Confiança
A confiança em Deus é âncora da alma em tempos de tempestade. Quem confia no Senhor não será abalado — porque o Deus fiel sustenta, protege e guia os que nele esperam.
Confiança inabalável
Tudo posso naquele que me fortalece. O meu Deus suprirá toda necessidade. Quem confia não será confundido.
Na ege ege pra iedi prisre, gun yei pai moraglka i, siragl pre Krais yene yobuglo bogl narukwa pre na ege ege yegl eraglka i, kuno erukwa.
Ana na Godna ye abuglage sumara suna moglkwa i, taragl wakai kane kane ye moglmara kau kaima sugwa pre ye ene taragl mudu inaiglkwa panabere mere yegl, tenabuka. I siragl pre ene Krais Jisas bogl u swara pi kodigwa pre ye kaima yegl ere tenabuka paugwa.
Te, na pre kan erika i, God, ye ene deno muduno mina kogon wakai mabuno bogl erukwa i, ere kodinabedi prika. Ye ene deno muduno mina kogon ere pai mogl enan, Krais Jisas ede ikne unabiwe di, na yegl pre kan ersre, ene pre gun keme yeiga.
God nono dem muduo podo norukwa i, taragl swara ta si kegl dikrabuka
Ana God nono yegl mere ere wakai ere norsre, nono munara mogl norukwa pre nono pre yubun dekramga. Yoba nono kudano ikne mere yegl mogl, ere kide ere noramnedi eraiglkwa ba God nono munara mogl norukwa pre i ta eribi, kuno erekrabuka.
Ana God nono dem muduo podo norukwa i, nono Yaglno Kade Jisas Krais kogon erumara i mina i nogugl ede norukwa. Te, na pre gi diga i, ye dem muduo podo norukwa i, taragl swara kaima ta si kegl dikrabuka. Nono goramno mo kor moramga i ta si kegl dikrabuka. God dem muduo podo norukwa i, aimadi pai morabuka. Te, angelo mo murubuglo kide mo yoba kade ta ere mogl, God dem muduo podo norukwa i ta si kegl dinagledi erabuka ba i kuno kaima ta erekrabuka. Taragl erme plau dugwa mo okuo ta plau dinabuka i, i ama ta si kegl dikrabuka. Te, kamun mitna ibo mo makan atne taragl meglkwa mo paigwa i mudu ta si kegl dikraiglkwa. God taragl kane kane ere yogo, paigwa ya meglkwa i, swara kaima ta ere mogl, ye dem muduo norukwa i ta si kegl dikraiglkwa. God nono ege ege dem muduo podo noro pai morabuka keme paugwa.
Fundamento de confiança
Deus não é homem para que minta. Todas as suas promessas são firmes. Confiar em Deus é segurança absoluta.
Ene mogl pai eraiglmara mige moni bubuno goglkrio. Ene taragl ta kan neigwa i, i pra kan nomnedi prio. I siragl pre God yene dra mina didre, Na ka kaima ene kide kodokre, na mokona ene ka kaima ta tekraluwe dugwa.
Yegl pre God nono suglno moglmedi pre gi didre, yegl dinamga paugwa,
Yagl Kade na ake ple di nare moglkwa
pre na kudugl ta goglkraglka.
Yoba ta na ere kide ere naraiglkwa i,
kuno ta erekrumiwe
di, yegl dinamga.
Na okna God kamo pamere ene beke teiga i, ene pre moglsre, na ene beke teimere kuno yegl, ene yoba beke tenatnga paugwa. Te, ene yoba ka beke tenatnga igne, ene den mudn Krais Jisas tedre, ye pre medigl moglsre, ye kamo yoba beke tenatnedi prika.
Timoti adigl gigledi morabuka
Wana yo, Krais Jisas nono yoko kaima ere wakai ere norumara i mina ene yobuglo idre, adigl gigledi moratnga paugwa.
Confiar em todas as coisas
Não pertenço ao mundo — minha cidadania é do céu. A confiança cristã repousa na fidelidade de Deus, não nas circunstâncias.
Ene heven ibo siragl mere yomere pre i mitna edidre, makandigle taragl pre i atne edio.
Yegl dugo, Jisas di ikne ede te, yegl dugwa, Ene taragl ta eratnga kuno eran we di yegl dinga i we? dugwa. Ene na pre medigln, na taragl mudu eraglka keme pamiwe di, Jisas yegl dugwa.
Yegl digo, Jisas di ikne ede, yegl dugwa, Yoba taragl tau eribi, kuno erekrabuka i, God erabuka keme pamiwe di, Jisas yegl dugwa.
Kua pru di wan meglkwa i, ene prio. Yene kaya mokna ere yagl, si nenaiglkwa i pre nomane sikrikwa. Ba ene Neno kamin mitna moglkwa i, kua wakai moraiglmedi suglno moglkwa. Kua suglno wakai moglsre, te, no yoba munga i, siragl podo pamedi prisre, no wakai kaima suglno morabedi praiglmiwe dugwa.
Na ka erme di teiga i, mudu ene na mina si dakagl moglsre, deno muduno wida di inaiglkwa pre diga. Ene makandigle moraiglmara i, yoba yubun kane kane tenaiglkwa ba ene gun yeio! Na makandigle yoba yobuglo ere te kodiwe di, Jisas yegl dugwa.
Te, nono kudugl goglkre, God agle di prumga. I siragl pre God yene taragl tau eragledi prumere mere nono ye erabedi agle di prumun, ye nono kano prabuka.
Te, nono kudugl goglkre, God agle di prumga. I siragl pre God yene taragl tau eragledi prumere mere nono ye erabedi agle di prumun, ye nono kano prabuka.
Te, God siragl mere dem muduo norukwa i, nono pre pogl sidre, pre medigl kodumga. Deno muduno teigwa mabuno God mina paugwa. Yegl pre yoba ta ege ege deno muduno yoba pere teigwa i, ye God bogl ikne ikne si dakagl meglkwa.
Yoba ta u, Mudu Murubuglo ka ta di naruko, die dinabuka i, nono doko kanamga paugwa
Ene na dena muduna teiga meglkwa i, ka kep yoba kibi mere kide ede u koglo koglo eigwa pre yoba kano tabre pre mediglkrio! God ye kaima ka ta di togo, dimo mo i, ene doko kanaiglkwa paugwa.
Esperar com confiança
O Senhor está perto de todos os que o invocam. Na espera confiante encontramos descanso e direção divina.
Si gigle di tenan, ene yake ede pi yoba mere yegl moglsre, kaglno mina adigl moraiglkwa. Kaglno mina adigl meglbi, ene God kogonmo ta eraiglmara i, ege swara ta yobuglno dokokrabuka pre ibun unabuka i, ene kanige erio.
Ba ene God agle di pratnga igne, ene ye pre medigl moglsre, nomane suo suo ikro. I siragl pre yoba ta kina suo yogwa i, ir ugo, mudi nigl pebigl di ede meda, suna omere mere yegl, ye nomane kane kane idre, adigl gigledi moglkrukwa.
No yegl prumga i, siragl pre taragl tau, gumuglno mina kamga i, nomane sikrumga ba God kamo plau dinabedi pre gi di munga.