Consolador

16 Na nangu nguchininnyuwe Atata Nnungu, nanang’e achiamwing’e mwenu Nkúyangata yunji, aikale na mwenu bila ntululilo.

18 Nikambennekanga mwenu mùùve muchi mmana vachiva, henga nguchinimwidile mwenu.

26 Henga Atata Nnungu àmbentuma Nkúyangata kwa niaba yangu, yani Umumu Wanaswe. Na aneyo Umumu achiannyunde kila chinu na kunkumbusanga lammalele laninnyaulidile.*

26 Na pámbeìdà aneyo Nkúyangata unimbentuma kwenu mwenu kuhaloka kwa Atata Nnungu, nang’e àmbengushuhudila nangu. Nang’e nni Umumu wa uhiu ahalôka kwa Atata Nnungu.

7 Nangu nìnnyaulilanga uhiu kuva, wasa kwenu mwenu nangu nikàhwena, kwa kuva, nangu nikànahwene, aneyo Nkúyangata, yani Umumu Wanaswe akambekwida kwenu mwenu. Henga nangu nikàhwena nguchinguntume aide kwenu.

Paolo ànshukulu Nnungu

3 Alombolewe Nnungu, Atata wanga Nang’olo wetu Yesu Kilisto, Atata avêle na chididi. Nang’e nni Nnungu wa kila namuna ya itujwi ya ntima. 4 Hwetu patulaga, nang’e ànatutuja mitima yetu, uchinga na hwetu tupate kuvatuja mitima vanu vanji pavalaga, kwa itujwi uila itupwecheledile kuhaloka kwa Nnungu.

5 Kwa kuva, malinga chitukumila mmaisha letu ibaniki yanabanike Kilisto, njo uchocho Nnungu chahalija kuituja mitima yetu kupitila kwa Yesu Kilisto.

5 Bahi Nnungu avêng’a vanu dimongo dya kupililila na kutujwa ntima, annyululihe mwenu kuva na likudungilo ulimo akuno umutenda chanatendile Yesu Kilisto.

16 Na vanu anevo mwiko vakambekuva na indala kavila wala inyota, na liduva wala nanga palimbevavalila kavila wala kuchona chitukuta. 17 Kwa kuva, Mwana wanga Ungandolo avêle ching’ati chiteng’u cha chifalume àmbekuva nchunga wavo na àmbevalodya kuvimbwimbwi vya medi la umi. Na Nnungu àmbevapukutanga mihodi yammalele mmeho lavo."

4 Wasa vanu avala valikutangîla,

kwa kuva, Nnungu achiavatuje ntima.