Consequências dos nossos atos

12 Kǝthlǝm ndaˈan, chikwun nefa nan mbuˈ ǝnɗi chitǝn tǝ indiyan pangngǝn Farta.

6 Farta "Nech tiyan chika wuni kǝnau tarchǝɗi thlǝnandǝn kaɗi." 7 Nan fǝr shishingnda thla nech tarat ha kǝ poriˈ, kǝmɗi fee kǝrischa tǝ thlǝnandǝ kwastǝ ichiɗi nech ndiˈchan, nakandǝ kaa maanda, tǝ kapakǝta tǝ tarat ha. 8 Tǝ kǝɗu fee nech tǝ yah indǝf kaan, nakandǝ kar kittaˈan, hatǝ hwiri Farta, nan choktǝ fiyanda. Na Farta ɓahandata. 9 Nat pong nefa thla thlǝ thlǝnanchǝ ɓǝɓifata nan sa mɓahta, nan sa nggwarkana. Nech fee tǝrkwathl kanan tǝ Yahudawecha, kǝna ɓat kǝ pong nafcha. 10 Na Farta fǝr kapa kǝta tǝ maanda, tǝ kǝɓikaɗi kǝmɗi fee thlǝ chich kaa ǝna, tǝrkwathl kanan tǝ Yahudawecha kǝna ɓat kǝ pong nafcha. 11 Kǝthlǝm Farta pǝnwa yahˈinda wa.

16 Fǝr pafǝn i Fartǝɗiya ngga nechan kǝɗ heˈtǝ ɓǝɓifati nafɗiya wa. Chak miyan thla chit fee kǝ ɗar ɓǝɓifati nafɗi artǝ yu, ndaˈan ɓech tǝ chak mee ˈYi tǝktǝkaɗi. Kǝɗu pafǝn tǝɗiya thla chit fee kǝ ɗar ɓǝɓifech terchan, ɓi tǝ mban hǝraˈta ǝ ɓǝɓifechǝɗi chitmǝn terchan. 17 Ma paɗ kǝthlǝm ɓǝɓifaɗi Adamu ya hacha, mǝrtǝ chit kuturakta, nggǝ fee kaɗan tǝ thleya tǝ thla chit Yesu wa. Nafchǝɗi chandǝ Farta kaakǝt tandǝ terchan, nggǝrandech kaɗ kǝ chok ndǝ tǝ kaakǝtfa ǝ panggǝnan, nandǝ chokta tǝ shishingndǝ fa kǝ chindǝ kuturakta tǝmɗi nafɗi artiya Yesu Kǝristi.

Mǝ chakawun mee raˈan wa

1 "Mǝ chakawun mee raˈan wa, kǝthlǝm kun paɗ nggǝ fee chakowunchǝ wa. 2 Kǝthlǝm tǝ weˈtǝ chakmiɗi chakandǝwun raˈan, tǝ weˈtǝ ndaˈan na Farta chakowun ndǝ paɗ. Tǝɓ tartǝɗi kaɗat wunsi, tǝ ndaˈan na Farta kaɗowundǝsi.

36 "Kittaˈan nggǝt mbuˈowunda, far chak mee, nat koha shenuˈchǝɗi chǝt nafcha, nan mbuˈ ǝnɗi chich mbuˈtǝndǝ kǝɗu.