Consequências dos nossos atos

12 Mao kini ang hinungdan nga ang matag-usa kanato manubag sa Dios sa iyang gibuhat dinhi sa kalibotan.

6 Kay ang Dios magbalos sa tagsa-tagsa sumala sa iyang mga binuhatan.* 7 Adunay mga tawo nga nagpadayon sa pagbuhat ug maayo tungod kay gitinguha nila nga dayegon sila sa Dios, pasidunggan, ug hatagan ug kinabuhi nga walay kataposan. Kana nga mga tawo hatagan gayod ug kinabuhi nga walay kataposan. 8 Apan aduna puy mga tawo nga kaugalingon lang nila ang ilang gihuna-huna ug nagsalikway sa kamatuoran ug nagsunod sa daotan. Matagamtaman niining mga tawhana ang kapungot ug kasuko sa Dios. 9 Kay ang tanang mga tawo nga nagbuhat ug daotan mag-antos ug magsakit gayod, una ang mga Judio ug sunod ang mga dili Judio. 10 Apan ang mga tawo nga nagbuhat ug maayo, dayegon ug pasidunggan sa Dios, ug mamaayo ang ilang kahimtang, una ang mga Judio ug sunod ang mga dili Judio. 11 Kay ang Dios walay pinalabi.

16 Lahi ra gayod kaayo ang epekto sa gusto sa Dios, sa epekto sa sala ni Adan. Ang sala ni Adan nagdalag silot, apan tungod sa gasa sa Dios, gipakamatarong gihapon kita bisan ug daghan ang atong gibuhat nga mga sala. 17 Kon tungod sa sala sa usa ka tawo nga si Adan ang tanan mamatay, nan, labaw pa gayod ang bunga sa gihimo sa usa ka tawo nga si Jesu-Cristo. Kay kadtong mga midawat sa dako nga grasya ug gasa sa Dios pinaagi kang Cristo gipakamatarong sa Dios, ug makaangkon silag kinabuhi.

Ayaw Ninyo Hukmi ang Uban

1 "Ayaw ninyo hukmi ang uban aron dili usab kamo hukman. 2 Kay hukman kamo sama sa paghukom ninyo sa uban. Ang basihanan nga inyong gamiton sa paghukom sa uban mao usab ang basihanan nga gamiton kaninyo.

36 Sa pagkatinuod, sa adlaw sa paghukom, ang matag-usa manubag sa Dios sa iyang mga gipanulti nga walay kapuslanan.

12 Kay ang pulong sa Dios buhi ug gamhanan, ug mas hait pa kaysa espada nga duhay sulab. Modulot kini sa kinahiladman sa kalag ug sa espiritu, ug hangtod sa mga luta-lutahan ug sa utok sa bukog. Nasayran niya ang mga butang nga gihuna-huna ug ginapangandoy sa mga tawo. 13 Walay makatago gikan sa Dios; ang tanan makita niya ug dayag gayod sa iyang panan-aw, ug kaniya kita mohatag ug husay sa atong mga binuhatan.

3 Ang maalamon nga tawo molikay sa kakuyaw,

apan ang walay alamag magpaduol hinuon niini,

mao nga mag-antos siya.

12 Kon maalamon ka, makahatag kini kanimog kaayohan,

apan kon isalikway mo ang kaalam, ikaw ray mag-antos.

25 Makuyaw ang pagdali-dali ug saad nga imong ihalad ang usa ka butang ngadto sa Ginoo.

Kinahanglang huna-hunaon mo una kini sa dili ka pa mosaad.

1 " ‘Kon ang usa ka tawo nakasala tungod kay midumili siya sa pagtestigo ngadto sa korte bahin sa mga butang nga iyang nakita o nahibaloan, aduna siyay tulubagon.

17 Kon ang usa ka tawo nakalapas sa sugo sa Ginoo bisan wala niya mahibaloi, nakasala siya ug aduna siyay tulubagon sa Ginoo.

17 " ‘Ayaw ninyo dumti ang inyong isigka-tawo. Badlonga ninyo siya kon nakasala siya aron wala kamoy tulubagon.

13 Maawaaw ang mga nasod sa kalibotan

tungod sa kadaotan sa mga lumulupyo niini.

49 Ug kamo nga duha ka magsoon, mag-antos gayod sa silot tungod sa inyong law-ay nga binuhatan ug sa inyong pagsimba sa mga dios-dios. Unya mahibaloan ninyo nga ako mao ang Ginoong Dios."

5 "Paninglan ko gayod si bisan kinsa nga mopatay kaninyo, tawo man o mananap. Paninglan ko si bisan kinsa nga mopatay sa iyang isigka-tawo.

13 O Dios, nganong gibugal-bugalan ka sa mga daotan?

Nag-ingon pa sila nga dili kuno nimo sila silotan.

14 Apan nakita mo ang nag-antos ug ang mga anaa sa kaguol,

ug andam ikaw sa pagtabang kanila.

Nagdangop kanimo ang mga makaluluoy sama sa mga ilo,

ug ginatabangan mo sila.