫా ఒమేగాను నేనే, గతంలో ప్రస్తుతంలో ఉన్నవాడను రానున్నవాడను నేనే" అని సర్వశక్తిగల ప్రభువైన దేవుడు చెప్తున్నారు.

19 యెహోవా, ఎప్పటికీ పాలించండి;

మీ సింహాసనం తరతరాలుగా ఉంటుంది.

యెహోవాకు స్తుతి

1 యెహోవా, మీరే నా దేవుడు;

నేను మిమ్మల్ని ఘనపరచి మీ నామాన్ని స్తుతిస్తాను,

పరిపూర్ణ నమ్మకత్వంతో

మీరు ఎంతో కాలం క్రితం ఆలోచించిన

అద్భుతాలను మీరు చేశారు.

22 ఒక వ్యక్తి కోరుకునేది నమ్మకమైన ప్రేమను,

అబద్ధికునిగా కంటే పేదవానిగా ఉండడం మేలు.

13 పుకారు ఆత్మవిశ్వాసాన్ని మోసం చేస్తుంది,

కాని నమ్మదగినవారు రహస్యాలను దాస్తారు.

3 యథార్థవంతుల యథార్థత వారిని నడిపిస్తుంది,

కానీ నమ్మకద్రోహులు వారి వంచనతో నాశనమవుతారు.

21 "అతని యజమాని అతనితో, ‘భళా, నమ్మకమైన మంచి దాసుడా! నీవు ఈ కొంచెంలో నమ్మకంగా ఉన్నావు; కాబట్టి నిన్ను అనేక వాటి మీద నియమిస్తాను. వచ్చి నీ యజమాని సంతోషంలో పాలుపొందు’ అని అతనితో చెప్పాడు.

24 ఇప్పటివరకు మీరు నా పేరట ఏమి అడగలేదు. అడగండి మీరు పొందుకొంటారు, మీ ఆనందం పరిపూర్ణమవుతుంది.