Coração puro
Bem-aventurados os puros de coração, porque verão a Deus. A pureza de coração é alvo, privilégio e busca constante do cristão que deseja contemplar a face do Senhor.
Coração puro
Bem-aventurados os puros de coração. A pureza interior precede toda transformação externa e abre os olhos para ver a Deus.
Yoba ye deno muduno ta pe sugwa meglkwa i, gun yenaiglkwa paugwa.
I siragl pre ye God kanaiglkwa.
Purificar-se
Todo o que tem essa esperança em Cristo se purifica. O amor procede de coração puro, boa consciência e fé sincera.
Te yoba nomane yegl pre gi digwa i, ye Jisas du moglmere yegl ye du moramnedi erikwa.
Na dena muduna teiga meglkwa i, nono erme God gagiglma mogl kodumga ba okuo siragl mere moramga i, teke paugwa. Teke paugwa ba Jisas u plau dinabuka igne i, ye siragl mere moglkwa i, nono gumuglno mina kanamga pre nono ama ye moglmere moramgrawa we di prumga. Te yoba nomane yegl pre gi digwa i, ye Jisas du moglmere yegl ye du moramnedi erikwa.
Te, na ene kogon dedidre, yoba tau ka kibi beke te meglkwa i, si kegl do diga i, ene yegl etn, God yobama ta moraiglkwa i, ye ka kibi i mane dibi, ye nonga dikre, deno muduno ikne ikne tenaiglkwa pre diga. Ye nomano mina God kamo kaima pre medigl moglsre, mabuno wakai ta pamedi praiglkwa i keme eribi, ye kaima deno muduno ikne ikne tenaiglkwa i kuno erabuka.
Ana mabuno kide tau gakamugl deno muduno mina pogglau boglkwa i, ene ere dinagledi teke ede eglke po. Ba ene mabuno du ya God kamo pre mediglnga mabuno i ya, yoba pere den mudn tenatnga mabuno i ya te, yoba pere bogl akie wakai moraiglkwa mabuno i, ene eragledi ero. Te, na ene swara mabuno wakai yegl eratnga i pre ta dikrika ba yoba ira ta ye deno muduno bogl God agle dinaiglkwa yobamo ta moraiglkwa i, ene ye bogl akie mabuno wakai eramnedi eraiglkwa pre diga.
Ana na ene pre siragl mere kamage erika i, di tebo, praiglmedi prika. Na ene pre kamage ere moglka i, ene deno muduno te ikne ikne edenaiglkwa mabuno i, ene meglmara yake ede u podo enabedi kamage ersre, te, ene God mabunomo pre kan ersre, nomane wakai wakai inaiglmedi kamage erika. Na ene pre kamage yegl mere ersre, ama ene mabuno kane kane kan yubu sidre, mabuno siragl mere wakai kaima panabuka i, ene kan pogl sinaiglmedi kamage erika. Ene mabuno tau wakai kaima pamedi kan pogl sibi, ene aglau ta erekre, mabuno du keme duglo bogl meglbi, Krais ede ikne unabedi prika. Te, na ama kamage erika i, Jisas Krais ene deno muduno mina kogon eran, ene mabuno du keme boglsre, mogo wakai koraiglkwa pre kamage erika. Ene yegl eribi, yoba kandre, God debie sidre, kagie kade tenaiglkwa. Yegl pre na ene pre kamage yegl ere moglka.
Ana ene ege ege siragl ta eraiglmara i, ene kigl nonga dikre, ka kane kane dikrio. Ene yegl eribi, yoba meda meglkwa i, ene kenaglno sikraiglkwa paugwa ba ye ene kanaiglkwa i, ene God gagiglma meglmedi kandre, te ene aglau erekre, mabuno du ere meglmiwe di, ene yegl kanaiglkwa. Yoba yugobuno erme meglkwa i, u kide eigo, ebrie mabunono kugl dugwa ba ene mabuno wakai ere meglbi, ene ye meglmara abuglage si teigwa mere yegl panabuka. Ene abuglage yegl si tedre, yoba kor aimadi moraiglkwa ka i, ye ama di tenamnedi erio. Ene yegl eribi, Krais ede ikne unabuka igne, na gun yenaglka. I siragl pre na erme pitn bogl, kogon podo erika i, yoko ta erekrika ba kogon wakai erika pamiwedi kandre, gun yenaglka pre diga.
Deno muduno te ikne ikne edinamga paugwa
Ana ene God kamo kaima paugwa i duglo boglsre, agroma abaroma deno muduno kaima teimara i, ene enene nigl paigwa mere yegl paugwa. Yegl pre ene deno muduno ikne ikne podo te molo.