Coração puro
Bem-aventurados os puros de coração, porque verão a Deus. A pureza de coração é alvo, privilégio e busca constante do cristão que deseja contemplar a face do Senhor.
Coração puro
Bem-aventurados os puros de coração. A pureza interior precede toda transformação externa e abre os olhos para ver a Deus.
Undaanɛ nu ɠa ga niiti ti-yiimaʋɛ ɲadegai,
tɔɔzei ta GALA ka.
Ɓɛ ɠa a zoo é lɛ Ɠɔoɠɔ GALAGI ná-gizei ma?
Ɓɛ ɠa a zoo é wuzeɠe, eyɛsu é lo ná-ada ɲadegai?
Nii zeeiti ti la ɠɔzɔni, ziimaʋɛ ɠoleai,
nii é la ɓɔɠɔ lɔɔzu faa ɲakaiti su,
é la ɠonazu ga é ʋa nu yaava.
Toɠa Ɠɔoɠɔ GALAGI ná-tuyai zɔlɔɔ,
ná-kizo GALAGI ɠa deve ga telebo nu.
Ɲàde ga ɠizɔɔpe tufa ɓifɔgi,. nà ɠole naazu,
gbà, nà ɠole kobe kolegi ʋa.
Koozunɛɛi ta ziilɛi fai wo mà,
kpùsɛi è suɓɔlɔkpɔlɔni, naa ɠa ɠoozunɛ.
Ɠaazuzeɠe nà-kotoiti ba,
nà-faaɠaaza golaiti gaaʋa.
Leeni vaa zu faa ɲɔu ɠɛ nuiti ti ɓɔɠɔ zɔlɔɔsu?
Azafe ná-guyei.
Ungo, GALA pagɛ Izilayɛle ʋɛ,
pagɛ naati bɛ, niiti ti-yiimaʋɛ ɠoleai.
Purificar-se
Todo o que tem essa esperança em Cristo se purifica. O amor procede de coração puro, boa consciência e fé sincera.
Nu-o-nu naama ɠitogi ziimaʋɛ, é lo Kilista ʋa, naa ɠa ɓɔɠɔ ɲade ga Kilista ɠɛʋele.
Nɛ̀ɛɲɔɠɔiti, ada niina ga GALA dointi, kɛlɛ ʋelei da ɠɛ la, naa la dɛ ɠulani kɛlɛma. Tama de nii ɠwɛɛ: Siɛgi zu Kilista ɠulazu la kɛlɛma, da ɠɛ ga tɔun kɛʋele, tɔɔzei da ka, ʋelei é la. Nu-o-nu naama ɠitogi ziimaʋɛ, é lo Kilista ʋa, naa ɠa ɓɔɠɔ ɲade ga Kilista ɠɛʋele.
Niima levei ma ungi ɠa ga nɛɛbɛi, é ɠulazu nu yiima ɲadegai zu, ta kisiɛ ʋagɔi zu, naa ʋɛɛ kidaaleʋei ʋa, nii wooveleda la su.
Ɓizɛ nu niinɛlai ma ɠaazuɠulapɔiti ba, è telebodai ɠaiziɛ, ta kidaaleʋei, ta nɛɛbɛi, ta ziilɛigi, wa naati, niiti ti wooɠulazu Maliɠii ma ga ti-yiima ɲadegai.
Nii gè falizu GALA ma wa-vaa zu, naa ɠa ga, wa-nɛɛbɛi li ga wɔɔlɔa nɔ ɠɔ, é wɔɔlɔ ga faaɠwɛ kitei ta faaɠaaɠaa laazeeliai, naa ɠa a kɛ, wo zoo yiimazeɠezu ga faa ʋagɔi. Naazu wa ɲade, peelalazu mina ɠɛ wo ʋa Kilista ná-foloi, wo laave ga telebodai ná-kulanumai, nii é zɔlɔɔsu Yesu Kilista zaalai zu, GALA ná-lɛbiyai ta ná-maamusɛi ma vaa ma.
À faiti pɛ kɛ, unsuyeli mina ɠɛ su, maaɠaali mina ɠɛ su, ga peelalazu mina ɠɛ wo ʋa, wo ɲade, wo ɠɛ ga GALA dointi, kɔzɔzu la ti ʋa, sɔletala nuɓusɛi niiti saama, ti ga yaava nuiti. À volo ti zaama eteai zu eɠɛ wozakalagi, wo ɗa li ti ʋɔ ga zɛnvui ma wooi. Naa ɠa a ɠɛ ga nà-lɛbiyai ma ungi Kilista ná-foloi, naa ɠa a dɛɛ ga gè la ɠɛni ɓizɛni wafuun, gè ʋa botii ɠɛ wafuun.
Wo ɓega ʋoluma ga ɠolo gaamai ʋɛ, wo ɓɔɠɔ ɲadega ga, wo wo-ɠɛɛleaiti nɛɛ ʋɛ ga nɛɛbɛi nii wooveleda la su. À ɓɔɠɔ nɛɛ ʋɛ mu wo ɠilagilagi pɛ ga wo-yiimaʋɛ pɛ.
Ɛsɛ pɛ ka ɗa ɠisiɛ ga nii kpein é kɛɛzu pagɛ,
kɛlɛ Ɠɔoɠɔ GALAGI ɠa é de-ɠɛɛ vaiti ma ungi ma lukpɔi ɠaaleʋezu.