Contentamento
O contentamento é a arte de estar satisfeito com o que Deus provê. Não é conformismo, mas confiança de que Deus supre toda necessidade segundo suas riquezas.
Aprender a estar contente
Aprendi a viver contente em toda situação. O contentamento com a piedade é grande fonte de lucro.
Livre da avareza
Guardai-vos da ganância. Seja o viver sem cobiça, contentando-vos com o que tendes. Deus nunca nos desamparará.
आदोए मेतात्कोवा, "मेन चेहावक्पे आर सानाम लेकान लोब लालोच खोन सोनतोर आकान ताहेनपे, एनते होड़ाक् सा़रियाक् जियोन दो सारेड़ोक् लेका मेनाक्ताय धोन दुरिबते दो बाङ होयोक्ताया।"
इना़क्तेगे हाजार हाजार गादेल होड़को जारवायेन खान नुना़क् हा़बिच् जे आको आकोरेको लेबेत् भिनदा़ड़ोक्कान ताहेंकाना, जिसु दो आच्रेन चेलाको ला़इ माड़ाङाकोय एहोप्केदा, "फा़रिसिकोवाक् ता़ड़ि खोन मेन सोनतोरोक्पे, ओने ओका फा़सिया़रा कान। दानाङ चाबाक् कान दो चेत् हों बा़नुक् आनाङ ओकाटाक् बाङ सोदोरोक् आर ओकोवाक् हों बा़नुक् आनाङ ओकाटाक् बाङ बाडाय ञामोक्। ओनाते जाहानाक्कोगे ञुतरेपे रोड़ आकात् ओनाको दो मारसालरे आँजोमोक्आ आर ओकाटाक् भिता़रकोरे लुतुर फेडरेपे खायखोय आकात्, ओना दो छात खोन पोरचारोक्आ।"
"ए गातेञको, इञिञ मेतापेकाना, होड़मो गोगोच्को आर ओना तायोमते जाहानाक् बा़ड़ति चेकाय ला़गित् दाड़े बा़नुक्ताकोको दो आलोपे बोतोराकोवा। मेनखान इञ उदुक् आपेया ओकोयटाक्पे बोतोराय, उनि बाड़े बोतोरायपे, ओने उनि गोच्लेको तायोम नोरोकरे खादले ञुरहा़को रेयाक् एकतिया़रि मेनाक्ताय। हें, मेतापे का़ना़ञ, उनि बाड़े बोतोरायपे।"
"चेत् मोंड़ें गोटेच् घाड़वा बार पायसाते बाको आ़खरिञोक्आ? एनरेहों ओनको मोदरे मित् गोटेन हों इसोर दो बाय हिड़िञे काना। मेनखान आपेयाक् बोहोक् उप् मित्के मित् लेखा आकानतापेया। ओनाते आलोपे बोतोरोक्आ, आपे दो आयमा घाड़वा खोन हों बाड़तिपे दामाना।"
"आर इञ मेतापेकाना, मित्के मित् होड़ ओकोय होड़को सामाङरेये आङगोचिञा, मानवा होपोन हों इसोररेन दुतको सामाङरे उनिये आङगोचेया। मेनखान होड़को सामाङरे बाङेञिच् दो इसोररेन दुतको सामाङरेये बाङ ओचोक्आ। आर मानवा होपोन बिरुदरे काथा रोरोड़को मित्के मित् होड़ दो इका़क्ताकोवा, मेनखान सोनोत जिउ बिरुदरे हेनोसता रोरोड़को दो बाङ इका़क्ताकोवा।"
"आर सुना़गोगकोरे आर हा़किमको आर एकतिया़रिको सामाङरेको इदिलेपेरे, आलोपे गुनिभा़बिक्आ चेत्लेका से चेत्पे रोड़ दोगोक्आ से चेत्पे रोड़ा। एनते सोनोत जिउगे इना़ घा़ड़िच्गेये चेत्आपेया ओकाको रोरोड़ होयोक्तापेया।"
आदो गादेल होड़को मोदरेन मित् होड़े मेतादेया, "ए गुरु, बापोति धोन हा़टिञाञा मेनते बोयहाञ मेतायमे बाड़े।"
जिसु दोए मेतादेया, "हेंदा हों, आबेन चेतानरे बिक्चा़रिच् से हा़क्टिञिच् दो ओकोये टारहावाकादिञा?" आदोए मेतात्कोवा, "मेन चेहावक्पे आर सानाम लेकान लोब लालोच खोन सोनतोर आकान ताहेनपे, एनते होड़ाक् सा़रियाक् जियोन दो सारेड़ोक् लेका मेनाक्ताय धोन दुरिबते दो बाङ होयोक्ताया।"
आदो जिसु मित्टेच् फेने ला़इयात्कोवा, "मित्टेन किसा़ँड़ होड़ाक् ओतरे आसेच्तासेच् उपजा़वेना। आदो आच् मोनेरेये हुदिसाना, चेत् इञ चेकाया एनते इञ आरजावाक् आ़गु जारवाय ला़गित् ठा़ँइ बा़नुक्तिञा।" आदोए मेनकेदा, नोनकाया़ञ, "इञाक् मुरा़इकोञ रा़पुत् गिडिया आर बा़ड़ति माराङाक्कोञ बेनावा आर ओंडेगे आरजावाक् ओन आर धोन इञ आ़गु जारवायतिञा। आर इञाक् जिविञ मेताक्तिञा, ए जिवि, ढेर सेरमा ला़गित् बाय आकान आचेल पाचेल धोन दुरिब मेनाक्तामा। जिरा़उजोङमे, जोमजोङमे, ञुजोङमे, हेसेच् सेकरेच् जोङमे।" मेनखान इसोर दोए मेतादेया, "ए बेबुज, निया़ ञिंदा़गे आमाक् जिवि दो आम खोनको खोजा। आदो ओनेम जारवा आकात् दो ओकोयाक् होयोक्आ?"
"ओनकानगेयाय उनि दो ओकोय धोने जारवाजोङकान आर इसोर सामाङरे दो बाय किसा़ँड़ आकान।"
आदो जिसु आच्रेन चेलाकोय मेतात्कोवा, "ओना इया़तेञ मेतापेकाना जिवेदोक् ला़गित् दो आलोपे दाँदोक्आ चेत्पे जोमा मेनते। होड़मो ला़गित् हों आलो चेत्पे होरोक् बाँदेया मेनते। एनते जोमाक् खोन जिवि आर होरोक् बाँदेनाक् खोन होड़मो दो माराङगेया। भोंडा का़हुँको आ़रिबा़न्धिकोपे, एर हों बाको एरा, इर हों बाको इरा, बाङ दो कुठि आर बाङ दो मुरा़इ मेनाक्ताकोवा, एनहों इसोर दोए आ़सुलेत्कोवा। आपे दो उडा़उक् चेंड़ेंको खोन तिना़क् बा़ड़तिपे सोरोसा। आपे मोदरे ओकोय होड़ दा़ँदिकाते आयाक् उमेर मित् घा़ड़िगान होंए जुटुच् दाड़ेयाक्आ? ओनाते हुडिञ उता़राक् हों बापे दाड़ेयाक् खान, सारेच्आक्को ला़गित् दो चाक्पे दाँदोक् काना? बिर सिकिया़म बाहाको आ़रिबा़न्धियपे चेत्लेका हाराक् काना, बाको ताकोया आर बाको तिञा, एनरेहोंञ मेतापेकाना, आयाक् जोतो ठोनोकरे सुलेमान हों नोवाको खोन मित् गोटेच् लेका हों नापाय किचरिच् बाङ ताहेंकानताया। आदो तेहेञ मेनाक् आर गापा सेङगेलरे खादलेक् टा़न्डि रेयाक् घाँस इसोर दो नोनकाय साजेत् खान, तिना़क् आरतेत्गे आपे दोए साजेत्पेया, ए नासे नासे पा़तिया़उको।"
"आर आपे दो आलोपे ञाम बाड़ाया चेत्पे जोमा आर चेत्पे ञुया मेनते, आर आलोपे हुचकुचुकुर बाड़ाया। एनते नोवाको सानाम मा धा़रतिरेन जिहुदि बाहरेरेन होड़गेको ञामबाड़ा काना। आपेरेन बाबा दोए बाडाया नोवाको जा़रुड़ापे काना मेनते। उनियाक् राजगे बिचकोम ञाम बाड़ायपे, आदो नोवाको जुटुच्आपेया।"
"आलोपे बोतोरोक्आ, ए हुडिञ पालरेनको, एनते आपेरेन बाबा दोए कुसि आकाना राजोसटि एमापे ला़गित्। मेनाक्तापेयाक्को आ़खरिञपे आर दान एमोक्पे। बाङ मारेक् बुगलिको बेनावजोङपे, बाङ आ़दहिक् धोन जारवा जोङपे सेरमारे, ओने ओकारे कोमबड़ो बाको सोरोक् आर जा़ँरडि हों बाको बा़ड़िज। एनते ओकारे आपेयाक् धोन मेनाक्आ ओंडेगे आपेयाक् मोन हों ताहेना।"
"आपेयाक् डाँडा दो पाठेआकान आर दिउहेको दो जोल आकान ताहेनतापेमा आर आपे दो ओनकान होड़को लेका होयोक्पे ओकोय आकोरेन किसा़ँड़को ञेल होरेकान, तिनरे बापला भोज खोने रुवा़ड़ा, जेमोन हेच्कातेये ठोप् ठोप्लेरे साटमेनते दुवा़रे झिच्गोत्आय। भा़गानगेयाको ओनको गुतिको दो, ओने ओनको जागवारगे किसा़ँड़ दोए हेच् ञामको, सा़रिगेञ मेतापेकाना, उनि दो आच्गे पाठेकाते जोम ला़गित्ए दुड़ुप् ओचोकोवा आर सेनकातेये साप्सोराकोवा। आर उनि दो दोसार से तेसार पोहोररे हों ओनकागेये हेच् ञामलेको खान, भा़गानगेयाको ओनको दो आर नोवा बाडायपे, ओड़ाक् किसा़ँड़े बाडायले खान ओका घा़ड़ि कोमबड़ोय हिजुक्, एनडेखाने जागवारकोक्आ आर आयाक् ओड़ाक् दो ओहोय भुगा़क् ओचोलेया। आपे हों सापड़ाव आकान ताहेनपे, एनते बापे हुदिस घा़ड़िच्गे मानवा होपोने हिजुक्आ।"
आदो पातरासे मेतादेया, "हेंदा प्रोभु, आले ला़गित्गे नोवा फेन दोम रोड़ेदा, से जोतो होड़को ला़गित् हों"
आदो प्रोभुइ मेनकेदा, "एनडेखान पा़तिया़र आर बुदान लोनबोनिच् दोए ओकोय काना? ओने किसा़ँड़तेत् दो आच्रेन गुति का़ड़मिको चेतानरेये सोरदारकाय ओकते ना़पितरे सेरसिधा़ एमाको ला़गित्। भा़गानगेयाय उनि गुति दो ओकोय किसा़ँड़तेत् दो ओनकायेत्काने हेच् ञामे। सा़रिगेञ मेतापेकाना, आयाक् जोतो मेनाक्तायाक्को चेतानरेये सोरदारकाया। मेनखान उनि गोलाम आयाक् मोनरेये मेनले खान, किसा़ँड़िञ दोए बिला़मेदा आर गुति आर का़ड़मिको दादाल आर जोम ञुय आर बुलुक्ए एहोब। एनडेखान उनि बाय ञेल होरेत् दिनरे आर बाय बाडायेत् ओकतेरे, उनि गुतिरेन किसा़ँड़े हिजुक्आ आर सा़जा़इयेते बेपा़तिया़उको तुलुच् उनियाक् बाखराय निटताया।"
"आर उनि गुति ओकोय आच्रेन किसा़ँड़ाक् मोनेजोङाक् बाडायकाते बाय तेयारलेदा आर उनियाक् मेनजोङाक् लेका हों बाय का़मिलेदा उनि दो बेबा़डिच्ए दाल ओचोक्आ। मेनखान उनि ओकोय बिन बाडायते दाल ओचोक् लेकाय का़मिलाक्आ, उनि दो थोड़ागेये दाल ओचोक्आ, ढेर एम आकावादे होड़ दो ढेरगेको आ़दा़यिया आर ढेर जिमा़ आकावादे होड़ दो बा़ड़तिगेको कोयेया।"
इञ दो धा़रतिरे सेङगेल चापात् इञ हेच् आकाना आर तिना़क् सानाञकाना ओना दो पा़हिल खोनगे जोलकोक्आ। मेनखान मित्टेच् बा़प्तिसमाते बा़प्तिस ओचोक् होयोक्तिञा आर ओना आ़उरि पुरा़उक् हा़बिच् आ़डि भाबनारे मिना़ञा। चेत्पे मेनेदा, इञ दो धा़रतिरे सुलुक एमोक् इञ हेच् आकाना? इञिञ मेतापेकाना, बाङा, बिचकोम भिना़भिनिगे। नित खोन दो मित् ओड़ाक्रेन मोंड़ें होड़ भिना़भिनि आकानको ताहेना, पे होड़ दो बार होड़ उपा़रते आर बार होड़ दो पे होड़ उपा़रते। भिना़भिनिक्आको, आपात दो होपोन उपा़रते आर होपोन दो आपात उपा़रते, एङगात दो होपोनेरात उपा़रते आर होपोनेरात दो एङगात उपा़रते, हानहारतेत् दो किमिनतेत् उपा़रते आर किमिनतेत् दो हानहारतेत् उपा़रते।
आर जिसु दो गादेल होड़ होंए मेतात्कोवा, "पा़छिम खोन रिमिल राकाप्पे ञेलले खान एकालतेपे मेनगोदा, दाक् हिजुक्आ आर ओनकागे होयोक्आ। आर दा़खिन सेच् खोने होयले खानपे मेना, झारला झा़रलिये सेतोङा आर ओनकागे होयोक्आ। ए फा़सिया़राको, धा़रति रेयाक् आर सेरमा रेयाक् चिनहा़को ञेलकातेपे मेन दाड़ेयाक् काना दिन दो चेत् लेकाक्आ, मेनखान नोवा ओकतेको दो चेकाते बापे ओरोमेदा?"
"चेत् भागेया? चाक् आपेतेगे ठिकाक् बापे बिचा़रेदा? आमरेन बा़दि तुलुच् हा़किम ठेनेम चालाक्रे, होररेगे उनि खोन छाडावक् ला़गित् कुरुमुटुइमे। बाङखान पासेच् बिक्चा़रिच् ठेने घाचघाचाव इदिमे आर बिक्चा़रिच् दो दारोगा ठेने सोपरोतमे आर दारोगा दो हाजोतरेये भोरावमेया। मेताम का़ना़ञ, मित् मित् सिकि आ़उरिम हाला चाबाय हा़बिच् ओंडे खोन ओहोगेम ओडोक लेना।"
Paz e confiança
Quando sou fraco, sou forte. Na presença de Deus encontramos contentamento que o mundo não pode oferecer.