13 Mahimo ko ang pag-atubang sa bisan unsa nga kahimtang pinaagi sa tabang ni Cristo nga nagpalig-on kanako.

19 Ug tungod kay kamo anaa kang Cristo Jesus, ang akong Dios maghatag kaninyo sa tanan ninyong gikinahanglan gikan sa kadagaya sa iyang bahandi.

6 Nasiguro ko nga ang maayong buhat nga gisugdan sa Dios diha kaninyo padayonon gayod niya hangtod sa adlaw nga mobalik si Cristo Jesus.

31 Karon, kon huna-hunaon ta kini nga mga butang, makaingon kita nga ang Dios dapig gayod kanato, ug walay makabatok kanato.

38,39 Kay nasiguro ko gayod nga walay makapahimulag kanato gikan sa gugma sa Dios nga gipakita niya pinaagi kang Cristo Jesus nga atong Ginoo. Bisan pa ang kinabuhi dinhi o ang kamatayon, ang mga anghel o mga demonyo, ang mga panghitabo karon o ang mahitabo sa umaabot, ang mga adunay gahom, ang mga anaa sa ibabaw o sa ilalom sa kalibotan, o bisag unsa pa nga mga binuhat sa Dios dili makapahimulag kanato gikan sa iyang gugma.

1 Si bisan kinsa nga mangayo

sa pagpanalipod sa Labing Halangdong Dios

nga Makagagahom, panalipdan niya.

2 Makaingon siya* sa Ginoo,

"Ikaw ang akong tigpanalipod ug lig-ong tago-anan.

Ikaw ang akong Dios nga ginasaligan."

7 Anaa sa Dios ang akong kaluwasan ug kadungganan.

Siya ang akong lig-ong salipdanan nga bato,

ang akong tigpanalipod.

3 Kon bation akog kahadlok,

mosalig ako kanimo.

4 Mosalig ako kanimo, O Dios,

ug dayegon ka nako tungod sa imong saad.

Dili ako mahadlok bisan unsa ang himoon sa tawo batok kanako,

tungod kay nagsalig ako kanimo.

19 Dili tawo ang Dios nga mamakak o mausab ang huna-huna.

Adunay gisulti ba siya nga wala niya buhata?

Adunay gisaad ba siya nga wala niya tumana?

5 Likayi ninyo ang paghigugma sa kuwarta ug pagkontento kamo sa unsa lay anaa kaninyo, tungod kay nag-ingon ang Dios,

"Dili ko gayod kamo biyaan,

ug dili ko gayod kamo pasagdan."*

6 Busa magmaisog kita sa pag-ingon,

"Ang Ginoo mao ang akong magtatabang,

busa dili ako mahadlok.

Unsa may mahimo sa tawo kanako?"*

13 Ang husto nga pagtulon-an nga imong natun-an gikan kanako mao ang imong angayng itudlo, nga adunay pagtuo ug adunay paghigugma, tungod kay mao kini ang angay natong buhaton ingon nga mga anaa na kang Cristo Jesus.

1 Ikaw Timoteo, nga giisip ko nga akong anak, pagpakalig-on pinaagi sa grasya sa Dios. Kini nga tabang madawat mo tungod kay ikaw anaa na kang Cristo Jesus.

5 Salig sa Ginoo sa tibuok mong kasing-kasing,

ug ayaw pagsalig sa imong kaugalingong kaalam.

6 Hinumdomi ang Ginoo sa tanan mong ginabuhat,

ug tultolan ka niya sa hustong dalan.

5 Salig sa Ginoo sa tibuok mong kasing-kasing,

ug ayaw pagsalig sa imong kaugalingong kaalam.

6 Hinumdomi ang Ginoo sa tanan mong ginabuhat,

ug tultolan ka niya sa hustong dalan.

3 Itugyan sa Ginoo ang tanan mong buhaton

ug magmalampuson ka.

20 Ang tawo nga mamati kon tudloan mouswag.

Bulahan ang tawo nga nagsalig sa Ginoo.

25 Makuyaw kon kita talawan. Apan kon mosalig lang kita sa Ginoo,

wala gayoy daotang mahitabo kanato.

2 Isentro ninyo ang inyong mga huna-huna sa mga butang nga langitnon, dili sa mga butang nga kalibotanon.

23 Miingon si Jesus kaniya, "Nganong miingon ka nga kon aduna akoy mahimo? Ang tanan mahimo alang sa tawo nga adunay pagtuo sa Dios!"

27 Gitubag sila ni Jesus, "Ang dili mahimo sa tawo mahimo sa Dios."

26 Tan-awa ninyo ang mga langgam nga galupad-lupad. Wala sila magtanom, wala mag-ani, ug wala silay gitigom sa bodega, apan sa gihapon gipakaon sila sa inyong Amahan sa langit. Dili ba mas labaw pa kamo kaysa mga langgam?

33 "Gisulti ko kining mga butanga kaninyo aron aduna kamoy kalinaw tungod sa inyong pagtuo kanako. Paantuson kamo sa mga tawo sa kalibotan, apan ayaw kamo kahadlok tungod kay gidaog ko na ang gahom sa kalibotan."

7 "Apan bulahan ang tawo nga nagsalig ug naglaom kanako.

8 Mahisama siya sa kahoy nga gitanom sa daplin

sa sapa kansang mga gamot nakaabot sa tubig.

Kini nga kahoy dili mahadlok ni mabalaka

kon moabot ang ting-init o taas nga hulaw.

Ang iyang mga dahon kanunayng lunhaw,

ug walay puas ang iyang pagpamunga."

2 Kon moagi ka sa tubig, mouban ako kanimo.

Kon motabok ka sa mga suba dili ka malumos.

Kon moagi ka sa kalayo, dili ka mapaso;

ang dilaab niini dili makalamoy kanimo.

14 Ug makasalig kita nga makaduol sa Dios kay nagtuo kita nga paminawon niya ang bisan unsa nga atong i-ampo sumala sa iyang kabubut-on.

14 Ug makasalig kita nga makaduol sa Dios kay nagtuo kita nga paminawon niya ang bisan unsa nga atong i-ampo sumala sa iyang kabubut-on.

16 Nahibalo na kita ug nagtuo nga gihigugma kita sa Dios.

Ang Dios gugma. Ug ang nagkinabuhi nga adunay paghigugma, anaa sa Dios, ug ang Dios anaa kaniya.

1 Mga hinigugma, ayaw kamo pagtuo dayon sa mga tawo nga moingon nga ang ilang gitudlo gikan sa Espiritu Santo, kondili susiha una ninyo kon tinuod ba nga ang ilang gitudlo gikan gayod sa Dios. Kay daghan nang mga mini nga propeta* ang midagsang sa kalibotan.

18 Haduol ka, Ginoo, sa tanan nga matinud-anon nga nagtawag kanimo.

8 Kada buntag, ipahinumdom kanako ang imong gugma,

kay nagsalig ako kanimo.

Ipakita kanako ang dalan nga angay kong agian,

kay nag-ampo ako diha kanimo.

3 Dili niya itugot nga mapandol ka.

Siya nga nagtipig kanimo, dili matulog.

3 Salig sa Ginoo ug himoa ang maayo.

Ug magpuyo ka sa yuta sa Israel nga adunay kasigurohan ug walay kahadlokang katalagman.

19 Pagkadako sa imong kaayo nga gitagana

sa mga nagtahod kanimo.

Ginahatag mo kini ngadto sa mga nagsalig kanimo,

ug kini makita sa tanan.

25 Wala nay lain pa sa langit

nga akong gikinahanglan kondili ikaw lang.

Tungod kay ikaw ania kanako,

wala na akoy lain pang gihandom sa kalibotan.

4 Busa antosa ninyo ang tanang mga kalisdanan aron mahimo kamong matarong, hingpit, ug walay ikasaway diha kaninyo.

6 Apan kon mangayo kamo, kinahanglan mosalig kamo sa walay pagduha-duha nga ihatag niya ang inyong gipangayo. Kay kon magduha-duha kamo, sama kamo sa balod nga gihuyop ug gipalid sa hangin.

7 Kay sa pagkakaron nagkinabuhi kita pinaagi sa pagtuo ug dili sumala sa atong makita.