5 Haue thou trist in the Lord, of al thin herte; and triste thou not to thi prudence.6 In alle thi weies thenke thou on hym, and he schal dresse thi goyngis.

1 The title of the oon and nyntithe salm. The salm of song, in the dai of sabath.2 It is good to knouleche to the Lord; and to synge to thi name, thou hiyeste.3 To schewe eerli thi merci; and thi treuthe bi nyyt.4 In a sautrie of ten cordis; with song in harpe.

1 The title of the hundrid and fyue and twentithe salm. The song of grecis. Whanne the Lord turnede the caitifte of Sion; we weren maad as coumfortid.2 Thanne oure mouth was fillid with ioye; and oure tunge with ful out ioiyng. Thanne thei schulen seie among hethene men; The Lord magnefiede to do with hem.

7 Reisynge a nedi man fro the erthe; and enhaunsinge a pore man fro drit.

3 For thin arowis ben fitchid in me; and thou hast confermed thin hond on me.4 Noon helthe is in my fleisch fro the face of thin ire; no pees is to my boonys fro the face of my synnes.5 For my wickidnessis ben goon ouer myn heed; as an heuy birthun, tho ben maad heuy on me.6 Myn heelid woundis weren rotun, and ben brokun; fro the face of myn vnwisdom.

10 And the Lord is maad refuyt, ether help, to a pore man; an helpere in couenable tymes in tribulacioun.

7 Blessid is the man that tristith in the Lord, and the Lord schal be his trist.8 And he schal be as a tre, which is plauntid ouer watris, which sendith hise rootis to moisture; and it schal not drede, whanne heete schal come; and the leef therof schal be greene, and it schal not be moued in the tyme of drynesse, nether ony tyme it schal faile to make fruyte.

4 Ye han hopid in the Lord, in euerlastynge worldis, in the Lord God, strong with outen ende.

2 Lo! God is my sauyour, Y schal do feithfuli, and Y schal not drede. For whi the Lord is my strengthe and my preysyng, and he is maad to me in to helthe.

12 Treuthe cam forth of erthe; and riytfulnesse bihelde fro heuene.

7 For thou schalt yyue hym in to blessing in to the world of world; thou schalt make hym glad in ioye with thi cheer.8 For the kyng hopith in the Lord; and in the merci of the hiyeste he schal not be moued.

8 I schal kepe thi iustifiyngis; forsake thou not me on ech side.9 In what thing amendith a yong waxinge man his weie? in keping thi wordis.

10 Lord, Y schal knouleche to thee among puplis; and Y schal seie salm among hethene men.11 For thi merci is magnified til to heuenes; and thi treuthe til to cloudis.

5 Thei clepeden not the Lord; thei trembliden there for dreed, where was no drede;

4 The Lord bere help to hym on the bed of his sorewe; thou hast ofte turned al his bed stre in his sijknesse.

1 Be not youre herte afraied, ne drede it; ye bileuen in God, and bileue ye in me.