3 Seelich sent, dee em Jeist oam sent; wiels daut Himmelrikj es äat. Jes 57:15 4 Seelich sent de Truarende; wiels äant saul jetreest woaren. Ps 126:5; Opb 7:17 5 Seelich sent de Saunftmootje; wiels dee sellen daut Launt oawen. Mat 11:29; Ps 37:11

10 Wiels de jettliche Truarichkjeit wirkjt eene Omkjia to de Radunk, wua kjeen Leet-Droagen es; oba de Truarichkjeit von de Welt wirkjt dän Doot. Mat 26:75; 27:3-5; Luk 15:17-24 11 Wiels seet, jrod dit, daut jie no Gott no sent betriept worden, waut fa een Fliet daut en junt wirkjt! Waut fa eene Veteidjunk, Oaja, Forcht, Velangen, Iewa, Racheewen! Jie haben junt en aules bewäsen, daut jie en de Sach rein sent.

9 Un Hee haft to mie jesajcht: Miene Jnod es jenuach fa die; wiels miene Krauft woat en de Schwakheit vollkomen. Doawäajen well ekj mie aum leefsten väl mea met miene Schwakheit riemen, om daut Christus siene Krauft en mie wonen wudd.