8 Mageno uudaammaxxee

luqqitte qalbekeerixxa wodo.✝

3 Duuchchi Woddike Goottixxa kooba ayyete qabbata?

Isixxe woyyitte bakka’n uurraaki ayyete?

4 Ca’itte angakenna qullite qalbeke,

fakkuwwa maganoofatabaakenna,

dharik kakatabaaken.✝

5 Isi Duuchchi Woddike Goottanaa’n eebba,

anjirallo Magenonaa’n qullumma alfaani.

9 Cubbo anxa uuddoxxe’e;

balleessa anxa duuchchanna anenaa’n fiyi.

10 Ee, Magenoo! Ca’itte qalbe ani’a dadi;

addatendaaxxa qalbe ani’a uwwi.

11 Alba atik edii’n anee bayyissoxxe’e;

woyyichcha atika Haafuuranna anenaa’n adhdhitoxxe’e.

1 Ca’ite qalbe afeeke Isira’eelike ardi’a Mageni eloken.

3 Iso’n tenne adde assaaki duuchchi isi ca’ichchake kadeemmashshanni isinna ifi ca’a assedhaan.

2 Anke jaaluwwa, no’o ta’a Mageniinxe oosen; edi’aa maa kandannoxxa ta’i qico’ni iffeebaan; isi ifiseemmaxxa yanna hedheeshshanni isoo uundannoxxa, isoonna fakkantannoxxa egeneennen. 3 Iso’n tenne adde assaaki duuchchi isi ca’ichchake kadeemmashshanni isinna ifi ca’a assedhaan.

5 Konne ajaajiki yaadi kinni luqqitte qalbbenaa’ni, eloxxe sammonaa’ninna dhugaatixxe amananaa’ni afeendaaxxe eeyyunten.

22 Dargaggeessummattixxe elobaaxxe gaabenaa’ni bayyati! Mitte godobinni Gootta ye’edhaake manninni welti hexxettexxi qullumma, amana, jaalalatanna nage’a halsi!

9 Weli eeyya ha’nooxxi ege’naaninna qalbeefachchot nophitaa’n me’itaashsha soodataannen. 10 Tinni caala eldaaxxa yaane qo’nisine egendino’anna Kiristoosi illee iima hige daga baro luqqitineenna mitte busha belo hexxine afendinaashaten. 11 Konne qicinni hedho ha’noxx yessuusi Kiristoosi darree’n afedaaxxe qullumati gummanni wo’miteexxi Mageno ulfinakanna galata shiqishinaake kadinaan.

14 Heene yaanenna aallattinebaangi morondineebaak asse. 15 Tinninna tenne shokkotixxenna fuggoxxe ila giddo shookishshaaxxanna ci’minaachcho affinebaaxxe ca’itte Mageniinxe oose kaddineexxi tenne butta duuchcha’n urjetishsha xassitinaashshaten. 16 Hedhotika hiyyichcho jabeessitineexxi abixxitinaa wodda tola gonge’ebe’noxxa yookaan tola elo’ebe’noxxa Kiristoosixxe barra’n ifi saadannoxxe ani’a kaddaan.

22 Yoona dhugaatee ajajemati lubbo ha’nooxxi luqqi assendeemmaxxee dayyuwwa ha’nokee qajeelto jaalala ha’no’ni hexxowwaal; mitte godobinni jaba qicinni weli’aanni weli eeyye.

2 Manjoke’e huje duuchchi ca’ittete fakkaatte leellitaani;

ookkone yaadika ke’injo kinni Duuchchi Woddiki Gootti memmekisee uudaani.