Coração puro
Bem-aventurados os puros de coração, porque verão a Deus. A pureza de coração é alvo, privilégio e busca constante do cristão que deseja contemplar a face do Senhor.
Coração puro
Bem-aventurados os puros de coração. A pureza interior precede toda transformação externa e abre os olhos para ver a Deus.
Wozanaa geeshshatuu anjjetteeddawantta;
ayaw gooppe,
unttunttu S’oossaa be’ana.
Med’inaa Godaa deriyaa gi"anawe oonee?
Aa geeshsha sa’aan ek’k’anawe oonee?
Aa kushii nagaraappe geeyyeeddawaa,
Aa wozanay geeshsha gideeddawaa,
eek’aw goyinnennawaa,
wordduwaan c’aak’k’ennawaa.
I Med’inaa Godaappe anjjuwaa akkana;
ashshiyaa S’oossaappe I s’illotetsaa pirdddaa akkana.
Ta nagaraappe ne sintsa wora zaara;
ta iitatetsaa ubbaa k’uc’c’a.
Abeet S’oossaw, geeshsha wozanaa ta giddon med’d’a;
minisiyaa ayaanaa ta giddon ooratsa.
Taana ne sintsaappe oloppa;
ne Geeshsha Ayaanaa taappe akkoppa.
S’oossay Israa’eeliyaw tumuwaappe lo"a;
wozanaa geeshshatoo I keeka.
Purificar-se
Todo o que tem essa esperança em Cristo se purifica. O amor procede de coração puro, boa consciência e fé sincera.
K’ay Kiristtoosa be’ana giide nashechchan naagiyaa ooninne Kiristtoosi geeshsha gideeddawaadan, barena geeshshee.
Ta siik’atoo, ha"i nuuni S’oossaa naanatuwaa; nuuni ayaa hananentto biro erettibeenna; shin Kiristtoosi k’onc’c’iyaa wode, nuuni Aa malatanawaa ereetto. Ayaw gooppe, I tumu Aa gidiyaawaa nuuni kumentsan be’ana. K’ay Kiristtoosa be’ana giide nashechchan naagiyaa ooninne Kiristtoosi geeshsha gideeddawaadan, barena geeshshee.
Ha azazoo waanna k’ofay geeshsha wozanaappe, lo"o suure wozanaappe, Asay be’o giyaabay baynna ammanuwaappe beettiyaa siik’uwaa dentsetsanaassa.
Shin neeni iita wodallatetsaa amuwaappe bak’ata. Barentta maaddanaw geeshsha wozanaappe Godaa s’eesisiyaawanttunna ittippe, s’illotetsaa, ammanuwaa, siik’otetsaanne sarotetsaa minisaade kaala.
K’ay taani hinttenttoo S’oossaa woossiyaawe hawaa; lo"obaa ayaanneekka dooranaw hinttenttu danddayanaadaaninne, k’ay hinttenttu siik’uu tumu eratetsaananne akeeka ubbaanna ittippe gujji gujji dic’c’anaadan, S’oossaa woossay; yaatiide Kiristtoosi simmiyaa gallassan hinttenttu suurenne pokkuu baynnawantta gidana. K’ay hinttenttu shemppuukka S’oossaa bonchchoonne galataw Yesuusi Kiristtoosa baggana beettiyaa s’illotetsaa ayfiyaa ayifana.
Geellanne nagaranchcha asaa giddon pokkuu baynnawantta, geeshshatuwaa, S’oossaa naanatuwaadankka pokkuu bayinnawantta gidite; k’ay zuuzummennan woy iitabaa k’oppennaan ubbabaa ootsite. He asaa giddonkka saluwaan poo’iyaa s’oolinttiyaadan poo’iidde, de’uwaa mishiraachchuwaa k’aalaa unttunttoo odite; he wode ta daaburaynne ta oosuu mela d’ayibeennawe erettiyaa diraw, Kiristtoosi simmiyaa gallassi taani hinttenan c’eek’ettana.
Tumatetsaw hintte azazettiyaawan, lo"a malatiyaa iitatetsay bayinnaan hintte ishatuwaa siik’anaw hintte huup’iyaa geeshshiide, ittuu ittuwaanna minisiide wozanaappe siik’ettite.
Asay ootsiyaa oosuwaa ubbay aw likke malatee; shin Med’inaa Goday koyiro dendduwaa k’ofaa yiggi s’eellee.