16 اَور مَیں باپ سے درخواست کروں گا، اَور وہ تُمہیں ایک اَور مددگار بخشےگا تاکہ وہ ہمیشہ تک تمہارے ساتھ رہے۔

18 میں تُمہیں یتیم نہ چھوڑوں گا۔ مَیں تمہارے پاس آؤں گا۔

26 لیکن وہ مددگار، یعنی پاک رُوح، جسے باپ میرے نام سے بھیجے گا، تُمہیں ساری باتیں سِکھائے گا اَور ہر بات جو مَیں نے تُم سے کہی ہے، یاد دِلائے گا۔

26 "جَب وہ مددگار یعنی رُوحِ حق آئے گا جسے میں باپ کی طرف سے بھیجوں گا تو وہ میرے بارے میں گواہی دے گا۔

7 مگر میں تُم سے سچ سچ کہتا ہُوں، میرا یہاں سے رخصت ہو جانا تمہارے حق میں بہتر ثابت ہوگا۔ کیونکہ اگر مَیں نہ جاؤں گا، تو وہ مددگار تمہارے پاس نہیں آئے گا؛ لیکن اگر مَیں چلا جاؤں گا، تو اُسے تمہارے پاس بھیج دُوں گا۔

3 ہمارے خُداوؔند یِسوعؔ المسیح کے خُدا اَور باپ کی حَمد ہو، وہ نہایت ہی رحیم باپ ہے اَور ہر طرح کی تسلّی دینے والا خُدا ہے، 4 وُہی ہماری ساری مُصیبتوں میں ہمیں تسلّی دیتاہے، تاکہ ہم اُس خُدا داد تسلّی سے دُوسروں کو بھی تسلّی دے سکیں جو کسی بھی طرح کی مُصیبت میں مُبتلا ہیں۔

5 کیونکہ جِس طرح المسیح کی خاطِر ہمارے دُکھ بڑھتے جاتے ہیں، اُسی طرح ہمیں المسیح کے وسیلہ سے تسلّی بھی زِیادہ ملتی ہے۔

5 اَب صبر اَور تسلّی دینے والا خُدا تُمہیں خُداوؔند المسیح یِسوعؔ کے مِعیار کے مُطابق آپَس میں یکدل ہوکر رہنے کی تَوفیق بخشے،

19 جَب مَیں بےحد فِکرمند تھا،

تَب آپ کی تسلّی نے میری جان کو راحت بخشی۔*

5 مَیں نے مُصیبت میں یَاہوِہ کو پُکارا،

اُنہُوں نے میری سُنی اَور مُجھے چھُڑایا۔

16 ’وہ آئندہ نہ تو کبھی بھُوکے ہوں گے؛

اَور نہ کبھی پیاسے۔

نہ تو سُورج کی گرمی اُنہیں جُھلسایٔے گی،‘*‏

اَور نہ اُنہیں دھوپ ستائے گی۔

17 کیونکہ وہ برّہ جو تختِ الٰہی کے درمیان ہے،

اُن کی گلّہ بانی کرےگا؛

’اَور اُنہیں آبِ حیات کے چشموں کے پاس لے جائے گا۔‘*‏

’اَور خُدا اُن کی آنکھوں سے سَب آنسُو پونچھ ڈالے گا۔‘ "*‏

12 "مَیں ہی، میں ہوں، تُمہیں تسلّی بخشتا ہُوں۔

تُم کون ہو جو فانی اِنسان سے

اَور آدمؔ زاد جو محض گھاس ہیں، ڈرتے ہو،

4 مُبارک ہیں وہ جو غمگین ہیں،

کیونکہ وہ تسلّی پائیں گے۔