Contentamento
O contentamento é a arte de estar satisfeito com o que Deus provê. Não é conformismo, mas confiança de que Deus supre toda necessidade segundo suas riquezas.
Aprender a estar contente
Aprendi a viver contente em toda situação. O contentamento com a piedade é grande fonte de lucro.
ငါ့ဟှို နန်းနို့ဟှ ပယ်ဘီးဟှာ ထားဟှားဟှူကြောန့် ယူဆဘီးဟှာ အယ်စကားဟှို ပြောဟှူဇာလည်း မှုဟှ။ ငါဟှာ ကိုယ့်မာရှိဟှူဇာနဘဲ့ ရောက်ရဲဘီး နေနိုင်ဟှို့တွပ် သန်ယူဟှားဟှယ်။
ငါဟှာ ရရာတိုင်း ငတ်နေဇာဘဲ့ ဖြစ်စေ၊ ရရာတိုင်း စားရဟှူဇာဘဲ့ ဖြစ်စေ၊ ချို့ချို့တတ်တတ်ဘဲ့ ဖြစ်စေ၊ ပိုလျှံနေဟှူဇာဘဲ့ ဖြစ်စေ၊ ဖယ်မျိုးခြေနေ၊ ဖယ်မျိုးနေရာမာဘဲ့ ဖြစ်စေ၊ ကျေကျေနပ်နပ်ဟှား နေနိုင်ဟှို့တွပ် သန်ယူဟှားဟှယ်။
ရောင့်ရဲဟှူစိ ရှိမယ် ဆိုဟှာ ဘုရားဝတ်မာ မွေ့လျော်ရှင်းဟှ ကီးမားဟှူ ကျိုးစီးပွားဘဲ့ ဖြစ်ဟှယ်။
ဖြားဖြစ်ကြောန့်နူးဆိုဟှာ နို့လေဟှာ အယ်လောကထဲဟှို ဖယ်ဇာဟှိုလည်း ယူလာဟှို့ရဘဲဟှူမျိုး ထွပ်ဟှူ ခီမာလည်း ဖယ်ဇာဟှိုလည်း ယူဟှားနိုင်ဂေ့ဟှ။ အယ်မျိုးဖြစ်ကြောန့် နို့လေဟှာ စားဇာန ဝတ်ဇာရှိဟှယ် ဆိုဟှာ ရှိဟှို့မျှန ကျေနပ်ရောင့်ရဲဂေ့ဇို့။
Livre da avareza
Guardai-vos da ganância. Seja o viver sem cobiça, contentando-vos com o que tendes. Deus nunca nos desamparará.
အယ်ဘီးန ကိုယ်တော်ဟှာ သူးနို့လေ ဂူလောင်းဟှို "လောဘလွန်ကျူးရှင်း ဘောန်းဇောင်ဟှို ဒိထားဂေ့။ ဖြားဖြစ်ကြောန့်နူးဆိုဟှာ လူ့ရဲ့ သတ်ဟှာ အောက်စာပစ်စီး ပေါရှင်းနှိုက် တည်ဂေ့ဟှ" ဆိုဘီး မိန့်တော်မူလေဟှယ်။
ထောန်ဗောန်းဘောင်ဂီးရှိဟှူ လူလေဟှာ စုဝီးလာဟှူ ခီမာ သူးနို့ရှင်းရှင်း နန်းမိဂေ့ဟှူကြောန့် ယေရှုဟှာ တဗဲ့တော်လေဟှို "ဖာရိရှဲလေရဲ့ ဟန်ဆောန်မှုနတူဟှူ တဆေးဟှို ဒိပြုဂေ့။ ဖောင်းဟှားဟှူ ဇာလေ ဂူလောင်းဟှာ ပွမ့်လာရလေ့မယ်။ ဝှပ်ဟှားဟှူ ဇာလေ ဂူလောင်းဟှာလည်း ပေါ်လာရလေ့မယ်။ အယ်ကြောန့် မှောန်ထဲမာ နန်းနို့ပြောဟှူ စကားလေဟှို လန်းရောန်ထဲမာ ကြားသိလေ့မယ်။ အီခန်းထဲမာ နန်းနို့ တိုးတိုးပြောနေဟှူ စကားလေဟှို အီးခေါန်မိုးထတ်ဟှနေဘီး ကြေညာဂေ့လေ့မယ်။"
"ငါ့မိဆွေလေ၊ နန်းနို့ဟှို ငါပြောမယ်။ ကိုယ်ခန္ဓာဟှိုဘဲ့ သတ်နိုင်ဘီးဟှာ နော့-က်ထပ် ဖြားလည်းလောက်နိုင်ဘဲဟှူ သူလေဟှို ကြော့-က်ဂေ့န။ နန်းနို့ကြော့-က်ရဟှို့ သူဟှို ငါပြမယ်။ ကိုယ်ခန္ဓာဟှို သတ်ဘီးန နန်းနို့ဟှို ငရဲထဲခ္လနိုင်ဟှူ ခွမ့်အာဏာရှိဟှူ ဘုရားသခင်ဟှို ကြော့-က်ဂေ့။ နန်းနို့ဟှို ငါထပ်ပြောမယ်။ ဘုရားသခင်ဟှို ကြော့-က်ဂေ့!
"အီးဇာဟှား ငါးကောန်ဟှို ကပ်နှေ့ပ္လားန ရောန်းဂေ့ဟှယ် မှုဟှလော။ အယ်ဘေမဲ့ ဘုရားသခင်ဟှာ အယ်မူအီးဇာဟှားလေ တကောန်ဟှိုမျှ မေ့တော်မူဟှ။ နန်းနို့ ခေါန်းဟှ ဆားဗန်လေ ဂူလောင်းဟှို ရေတွပ်ဟှားဟှယ်။ အယ်ကြောန့် ကြော့-က်ဂေ့န။ နန်းနို့ဟှာ အီးဇာဟှားလေထတ် ရရာတိုင်း ဖိုးကီးဟှယ်!
"နန်းနို့ဟှို ငါပြောမယ်။ ဖယ်သူဘဲ့ဖြစ်ဖြစ် လူလေရှေ့မာ ငါ့ဟှို ဝန်ခံမယ် ဆိုဟှာ လူ့ရဲ့သားဟှလည်း ဘုရားသခင်ရဲ့ ကောန်းဂန်တမန်လေရှေ့မာ အယ်သူဟှို ဝန်ခံလေ့မယ်။ အယ်ဘေမဲ့ လူလေရှေ့မာ ငါ့ဟှို ငြင်းပယ်မယ် ဆိုဟှာ လူ့ရဲ့သားဟှလည်း ဘုရားသခင်ရဲ့ ကောန်းဂန်တမန်လေရှေ့မာ ငြင်းပယ်လေ့မယ်။
"လူ့ရဲ့သားဟှို နှောက်န စော်ဂါးဟှူ သူဟှာ ပြစ်လွှတ်ရှင်းခွမ့် ရနိုင်ဘေမဲ့လည်း သန့်ရှင်းဟှူဝိညာဉ်တော်ဟှို ပြစ်မှားဘီး ပြောဆိုဟှူ သူဟှာ ပြစ်လွှတ်ရှင်းခွမ့် ရလေ့မယ် မှုဟှ။
"လူလေဟှ နန်းနို့ဟှို ဝါလယ်ဇရပ်လေ၊ လူဂီးမန်းလေ၊ အာဏာပိုင်လေရဲ့ ရှေ့ဟှို ခေါ်ဆောန်လာဟှူ ခီမာ ဖယ်မျိုး ပ္လန်ပြောရမယ် ဆိုဇာဟှို စိုးရိမ်ဂေ့န။ ဖြားဖြစ်ကြောန့်နူးဆိုဟှာ နန်းနို့ ဖယ်မျိုး ပြောရမယ် ဆိုဇာဟှို သန့်ရှင်းဟှူဝိညာဉ်တော်ဟှ အယ်ခီမာ သန်ပေးလေ့မယ်" ဆိုဘီး ရင်ဦးဆောင်း မိန့်တော်မူလေဟှယ်။
လူအောက်ဂီးထဲဟှ လူတယော-က်ဟှာ ယေရှုဟှို "ဆရာ၊ ကျွန်တော့်ဟှို မွီခွဲပေးဟှို့ ကျွန်တော့်နောန်ဟှို ပြောပေးပါ" ဆိုဘီး လျှော့-က်လေဟှယ်။
ယေရှုဟှ "မိဆွေ၊ ဖယ်သူဟှ ငါ့ဟှို နန်းနို့ရဲ့ တရားသူဂီးဖြစ်နရော၊ မွီခွဲဝီသူဖြစ်နရော ခန့်ဟှားဂေ့ဟှယ်နူး။" ဆိုဘီး သူ့ဟှို မိန့်တော်မူလေဟှယ်။ အယ်ဘီးန ကိုယ်တော်ဟှာ သူးနို့လေ ဂူလောင်းဟှို "လောဘလွန်ကျူးရှင်း ဘောန်းဇောင်ဟှို ဒိထားဂေ့။ ဖြားဖြစ်ကြောန့်နူးဆိုဟှာ လူ့ရဲ့ သတ်ဟှာ အောက်စာပစ်စီး ပေါရှင်းနှိုက် တည်ဂေ့ဟှ" ဆိုဘီး မိန့်တော်မူလေဟှယ်။
အယ်ဘီးန ယေရှုဟှာ ပေါင်ဥပမာန "တခါဒူးဟှ ဌေးတယော့-က်ဟှာ သူ့လယ်ယာဟှနေ သီးနှံလေ ဘောင်ဂီးထွပ်ဟှယ်။ ‘ငါ့ရဲ့ သီးနှံလေ ဂူလောင်းဟှို သိုလှောန်ဟှားဟှို့တွပ် နေရာ မှေ့ဟှ။ ငါဖယ်မျိုးလောက်ရမယ်နူး။’ ဆိုဘီး တယော့-က်ဒဲ စဉ်းစားနေလေဟှယ်။ အယ်ဘီးန သူဟှ ‘ငါ အယ်မျိုးလောက်မယ်။ အယ်ဂိုဒေါန်ဟောန်းဟှို ဖျစ်ဘီး အယ်ထတ် ပိုကီးဟှူ ဂိုဒေါန်ဟှို ဆော့-က်ဘီးဟှာ ဂျောင်ဆန်လေန တခြားအောက်စာပစ်စီး ဂူလောင်းဟှို သိုလှောင်ဟှားမယ်။ အယ်ဘီးဟှာ ငါ့ဝိညာဉ်ဟှိုလည်း ဝှေ့ဝိညာဉ်၊ နှစ်လေဘောင်ဂီးတွပ် လိုအပ်ဟှူ အောက်စာလေ ဂူလောင်းဟှို သိုလှောန်ဟှားပီးဘီ။ စားလိုက်၊ သော့-က်လိုက်န ပျော်ပါးဘီးနေပါ! ဆိုဘီး ငါ့ကိုယ့်ငါ ပြောမယ်။’ အယ်ဘေမဲ့ ဘုရားသခင်ဟှာ ‘လူမိုက်! အယ်ညဉ့်မာ နန့်ဝိညာဉ် ချောက်ငြီးရလေ့မယ်။ အယ်ဆိုဟှာ နန်သိုလှောင်ဟှားဇာလေဟှို ဖယ်သူလေ ရလေ့မယ်နူး။’ " ဆိုဘီး မိန့်တော်မူလေဟှယ်။
အယ်ဘီးန ယေရှုဟှာ "ကိုယ့်တွပ်အောက်စာလေ ဘောင်ဂီးဟှို စုဆောန်းဟှားဘေမဲ့လည်း အယ်ဌေးဟှာ ဘုရားသခင်ရဲ့ ရှေ့မာ ဆင်းရဲနေဟှူသူ ဖြစ်ဟှယ်" ဆိုဘီး နိဂေါန်းချောက် မိန့်တော်မူလေဟှယ်။
အယ်ဘီးန ယေရှုဟှာ တဗဲ့တော်လေဟှို "အယ်ကြောန့် နန်းနို့ဟှို ငါပြောမယ်၊ ဖယ်မျိုးစားရဟှို့၊ ဖယ်မျိုးသော့-က်ရဟှို့ ဆိုဘီး သတ်တွပ် စိုးရိမ်ဂေ့န။ ဖယ်မျိုးဝတ်ရဟှို့ ဆိုဘီးလည်း ကိုယ်ခန္ဓာတွပ် စိုးရိမ်ဂေ့န။ စာထတ် သတ်ဟှ ပိုဘီး ရေးကီးဟှယ်။ ဝတ်ထတ်လည်း ကိုယ်ခန္ဓာဟှာ ပိုဘီး ရေးကီးဟှယ်။ က္လီးကန်းလေဟှို ကေ့ကေ့။ သူးနို့လေဟှာ မျိုးစေ့လည်းကြဲဟှ။ သီးနှံလည်းရိဟှ။ သူးနို့မာ ကူလှောန်ခန်းလေ၊ ဗားဂတ်လေလည်း မှေ့ဟှ။ အယ်ဘေမဲ့ ဘုရားသခင်ဟှ သူးနို့ဟှို ကျွေးမွေးတော်မူဟှယ်! နန်းနို့ဟှာ အယ်ငှတ်လေထတ် ရရာတိုင်း ဖိုးကီးဟှယ်! နန်းနို့လေထဲမာ ဖယ်သူဟှ စိုးရိမ်ရှင်းအားဖြင့် သတ် ပိုဘီး ရှယ်လာ နိုင်ဘဲ့လော။ အယ်မျှလော့-က် သေးငယ်ဟှူ မှုဟှို လောက်နိုင်ဟှ ဆိုဟှာ ဖြားဖြစ်ကြောန့် တခြားမှုလေတွပ် စိုးရိမ်နေဂေ့နူး။ တောပန်းလေဟှို ကေ့ကေ့။ အယ်ပန်းလေဟှာ ဗိုင်းငင်ဟှ။ ယက်ကန်းလည်းရစ်ဟှ။ အယ်ဘေမဲ့ ရှောလမုန်မန်းဂီးရဲ့ ဖောင်းစည်းဇိမ်လေ ဂူလောင်းဟှို ဆင်ဟှယ်ဟှိုမှ အယ်တောပန်းလေထဲဟှ တဗန်မျိုး လှပတင့်တယ်ဟှ ဆိုဘီး နန်းနို့လေဟှို ငါပြောဟှယ်။ ယောင်ကြည်ရှင်း အားနဲဟှူလူလေ! အယ်နေ့ ကွမ်းပ္လန်ထဲမာရှိဘီး နတ်ကီးတိုင်ဟှာ မီးဖိုထဲဟှို ရော့-က်ရဟှူ တောဗြစ်ပန်ဟှို ဘုရားသခင်ဟှ အယ်မျိုး ဝတ်ဆင်ပေးဟှယ် ဆိုဟှာ နန်းနို့ဟှို အယ်ထတ်မက ဝတ်ဆင်ပေးမယ် မှုဟှလော။"
"အယ်ကြောန့် ဖယ်မျိုး စားရဟှို့နူး။ ဖယ်မျိုး သော့-က်ရဟှို့နူး ဆိုဘီး စိုးရိမ်ရှင်းရှိဂေ့န။ (အယ်လောကရှိ ဘုရားသိဘဲဟှူ လူလေဟှဘဲ့ အယ်မူဇာလေဟှို ရှာဖွေဂေ့ဟှယ်။) အယ်မူဇာလေဟှို နန်းနို့လေ လိုအပ်ဟှယ် ဆိုဇာဟှို နန်းနို့ဖ သိတော်မူဟှယ်။ နန်းနို့ဟှာ ဘုရားသခင်ရဲ့ နိုင်ငံတော်ဟှို ရှာဂေ့။ အယ်ဆိုဟှာ ကိုယ်တော်ဟှာ အယ်မူဇာလေဟှို ပေးတော်မူလေ့မယ်။"
"သိုးစုငယ်၊ ကြော့-က်ဂေ့န။ နန်းနို့ရဲ့ ဖဟှာ နန်းနို့တွပ် နိုင်ငံတော်ဟှို ပေးဟှို့ လိုရှိတော်မူဟှယ်။ နန်းနို့ရဲ့ အောက်စာလေဟှို ရောန်းဘီး ဆင်းရဲသားလေဟှို ပေးကမ်းစွန့်ကြဲဂေ့။ ဆွီးဟောန်းနိုင်ဘဲဟှူ ကပ်အိလေဟှို လောက်ဂေ့ဘီး သူခိုးဖော့-က်နိုင်ဘဲဟှူ၊ ပိုးလေကိုက်စားနိုင်ဘဲဟှူ၊ ကောန်းဂန်ဘောင်မာ ကူခန်းနိုင်ဘဲဟှူ ဘဏ္ဍာဟှို စုဂေ့ပါ။ ဖြားဖြစ်ကြောန့်နူးဆိုဟှာ နန်းနို့လေဟှာ ဘဏ္ဍာရှိဟှူ နေရာဟှိုဘဲ့ နန်းနို့စိနှလောင်းလေ ရော့-က်တတ်ဟှယ်။"
"နန်းနို့ဟှာ ဆင်သင့်ဖြစ်နေဂေ့ဟှို့တွပ် ခါးဟှို စဲဘီး မီးအီလေဟှို ထွန်းညှိဂေ့။ အီတတ်ဗွဲဟှ ပ္လန်လာဟှူ သူးနို့ရဲ့ သခင်ဟှို စောန့်နေဟှူ စေခံလေမျိုး ဖြစ်ဂေ့။ သူဟှာ ခွဗော့-က်ဟှို ခေါ့-က်ဟှူ ခီမာ သူးနို့ဟှာ ရှစ်ရှင်း ဖွမ့်ပေးလေ့မယ်။ သခင်ပ္လန်ရော့-က်လာဟှူ ခီမာ ဆင်သင့်စောန့်နေဟှယ် ဆိုဇာဟှို သခင်တွိရဟှူ စေခံလေဟှာ မင်္ဂလာရှိဟှယ်! နန်းနို့ဟှို ငါမှန်တိုင်း ပြောမယ်။ သခင်ဟှာ စေခံလေဟှို ဧည့်သည်လေမျိုး ဗွဲမာ ထိုင်ခိုင်းဘီး သူကိုယ်တိုင် ခါးဟှို စဲဘီးဟှာ လောက်ကျွေးလေ့မယ်။ သခင်ဟှ ညဉ့်နတ်ခီမာဘဲ့ဖြစ်ဖြစ်၊ မိုးလန်းခီမာဘဲ့ဖြစ်ဖြစ် လာမယ် ဆိုဘီး စောန့်နေဟှူ စေခံလေဟှာ မင်္ဂလာရှိဂေ့ဟှယ်! အီဇရှင်ဟှာ သူခိုးလာနိုင်ဟှူခီဟှို သိနေမယ် ဆိုဟှာ သူ့အီဟှို သူခိုးဖော့-က်ခံရလေ့မယ် မှုဟှ ဆိုဇာဟှို နားလည်ဟှားဂေ့။ လူ့ရဲ့သားဟှာ နန်းနို့ မျှော်လင့်ဘဲဟှူ ခီမာ ရော့-က်လာမယ် ဖြစ်ဘီး နန်းနို့လည်း ဆင်သင့် ရှိနေဂေ့" ဆိုဘီး မိန့်တော်မူလေဟှယ်။
ပေတရုဟှ "သခင်၊ အယ်ပေါင်ဥပမာဟှာ ကျွန်တော့်ဟှားလေတွပ် ပြောနေဇာလော။ လူလေ ဂူလောင်းတွပ် ပြောနေဇာလော။" ဆိုဘီး မေးလျှော့-က်လေဟှယ်။
သခင်ဘုရားဟှ "သစ်စာရှိဘီး ပညာရှိဟှူ စေခံဟှ ဖယ်သူနူး။ အီဇရှင်ဟှာ စေခံလေဟှို အောက်ချောက်ဟှို့န သတ်မှတ်ဟှားဟှူ ခီမာ စားဇာလေဟှို ထုပေးဟှို့ စေခံအောက် တယော့-က်ဟှို ခန့်ဟှားဟှယ်။ အီဇရှင် ပ္လန်လာဟှူ ခီမာ သစ်စာရှိရှိ လောက်ဆောန်နေဇာဟှို တွိရမယ် ဆိုဟှာ အယ်စေခံဟှာ မင်္ဂလာရှိဟှယ်! နန်းနို့ဟှို ငါ မှန်တိုင်းပြောမယ်၊ အီဇရှင်ဟှာ သူ့အောက်စာပစ်စီး ဂူလောင်းဟှို စီမံအောက်ချောက်ဟှို့ အယ်စေခံဟှို အပ်လေ့မယ်။ အယ်ဘေမဲ့ အယ်စေခံဟှာ ငါ့သခင် ပ္လန်လာဟှို့ ကြာအူးမယ် ဆိုဘီး စိထဲမာ အော့-က်မေ့ဘီး စေခံယော့-က်ကျားလေ၊ စေခံမီးမလေဟှို ရိုက်ဘီး သော့-က်စား ယစ်မောနေလေဟှယ်။ အယ်စေခံရဲ့ သခင်ဟှာ သူမျှော်လင့်ဘဲဟှူနေ့ သိနိုင်ဘဲဟှူ ခီမာ ပ္လန်ရော့-က်လာမယ် ဆိုဟှာ အယ်စေခံဟှို ပြင်းပြင်းထန်ထန် ပြစ်ဒန်ပေးဘီး ယောင်ကြည်ဘဲဟှူ သူလေနတူးဒူ နေရာခ္လဟှားရှင်းဟှို ခံရလေ့မယ်။
"သခင်ရဲ့ လိုဆန္ဒဟှို သိသိဂီးန ပြင်ဆင်ဟှားရှင်းလည်း မှေ့ဘဲဟှူ၊ သခင့်ရဲ့ လိုဆန္ဒဟှို လိုက်လျောရှင်းလည်း မှေ့ဘဲဟှူ စေခံဟှာ ကီဒန်ဘောင်ဂီး ရိုက်ခံရလေ့မယ်။ အယ်ဘေမဲ့ သခင့်ရဲ့ လိုဆန္ဒဟှို သိဘဲန ကီဒန်နဘဲ့ ထိုက်တန်ဟှူ မှုဟှို လောက်မိဟှူ သူဟှာ ကီဒန်နဲနဲဘဲ့ ရိုက်ခံရမယ်။ ဘောင်ဂီးရဟှားဟှူ သူလေနားဟှနေ ဘောင်ဂီးတောန်းလေ့မယ်။ ဘောင်ဂီးအပ်ဟှားဟှူ သူလေနားဟှနေ ဘောင်းဂီး တောန်းဂေ့လေ့မယ်။
"ငါဟှ အယ်လောကဟှို မီးလောန်စေဟှို့တွပ် လာဟှယ်။ ခုဘဲ့ မီးလောန်စေရှင်ဘီ! ငါခံယူရဟှို့ ဗတ္တိဇံတခု ရှိသေးဟှယ်။ အယ်မူဇာဟှို လောက်ဆောန်ဟှို့ ပီးခန်ထိ ငါ့ဟှာ စိဒေါက်ခရော့-က်နေဟှယ်! အယ်လောကဟှို ငြီသတ်ရှင်းပေးဟှို့ ငါလာဟှယ် ဆိုဘီး ထန်ဂေ့ဟှယ်လော။ ငြီသတ်ရှင်းပေးဟှို့ လာဟှူဇာ မှုဟှ။ ရှင်းရှင်း စိဝန်းကွဲစေဟှို့ဘဲ့ ငါလာဟှယ်။ ခုဟှနေဘီးဟှာ လူငါးယော့-က်ရှိဟှူ အီထောန်မာ နှေ့ယော့-က်ဟှ တဖတ်၊ သောင်းယော့-က်ဟှ တဖတ် ဆန့်ကျင်ဘီး ကွဲပြားဂေ့လေ့မယ်။ ဖနသား၊ မိနမီး၊ ယောက္ခမန ချွေးမလေ ရှင်းရှင်း စိဝန်းကွဲလေ့မယ်" ဆိုဘီး မိန့်တော်မူလေဟှယ်။
ယေရှုဟှာ လူလေဟှို "နော့-က်ဖတ်မာ မိုးတီလေ တတ်လာဇာဟှို ဗြင်ဟှူ ခီမာ မိုးဝါလေ့မယ် ဆိုဘီး နန်းနို့ရှစ်ရှင်း ပြောဂေ့ဟှယ်။ နန်းနို့ပြောမျိုးဘဲ့ ဖြစ်တတ်ဟှယ်။ အယ်ဘီးန တောင်လေတိုက်လာနေဇာဟှို မြင်ဟှူ ခီမာ နေပူလေ့မယ် ဆိုဘီး ပြောဂေ့ဟှယ်။ နန်းနို့ပြောမျိုးဘဲ့ ဖြစ်တတ်ဟှယ်။ သူတော်ကောန်း ယောန်ဆောန်ဟှူသူလေ! နန်းနို့ဟှာ မ္လေဂီးန ကောန်းဂန်ရဲ့ ခြေနေဟှို ကေ့ဘီးဟှာ ရာသီဥတုရဲ့ ခြေနေဟှို ပိုင်းခြားဘီး သိနိုင်ဂေ့ဟှယ်။ ခုကာလ ခြေနေဟှို ဖြားဖြစ်ကြောန့် ခန့်မှန်းဘီး သိနိုင်ဂေ့ဟှနူး။
"မှန်ကန်ဟှူလောက်ဟှို လောက်ဟှို့တွပ် ဖြားဖြစ်ကြောန့် နန်းနို့ကိုယ်တိုင် ဆောင်းဖြတ်ဂေ့ဟှနူး။ နန့်ဟှို တရားစွဲဟှူ လူနတူးဒူ တရားသူဂီးနားဟှို သွားရမယ် ဆိုဟှာ လမ်းမာ ကြေအေးအောန်လောက်ဂေ့။ အယ်မျိုးလောက်ဘဲဟှ ဆိုဟှာ သူဟှာ နန့်ဟှို တရားသူဂီးရှေ့ဟှို ဆွဲခေါ်ဟှားလေ့မယ်။ တရားသူဂီးဟှ နန့်ဟှို ရဲလတ်ထဲမာ အပ်လိုက်လေ့မယ်။ ရဲလေဟှလည်း နန်ဟှို ထောန်ထဲမာ ထဲဟှားလေ့မယ်။ နန်းနို့ဟှို ငါ မှန်တိုင်းပြောမယ်၊ ကပ်ကွီးလေ ဂူလောင်းဟှို ကျေအောန် ဆပ်ခန်ထိ နန်ဟှာ ထောန်ထဲမာ နေရလေ့မယ်" ဆိုဘီး မိန့်တော်မူလေဟှယ်။
နန်းနို့လေရဲ့ ကျင့်ကြံပြုမူရှင်းဟှာ ကပ်ဟှို တတ်မတ်မှု မှေ့ဘဲန ကိုယ့်မာရှိဟှူ အောက်စာန ရောင့်ရဲမှု ရှိဂေ့ပါ။ ဖြားဖြစ်ကြောန့်နူးဆိုဟှာ "ငါဟှာ နန့်ဟှို စွန့်ဟှားဟှ။ နန့်ဟှို လောင်းဝ ပစ်ဟှားဟှ" ဆိုဘီး ဂဒိတော် ရှိဟှယ်။
"အယ်ကြောန့် နန်းနို့ဟှို ငါပြောမယ်။ ဖယ်မျိုးစားရဟှို့၊ ဖယ်မျိုးသော့-က်ရဟှို့ ဆိုဘီး သတ်တွပ် စိုးရိမ်ဂေ့န။ ဖယ်မျိုးဝတ်ရဟှို့ ဆိုဘီးလည်း ကိုယ်ခန္ဓာတွပ် စိုးရိမ်ဂေ့န။ စာထတ် သတ်ဟှ ပိုမြတ်ဟှယ် မှုဟှလော။ ဝတ်ထတ်လည်း ကိုယ်ခန္ဓာဟှာ ပိုဘီး မြတ်ဟှယ် မှုဟှလော။
ရှင်းရှင်း စိဝန်းမကွဲဘဲ ညီးညီညွတ်ညွတ် ရှိဂေ့ပါ။ ထောန်လွှားဟှူစိမှေ့ဘဲန နှိခ္လဟှူ သူလေဟှို လတ်ခံဂေ့ပါ။ ကိုယ့်ကိုယ်ကိုယ် ပညာရှိဆိုဘီး ထန်မှတ်ဂေ့န။
Paz e confiança
Quando sou fraco, sou forte. Na presença de Deus encontramos contentamento que o mundo não pode oferecer.
ငါဟှာ အားနဲနေဟှူ ခီမာ တဂိုးနပ္လဲ့ဇောင်ဘီး ခရစ်တော်တွပ်ကြောန့် အားနဲဇာလေ၊ စော်ကားခံရဇာလေ၊ ဆင်းရဲဇာလေ၊ နှိစစ်ညှဉ်းဆဲဇာလေ၊ နှောက်ရှစ်ဇာလေဟှို ခံရဟှူ ခီမာ သီးခံနိုင်ဟှယ်။
ဖိလိပ္ပုဟှ ကိုယ်တော့်ဟှို "သခင်၊ ဖဟှို ကျွန်တော့်ဟှားလေဟှို ပြတော်မူပါ။ အယ်မူဇာဟှို ကျွန်တော့်ဟှားလေ အားလောင်း လိုရှင်ဂေ့ဟှယ်" ဆိုဘီး လျှော့-က်လေဟှယ်။