Coração puro

8 Tʉʉjyu nɔ bɛ yi-bʉə-yə ndə bɔ̂ŋ kie mu fyii tʉ́ʉnə, bʉʼka bɔ̂ŋ bu nyíɛ Nyii.

3 Wotəmiyɔŋ ndə ɔ yʉ́əʼnə ndəŋ Klai nɔ kie ndə mətʉ́ʼ mu fyii-i, itʉ́ʉnə, haʼ ndə mbʉ Klai bɛ tʉ́ʉnə.

2 Mbʉətə bətieŋkɔŋ-bɔ̄ŋ, bʉʼʉ nɔ bɛ vâa-Nyii nduɔ, bɔŋ nukə ndə bʉʼʉ bu nə sɛŋ bɛ yɔŋ chʉʼ kɛ̀ʼnə fɛ. Bɔŋ nukə ndə bʉʼʉ kínə nɔ bɛ mbɔ ndʉʉ ndə ɔ bu yi gwè nɔ, bʉʼʉ bɛ ndə ɔ, bʉʼka bʉʼʉ bu yi nyíɛ ɔŋ kɛŋ ndə ntɛhə ndə ɔ bɛ yɔŋ. 3 Wotəmiyɔŋ ndə ɔ yʉ́əʼnə ndəŋ Klai nɔ kie ndə mətʉ́ʼ mu fyii-i, itʉ́ʉnə, haʼ ndə mbʉ Klai bɛ tʉ́ʉnə.

5 Luu ŋkahə-ɔ̄ŋ nɔ bɛ ndə məgwè nə ŋkʉ̂ʉ ndə i gwè hə ndəŋ mu fyii tʉ́ʉnə, ŋkwɔʼtə jyujyu leʼnə ŋkɛŋ məmɔ̀ʼfyii ndəŋ Nyii təmə mbii chɔ fɛ.

22 Nɔ, nyʉ́ʉ ntɔ-vâakəyɔwo-mə, gɛ̀ hə bɔ̌ŋ mə bɛ ndyʉndyʉ, mɔ̀ʼfyii-a ndəŋ Nyii, kie ŋkʉ̂ʉ leʼnə fyiighʉ́ənə biibə bʉə ndə bɔ̂ŋ tʉʼ lə̀ʼtə Tiekətʉ nə fyii tʉ́ʉnə.

9 Bɔŋ kə́ bɛ gwia-ɔ tʉ Nyii mbɔ ŋkʉ̂ʉ ndə bii kʉ̀ʉ ŋwɔŋtə-ii nə yɔŋ-yə bu kə́ bìʼ gɛ̀ nə shʉbə yɔ́ŋyɔ́ŋ, bii bɔŋleʼ kie ndaa ghɔŋbə mətúhə nubə inchəŋ, 10 mbɔ bii chʉʼ kínə məséʼ fɔkə ndə i kɛŋ bʉ̀ʉ daa. Yɔ̄ŋ-yə, bu chìi bii bɛ bʉə shʉəŋ, təmə kwɔtəkə ndəŋ Chîkə ndə Klai bu gwè chɔ fɛ. 11 Məchimbi-yii bu bɛ ilə́ŋnə nə ntɔŋmə kə́ bɛ f̃ɔʼtə ndə i bɛ ndyʉndyʉ, ndə kɔ́ haʼ Jiso Klai tətɛʼ ɔ, ndə i bu gwè nə məgʉ́ə tʉ Nyii ghɔŋbə mələ̀ʼtə ɔŋ.

14 B̈ii kə́ fɔ̀ʼ nubə inchəŋ təmə kə́ luŋtə fɛ byuunɔ kə́ yá bəŋʉʉ fɛ, 15 mbɔ bii chʉʼ bɛ vâa-Nyii ndə bɔ̂ŋ bɛ ndyʉndyʉ təmə kwɔtəkə fɛ byuunɔ mɔ̀ʼmbɛ mu kəwʉʉnəmbi ndə bʉə gə́ŋtə bənu ghɔŋbə bʉə-bʉ̂ʼʉ bɛ chɔ fɛ. B̈ii kə́ báa mu bɔŋ nə bəlɔʼɔ kəwʉʉnəmbi, 16 kə́ yá ŋgiekə ndə ĩ kɔ́ məchímbi shʉ́əshʉ́ə, mbɔ kʉ̂ʉ yi bɛ Chîkə ndə Klai bu yi bʉ̀nə gwè nɔ, mɔ kə́ ŋàʼtə mbɔ mɔ la kə nyʉ́ʉ ndʉʉ njʉnjʉ fɛ təmə bɔŋleʼ kə fɔ̀ʼ fɔʼɔ njʉnjʉ fɛ.

22 Nduɔ ndə bii nɔʼ búu ŋwɔŋ-yii ndə i gwè hə ndəŋ məyʉ́ ŋgie-shʉəŋ-kə, kə́ tə́nə chɔ, ndə ĩ gwè nə ŋkɛŋ ŋkʉ̂ʉ tʉ bəbɛʼbʉə ndə bɔ̂ŋ nɔʼ bɛ́ŋ Nyii nɔ, b̈ii kʉ̀ʉ ŋwɔŋtə-ii nduɔ jyujyu nə fyiihə-ii inchəŋ.