Conversão

19 B̈ii shìe liɛŋtə-ii hə ndəŋ bʉ̂ʼtə-ii, bʉ̀nə gwè tʉ Nyii, ɔ chʉʼ sʉ̀fyii hə ndəŋ bʉ̂ʼtə-ii, Tiekətʉ chʉʼ chìi b̈ii kie ŋgwɔʼmbi ndə fyiihə-ii bu ghʉ́ə bʉʼka bii bɔŋ bɛ mɔʼɔ,

38 Bita bə̀ŋhə mbɔ, "Ẅotəmiyɔŋ mu bii shìe liɛŋ-ɛŋ hə ndəŋ bʉ̂ʼʉ, fí muu yie-Jiso Klai, ɔ chʉʼ sʉ̀fyii-i hə ndəŋ bʉ̂ʼtə-a. Nyii bɔŋleʼ kɔ́ Lyʉʉhəkə-i tʉ a.

30 Nɔ kə bɛ ndə vɛʼ-tʉŋkwɔŋ-ghɔ̄, Nyii jyùu shʉ-i, bɔŋ nduɔ ɔ tʉʼ kàhə bʉə bənchəŋ ndə yəŋbə inchəŋ mbɔ bɔ̂ŋ shìe liɛŋtə-ʉə hə ndəŋ bʉ̂ʼtə-ʉə.

17 Lʉ̀ hə vɛʼ-ghɔ̄ Jiso chʉ́ʉhə məlɔ̀ʼ ŋgieNyiikə, kə́ ghɔ̀ŋ mbɔ, "B̈ii shìe liɛŋtə-ii hə ndəŋ bʉ̂ʼtə-ii, bʉʼka ndʉʉ nɔʼ kʉ̀ʼnə tʉ Fɔŋ Yuo ndə məsɔ́ʼ bii."

8 B̈ii kʉ́ʉnə ntɔŋmə ndə mədʉ̀ʼ mbɔ bii nɔʼ shìe liɛŋtə-ii hə ndəŋ bʉ̂ʼtə-ii.

15 kə́ ghɔ̀ŋ mbɔ, "Mbʉ ndʉʉ nɔʼ kʉ̀ʼnə tʉ Nyii ndə məsɔ́ʼ bii ndə fɔŋ, b̈ii shìe liɛŋtə-ii hə ndəŋ bʉ̂ʼtə-ii bɔŋleʼ bɛ́ŋ mbʉ ntəŋjyujyu."

7 Nɔ bɛ haʼ nɔ ndə tʉʉjyu bu bɛ yuo daa, kaʼ mbyu wo-bʉ̂ʼʉ imɔʼ shìe liɛŋ-ɛŋ bʉ̀nə tʉ Nyii, tə chàa ndə i bɛ tʉ bʉə njuɔ bɔmɔʼ nə wuŋ bɔmɔʼ ndə bɔ̂ŋ bɛ bʉə-kəŋgie-shʉəŋ təmə nɔʼ fɔ̀ʼ ŋwɔŋ-yʉə ndəŋ fia-Nyii fɛ.

10 Tʉʉjyu nɔ bɛ haʼ nɔ bəshʉ bʉəntəŋNyii ndʉʉ ndə mbyu wo shìe liɛŋ ndəŋ bʉ̂ʼʉ-e."

32 Mɔ gwè ndə mətíi bʉə ndə bɔ̂ŋ kwɔ̀ʼtə mbɔ bɔ̂ŋ bɛ ndyʉndyʉ fɛ, mɔ nɔ gwè tʉ bʉə-bʉ̂ʼʉ mbɔ bɔ̂ŋ chʉʼ shìe liɛŋtə-ʉə ndəŋ bʉ̂ʼtə-ʉə."

9 Tiekətʉ chʉʼ tùu ndə məfɔ̀ʼ nukə ndə ɔ nɔʼ kə kɔ̀ʼnə, ndə bəbɛʼbʉə tʉʼ kwɔ̀ʼtə fɛ. Bɔŋ nɔ, ɔ nɔ tʉʼ yá fyii-i bə bʉʼka bii, bʉʼka ɔ kʉ̀ʉ mbɔ mbyu wo kwú bɛ́ fɛ, bɔŋ ɔ nɔ kʉ̀ʉ mbɔ b̈ʉə bənchəŋ shìe liɛŋ ndəŋ bʉ̂ʼtə-ʉə.

19 M̃ɔ nɔ sɔ́ʼ bʉə ndə mɔ kʉ̀ʉ bɔŋleʼ gwúu bɔŋ, nɔ, b̈ii kɔ́ fyiihə-ii shʉ́əshʉ́ə ndə məshìe liɛŋ-yii ndəŋ bʉ̂ʼtə.

5 Nɔ, ndʉʉghɔfii, b̈ii yí nu-kəwʉʉnəmbi-bə ndə i bɛ mu mbʉə-bii nə bəsəŋ, nu-nyàatəŋwɔŋ-bə, ntɔ-bəsəŋ-mə, ntɔmə ndə məchìi bʉ̂ʼʉ leʼnə ntɔmə ndə məkie tətɛʼ bii ndə i bɛ nə məgháa bənyii.

13 Kə a mə mɛ̀ʼtə yəŋ-mbʉə-kə-a imɔʼ, i kə́ fɔ̀ʼ tʉ bʉ̂ʼʉ fɛ. Bii nɔ kie bə ndə məkɔ́ ŋwɔŋ-yii tʉ Nyii, ndə bʉə ndə bɔ̂ŋ nɔʼ kə kwú, bə bʉ̀nə kóʼhə bɔŋ, ndə məkie məchímbi, ké ŋwɔŋ-yii tʉ ɔŋ inchəŋ ndə mə-kə́-fɔ̀ʼ nubə ndə i bɛ ndyʉndyʉ.

B̃ʉʼʉ nɔ kwɛ̀ fɔkə ndə bʉʼʉ bè

1 Bəliŋ-bɔŋ, kaʼ wo mu bii chìi bʉ̂ʼʉ təmiyɔŋ, m̈bəŋ-aŋ ndə a tə́nə shʉ́əshʉ́ə mu LyʉʉhəNyiikə bʉ̀nə chɔ̀ʼhə ɔŋ sê nə mbuɔnəbə, bɔŋ kə́ láa bʉʼka a məgwù ghɔ.

21 Nɔ, b̈ii mɛ̀ʼtə mənyàatə ŋwɔŋ-aŋ, fyúhə nu-bʉəbʉə-bə mbʉə-a, lʉ̀ ŋwɔŋ-aŋ sê fí ŋgieNyiikə ndə bə nɔʼ bè mu mbʉə-a, ndə bəkɔ i kwáa a.