16 Nɔ̀un, nà Kɛ̀ɛ maanɛɛnɛ, é Kpɔba Nu ɠili teʋe wo ma, nii a yɛ wo ʋa eyɛsu ɠɔ.

18 Gè la wa ɠila wo yɛsu eɠɛ podoun, kɛlɛ nà ʋaazu ʋolu wo ʋɔ.

26 Kɛlɛ Kpɔba Nui nii é ga Zɛnvu Ɲadegai, nii Kɛ̀ɛ ʋaazu teʋesu wo ma dàaseigi zu, naa ɠa wo ɠala ga fai pɛ, ta é wo ɠitoo naa pɛ su, nii gè bogai wo ma.

26 «Siɛgi zu Kpɔba Nui ʋaazu la, nii gè ʋaazu teʋesu wo ma, é zeɠe Kɛ̀ɛ ʋɔ bɛ, Gaama Yɛnvui nii é zeɠezu Kɛ̀ɛ ʋɔ bɛ, toɠa zeele wooi wo nɔ̀un bɛ.

7 Tama gaamai ɠa gè bosu wo ma ɠani ga: Fizɔgɛ wo ma ga gè li, tɔɔzei ni gè la liini, Kpɔba Nui la ʋaa wo ʋɔ. Kɛlɛ ni nà liina, nà teʋe wo ma.

3 Mamagi ɠa de-Maliɠii Yesu Kilista Kɛɛɠɛ GALA bɛ, maawɔinɠai pɛ ma Ɠɛɛɠɛi, ta iɲɔdɔɔi pɛ ma ƓALAGI, 4 nii é gi iɲɔdɔɔzu kidaaʋiligi pɛ su, naa ɠa a kɛ, iɲɔdɔɔi gá ɓɔɠɔi gi sɔlɔɔsu GALA zea, gi zoo gi naati iɲɔdɔɔ, niiti ta ɠɛ kidaaʋiligi ma zii tanɔpɛ su.

5 Mazɔlɔɔ ʋelei gi ʋɔɔpɛɛzu la Kilista ná-kpɔlɔ wolaiti ba, zenɔ ɠana gi iɲɔdɔɔ wolai zɔlɔɔsu da Kilista ya.

5 GALA nii é ziilɔɔi veezu, é gaanɛɛnɛi wo, naa ma zobogi ve wo ya, wo ɠɛ ga koozu ɠisiɛ ɠila bo nu, eɠɛʋelei Yesu Kilista ɠɛʋelei la,

19 Siɛgi zu ziizoolɛ mɔinmɔingi wuzeɠezu la zìimaʋɛ,

è gàanɛɛnɛni, è kòozunɛ.

5 Nà-kidaaʋiligi zu, gè wooɠulani Ɠɔoɠɔ GALAGI ma,

é gòoɠaaʋoteni, é fìeni.

16 Pulu la mɔ ti zoga eyɛsu pɛ,

kpɔɔle wɔin la mɔ ti zoga,

folo la ɓɔiɗa ti la,

die ge la ti ɓɔlɔa.

17 Mazɔlɔɔ Baala Ziʋoi é masa kpɔkpɔgi zaamaʋɛ

naa ɠa ti makɛ eɠɛ baala makɛ nui,

é lo ti luɠɔ, é ɗa li ga tiye zɛnvu su ɗɛungiti pɔ bɛ.

GALA ka ti-ɠaazuɗɛiti pɛ kpale.»

12 «Nà ʋe de, nà ɠa gè wo ɠaanɛɛnɛzu.

Leeni ʋe de ɗa lua nui ʋa, é ʋaazu zaazu,

nuɓusɛi ti ɠa ɠɛʋele ta tufai?

4 Undaanɛ nu ɠa ga niiti ti ɠɔlɔzu,

tɔɔzei GALA ka ti ɠaanɛɛnɛ.