Conversão

A conversão é o ato de se voltar para Deus — arrependendo-se do pecado e abraçando a graça. É o início de uma vida nova, transformada pelo amor de Cristo.

Arrependei-vos

Arrependei-vos e convertei-vos para que os vossos pecados sejam apagados. A conversão começa com a mudança de mente e coração.

19 इदुरसाटी, मन तिर्गुसी अदिक वापस बरी कि नीम पाप माफ माळकु आदव,

Atos 3:19

38 पतरस आंदुर से अंदुन, "मन तिर्गुसी, अदिक नीम दा टु हर ऊंद मंळसा तान-तान पापगोळ्द माफ अन्द साटी यीशु मसीह अन्द हेसुर देल बपतिस्मा ताकोम; रा नीमी पवित्र आत्मा अन्द दान सिक्‍कीत.

Atos 2:38

30 "इदुरसाटी परमेश्वर याग लॉकुर परमेश्वर उक ईला जानसोर आ समयगोळ मा ध्यान कोटीदील, लेकीन ईग हर जागा सप्पा मंळसागोळी मन तिर्गुसोद आग्या कोळतान.

Atos 17:30

17 आ समय टु यीशु प्रचार माळोद अदिक ईद अनोद सुरूवात माळदुन, "तान पापगोळ देल मन तिर्गुसी यतिकी स्वर्ग इन राज्य हात्‍ती होट बंदाद."

Mateus 4:17

8 इदुरसाटी हिंग मातगोळ माळी जो नीम पश्चाताप इक तोर्सतद,

Mateus 3:8

15 अदिक अंदुन, "समय पुरा आगेग्याद, ‘अदिक परमेश्वर उन राज्य हात्‍ती होट्ट बंदाद; मन तिर्गुसी अदिक खुशखबरी मा विश्वास माळी.’"

Marcos 1:15

O amor de Deus converte

Céu se alegra por um pecador que se arrepende. Deus não deseja a morte do ímpio, mas que se converta e viva.

7 ना नीम से अनतीन कि ईदा रीति देल ऊंद मन तिर्गुसावाळा पापी इन बारा दा भी स्वर्ग दा ईट अच खुशी आदीत, याट कि नीन्यानव ईत्‍ता न्यायीगोळ्द बारा दा आगाल्द, जो पाप माळोद पयला अच बिट बुटार.

Lucas 15:7

10 ना नीम से अनतीन कि ईदा रीति देल ऊंद मन तिर्गुसावाळा पापी अन्द बारा दा परमेश्वर उन स्वर्गदूतगोळ्द मुंद खुशी आगतद."

Lucas 15:10

32 ना न्यायीगोळी ईला, लेकीन पापीगोळ्द पापगोळी पश्चाताप माळसुसोर साटी कारूली बंदीन."

Lucas 5:32

32 यतिकी प्रभु यहोवा अन ईद वाणी आद, जो सोत्तुर, आऊन सोत्तुर देल ना खुश आगालीन, ईदुरसाटी पश्चाताप माळी, आग अच नीव जीत्ता ईत्तीर.

Ezequiel 18:32

21 लेकीन अगर दुष्ट मंळसा तान सप्पा पापगोळ से तिर्गकु, नान सप्पा विधीगोळ पालन माळुल अदिक न्याय अदिक धर्म इन क्याल्सा माळुल, रा आव सायतीदील; ब्लकी जीत्ता अच ईत्तान.

Ezequiel 18:21

व्यक्तिगत जिम्मेदारी

1 बक यहोवा अन ईद वचन नान हाती पोहचुस्त: 2 नीव लॉकुर जो इस्त्राएल द्याश इन बारा दा ईद कहावत अनतीर,

हुळ्लग अंगुर रा तिंदुर पुराना हाळाबाट्टुर,

लेकीन हल्ल हुळ्लग आदव चिकोरव.

ईदुर येन मतलब आद?

3 प्रभु यहोवा ईद अनतान कि नान जीवन इन किर्या, नीम इक इस्त्राएल दा ईद कहावत अनोद मात्त मौका सिकतीदील. 4 नोळी, सप्पा मुंदुरव प्राण रा नानव हुव, ह्यांग आप्प उन प्राण, हांग अच पार उन भी प्राण आद; येढ्ढु नानव अच हुव. ईदुरसाटी जो प्राणी पाप माळ्यान आव सोत्तान.

5 "जो यावारा धर्मी आन, अदिक न्याय अदिक धर्म इन क्याल्सा माळ्यान, 6 अदिक ना रा पहाळीगोळ पुजा अन जागा मा भोजन माळीदान, ना इस्त्राएल इन घराना अन मुर्तीगोळ दी कण्ण नेगुकु नोळीदान; ना पराया आर्त इक बीगळुसीदान, अदिक ऋतुमती इन हाती होग्यान, 7 अदिक ना यारदु मा अंधार माळ्यान बल्की ऋणी इक आऊन बन्धक वापस माळीदान, ना यारीकु लुटसीदान, बल्की हस्तकु उन तान रोट्टी कोटीदान अदिक ऊगळा अक कपळा होचीदान, 8 ना ब्याम मा पैस्या कोटीदान, ना पैस्या अन ब्याज ताकोंडीदान, अदिक ना तान कय कुटिल क्याल्सा देल रोकसीदान, मंळसागोळ बीच दा सच्चाई देल न्याय माळीदान, 9 अदिक नान विधीगोळ मा नळुतीदान अदिक नान नियमगोळी मान्सतेला सच्चाई देल क्याल्सा माळीदान, हींग मंळसा धर्मी आन, आव निश्चय जीत्ता ईत्तान, प्रभु यहोवा अन ईदा वाणी हुन."

10 "लेकीन आऊन पार डाकु, हत्यारा, या म्याकुच कोटकु आग्याव आ पापगोळ दा टु यातोदु माळावाळा ईतीदान, 11 अदिक म्याकुच कोटकु आग्याव आ उचित क्याल्सा माळावाळा ईला ईतीदान, अदिक पहाळी इन पुजा अन जागा मा भोजन माळीदान, पराई आर्त इक बीगळुसीदान, 12 दीन दरिद्र मा अंधेर माळीदान, दुसरा अक लुटसीदान, बन्धक ईला वापस माळीदान, मुर्तीगोळ दी कण्ण नेगदीदान, बेकार क्याल्सा माळीदान, 13 ब्याज मा पैस्या कोटीदान, अदिक वाळुसकु ताकोंडीदान, रा येन आव जीत्ता ईत्तान? आव जीत्ता ईरतीदील; ईदुरसाटी कि आव ईव सप्पा बेकार क्याल्सागोळ माळ्यान आव सहीदा सोत्तान अदिक आऊन रक्ता आऊंद अच ताल्ला मा बीद्दीत."

14 "बाक अगर ईत्ता मंळसा अन पार आगुल अदिक आव तान आप्प उन ईव सप्पा पाप नोळकु अंज्क इन मारा आंदुर घाई ईला माळतीदान. 15 मतलब ना रा पहाळी इन पुजा अन जागा मा भोजन माळ्यान, ना रा इस्त्राएल इन घराना अन मुरतीगोळ दी कण्ण नेगदीदान, ना पराया आर्त इक बीगळुस्यान, 16 ना यारदु मा अंधेर माळ्यान, न येनारा बन्धक ताकोंडान, ना यारीकु लुटस्यान, बल्की तान रोट्टी हस्तकु उक कोटान, ऊगळा अक कपळा होच्यान, 17 दीन जन इन हानि माळोर से रोकस्यान, ब्याज अदिक वाळुस्कु ईला तांकोडीदान, नान नियमगोळी मानसीदान, अदिक नान विधीगोळ मा नळदीदान, रा तान आप्प उन अधर्म इन कारण सायतीदील, बल्की जीत्ता अच ईत्तान. 18 आऊन आप्प, याव अंधेर माळ्यान अदिक लुटस्यान, अदिक तान वार्टुर बीच अनुचित क्याल्सा माळ्यान, आवा तान अधर्म इन कारण सोतोदान. 19 तरी भी नीव लॉकुर अनतीर, यती? येन पार आप्प अन अधर्म इन भार नेगालुन? याग पार उन न्याय अदिक धर्म इन क्याल्सा माळीदान, अदिक नान विधीगोळ पालन माळकु अऊर मा नळदीदान, रा आव जीत्ता अच ईत्तान. 20 जो प्राणी पाप माळ्यान आवा सोत्तान, न रा पार आप्प उन भार नेगदान अदिक ना आप्पा पार उन; धर्मी इक तांद अच धर्म इन काय सीक्कीत, अदिक दुष्ट उक तांद अच दुष्टता अन काय सीक्कीत. 21 लेकीन अगर दुष्ट मंळसा तान सप्पा पापगोळ से तिर्गकु, नान सप्पा विधीगोळ पालन माळुल अदिक न्याय अदिक धर्म इन क्याल्सा माळुल, रा आव सायतीदील; ब्लकी जीत्ता अच ईत्तान. 22 आव यास अपराध माळ्यान, अऊर दा टु यारदु याद आऊन विरूद्ध माळकु आगतीदील; जो धर्म इन क्याल्सा आव माळीदान, आऊन कारण आव जीत्ता ईत्तान." 23 प्रभु यहोवा अन ईद वाणी आद, येन ना दुष्ट उन सोत्तुर देल येनारा खुश आगतीन? येन ना ईदुर देल खुश आगालीन कि आव तान हादी टु तिर्गकु जीत्ता ईरूल? 24 लेकीन याग धर्मी तान धर्म देल तिर्गकु तेळा क्याल्सा, बल्की दुष्ट इन सप्पा बेकार क्याल्सागोळ अनुसार माळली कुरतुर, रा येन आव जीत्ता ईत्तान? यास धर्म इन क्याल्सा आव माळ्यान, अदुर दा टु यातोदु याद माळकु आगतीदील. जो विश्वासघात अदिक पाप आव माळ्यान, अदुर कारण आव सोतोदान.

25 "तरी भी नीव लॉकुर अनतीर, ‘प्रभु उन गती ऊंद घाई हैलेच.’ हे इस्त्राएल उन घराना, नोळ, येन नान गती ऊंद घाई हैलेच? येन नीम्द अच गती अनुचित हैलेच? 26 याग धर्मी तान धर्म देल तिर्गकु, तेळा क्याल्सा माळली कुरूल, रा आव आंदुर कारण सोत्तान, मतलब आव तान तेळा क्याल्सा अन कारण अच सोतोदान. 27 बाक याग दुष्ट तान दुष्ट क्याल्सागोळ देल तिर्गकु, न्याय अदिक धर्म इन क्याल्सा माळली कुरतान, रा आव तान जीव ऊळस्यान. 28 आव जो सोच विचार माळकु तान सप्पा अपराधगोळ से तिर्गदुन, ई कारण आव सायतीदील, जीत्ता अच ईत्तान. 29 तरी भी इस्राएल उन घराना अनतद कि प्रभु उन गति ऊंद घाई हैलेच. हे इस्त्राएल इन घराना, येन नान गती ऊंद घाई हैलेच? येन नीम्द अच गति अनुचित हैलेच?"

30 "प्रभु यहोवा अन ईद वाणी आद, हे इस्त्राएल इन घराना, ना नीम दा हर ऊंद मंळसा अन न्याय आऊन चाल चलन इन अनुसार अच माळाईन. पश्चाताप माळी अदिक तान सप्पा अपराधगोळी बिळी, आग अच नीम्द अधर्म नीम्द ठोकर तीना कारण ईरतीदील. 31 तान सप्पा अपराधगोळी जो नीव माळीर, दुर माळी; तान मन अदिक तान आत्मा बदलुसकोमी! हे इस्त्राएल इन घराना, नीव यती सोत्तीर?" 32 यतिकी प्रभु यहोवा अन ईद वाणी आद, जो सोत्तुर, आऊन सोत्तुर देल ना खुश आगालीन, ईदुरसाटी पश्चाताप माळी, आग अच नीव जीत्ता ईत्तीर.

Ezequiel 18

9 प्रभु तान प्रतिग्या अन बारा दा समय माळालुन, ह्यांग समय थ्वाळासा लॉकुर सम्सतार; लेकीन नीम्द बारा दा संयम हुडुतान, अदिक चाहासालुन कि यावारा नाश आगुल, बल्‍की ईद कि सप्पा मुंदरी मन फिराव इन मवका सिकुल.

2 Pedro 3:9

Transformação

Voltai-vos para mim e sereis salvos! Rasgai o coração e não as vestes. A verdadeira conversão transforma o interior.

19 ना यार यार से प्यार माळतीन, आ सप्पा मुंदुरी उलाहना अदिक शिक्षा कोळतीन; इदुरसाटी आस्था ईट अदिक मन तिर्गुस.

Apocalipse 3:19

हाळोद अदिक व्हाशोद जीवन

5 इदुरसाटी पृथ्वी माकळव तान आ संसारिक इच्छागोळी कोंद बुळी जो नीम दा कार्य माळतद, मतलब व्यभिचार, अशुध्दता, दुष्कामना, बेकार लालसा अदिक लोभ इक जो मूर्तिपूजा अन्द बराबर आद.

Colossenses 3:5

13 तान शरीर इन अंगगोळी अर्धम इन स्यावा अन साटी पाप इन हवाला माळबाळी, उलटा सोत्‍तुर दा टु जित्‍ता आगावाळेर घाई परमेश्वर उन हवाला माळबुळी, अदिक तान शरीर इन अंगगोळी न्यायीपन इन स्यावा अन साधन इन रूप दा परमेश्वर उन हवाला माळबुळी.

Romanos 6:13

आबुर दाबुर सहायता माळी

1 हे वार्टुरा अदिक आकतींगेरा, अगर यावारा मंळसा यातोदारा अपराध दा हुळकु भी आगतान रा नीव जो आत्मिक आईर, नम्रता अन सांगुळ ईत्‍ता मंळसा अक संभाळसी, अदिक तांद भी सावधानी ईटी कि नीव भी परीक्षा दा बिळबाळी.