Coração puro
Bem-aventurados os puros de coração, porque verão a Deus. A pureza de coração é alvo, privilégio e busca constante do cristão que deseja contemplar a face do Senhor.
Coração puro
Bem-aventurados os puros de coração. A pureza interior precede toda transformação externa e abre os olhos para ver a Deus.
«Fuleseiwatiña ha harumabaña anigi,
ladüga harihubei Bungiu.
Ka gayaraabei lamudeirun luagun luwübüri Aburemei?
Ka gayaraabei lerederun tidan luban to sánduboun?
Lamudeiruba le úabei figóu lidan libagari,
ni lidan lisaminan;
le máhuduragunbei houn guáriua,
máfiñurun ligía lau marasualugu.
Aburemei le Lubungiute gürigia ligía,
labinirubei, ru ligíame irichaü lun.
Dísegüdabei sun nifigoun luéi barihin,
gidabei sun nuriban.
Adügabá aban anigi to harumatu nidan, Nubungiute!
Ru buguyame aban iseri sífiri le gúnfuliti nidoun!
Magidarabana biñuarürugugiñe,
magidarunbeime bani sífiri le sándubei nuéi.
Lareini Bungiu
Buiti Bungiu hama Ísüraelina ha lánigu,
hama ha harumabaña anigi.
Purificar-se
Todo o que tem essa esperança em Cristo se purifica. O amor procede de coração puro, boa consciência e fé sincera.
Ani sun le agurabahabálin burí katei le, harumagüda lumuti ligaburi ítara kei haruma lan ligaburi Kristu.
Niduheñu hínsiñetiña nun, lirahüñühadiwa Bungiu guentó, ani lau sun marufudungili lan woun kátabadiwa lan lídanme lagumuhóun; subudirügü wamuti luagu danme lan le lagiribudun Kristu, ítara waba lan kei ligía, lugundun warihubei ítara kei lubéi. Ani sun le agurabahabálin burí katei le, harumagüda lumuti ligaburi ítara kei haruma lan ligaburi Kristu.
Le lunbei barufudahani houn afiñetiña hagía, lun hínsiñegua hamá houngua lugundun harumaaru tan hanigi, míchuhali haritagun duru hawagu, ani buíduhali hafiñerun.
Anurahabá lubeiti luéi luriban hayumahan nibureingiña; barüba aban ibagari le lánina richaguaü, afiñeni, ínsiñehabuni luma darangilaü, úara hama sun ha agúarubalin Wabureme Kristu tau anigi harumatu.
Amuriahatina lidan nayumuragun lun Bungiu huagu lúntima laweiridun hínsiñehabu lidan subudi luma gunfurandaü lidan sun katei, lun gayara lan hanúadahani katei le buídubei súnwandan lun habagaridun harumañu, madurun humaamuga danme liabin Kristu. Lun labuinchun hibagari lau lin irichaü le líchugubei Hesukrístu, lun lichugúniwa uéiriguni lun Bungiu luagu.
Adüga huméi sun katei magülülühanga ani masigenehanga huguyame, madarirúniwa láamuga duru huagu, ni mégeiti, lirahüñü humaamuga Bungiu, ha harumatiña haganagua gürigia wuribatiña ani salufuritiña. Huguya, harugoungadagüdatün haganagua gürigia hagía kei waruguma ubouagu, ragüñu huguya luagu uganu lánina ibagari. Dánmeti liabin Hesukrístu, gúndaabadina huagu, lau nasubudiruni luagu mama lan luagu ni kata náfaagua luma nuadigimarida haganagua.
Guentó, lau gaganbadi humá lun linarün Bungiu lau lubafu Sífiri Sandu, harumaaru hanigi lun gayaraabei lan hínsiñedun hiduheñu luéigiñe Hesukrístu hun le tímatimaati. Lunti lubeiti hínsiñegua humá hungua lau sun taruman hanigi, luma lau sun here,
Buiti sun le hadügübei gürigia lidan haritagun,
gama lumoun Bungiu aguseragüdübalin saminaü.