Consequências dos nossos atos

12 Mweyo, munu no munu kenge a ku citawera pa meho a Nyambi.

6 Kenge a ku ratura munu no munu kokuthza ketenda yenthzi. 7 Kenge a ku pa mwoyo o diyere awa a ootera ku kwama yoiwa ko ku fotafota kutethzima no direma, mane no kukana ku fa. 8 Uno honi awa a di noñondi no kukana ku shupwera oshemwa, unone aa shupwera omango, Nyambi kenge a ku wa anthzipera no ku wa ratura. 9 Kenge kwa kwikara dikando dyodikuru no dikarara kwa munu yomuhe oyu tenda omango, ku tatekera Majuda mbeci honi Anukenge. 10 Unone kenge kwa kwikara kutethzima no direma no thsiyaro kowa a tenda yoiwa, ku tatekera Majuda mbeci honi Anukenge. 11 Inene Nyambi ka a wana mavwevwe.

16 Karo ko thzi di thsiano mu kaci ko thsipa thsa Nyambi no thsivi thsoya munu yofoci. Inene thsivi thsa Adama thsa retire raturo thzo humbithso, uno honi thsipa thsa Nyambi thso kengekenge thsaa tu retera ku tendiwa owawawa pa meho a Nyambi, shaanga ci tu di no murandu wevi yoingi. 17 Inene ngeci murandu wa munu yofoci wa retire ci kufa kwikare nokoro mukaci ko munu yofoci, yoshemwa awa a na tambura thsihemo thsa Nyambi thsothsikuru no thsipa thsowawa kenge a ku tumina mu mwoyo mukaci ko munu yofoci, aye Yesu Krisitu.

Mwa ratura aenthzenu

1 "Mwa ratura ci namwe katere mwa ku raturiwe. 2 Inene dyodi mu ratura amweya namwe dyo mwa ku raturiwa. Thsothsi thsianekethzithso mu cikwathsithsa, thsothsa ku cikwathsithsiwa ku kwenu.

36 Naa mi ambera ci: ‘Mu diyuwa dyo raturo, munu no munu kenge a ku citawera pa diywi no diywi edi naa rapoka ku amba.’

12 Inene diywi dya Nyambi dyaa yoya, karo dikoro. Ditwe kupita mwere o ku waa nokunoku. Dyaengena mu kaci ko mwoyo no mupepo, mu kaci ko manunga eshoko no mupopo. Dyaa nangura eanekera necikumbwethza yo mucima o munu. 13 Kwithsa ku yumbiwa ethsi thsi na horekiwa kwa Nyambi. Enu yoihe pa mwanjanja i di, i na thsikuriwa pa meho enthzi, karo ku kwenthzi kodiyo twa ku ka citawera.