Coração quebrantado
Deus está perto dos que têm o coração quebrantado. A Bíblia consola os aflitos: o sacrifício que Deus aceita é o espírito quebrantado e um coração contrito — jamais desprezará.
ଇଚିହିଁ ଆମ୍ବାଆସି କା଼ଲେଏ ବାସା କିନାସି, ଆମ୍ବାଆରି ଦ଼ରୁ ସୁଦୁ, ଏ଼ କାଜା ପାଡାଆ଼ତି ମାଣ୍ସି ଈ କାତା ଏଲେଇନେସି; "ନା଼ନୁ ଲାକ ଅ଼ଡ଼େ ସୁଦୁ ଟା଼ୟୁତା ବାସା କିଇଁ, ଅ଼ଡ଼େ ତୀର୍ପୁ ଲ଼କୁତି ଜୀୱୁ ଇଞ୍ଜାଁ ଡ଼ୀକିଗାଟି ଲ଼କୁତି ହିୟାଁ ୱେଣ୍ତେ ଜୀୱୁ କିଇଁ ଅ଼ଡ଼େ ଏ଼ୱାରି ତଲେ ବାସା କିଇଁ।
ଇଚିହିଁ ନା଼ କେୟୁ ଈ ବାରେ ରାଚି କିହାମାନେ, ଅ଼ଡ଼େ ଏ଼ଦାଆଁତାକି ଈ ବାରେ ଆ଼ହାମାନେ," ପ୍ରବୁ ଈ କାତା ଏଲେଇଞ୍ଜି ମାନେସି; "ସାମା ଈ ଲ଼କୁ ତାକି, ଇଚିହିଁ, ଏମିନି ଲ଼କୁ ଦୁକୁଗାଟାସି, ଊଣା ମ଼ନ ଅ଼ଡ଼େ ଆମ୍ବାଆସି ନା଼ ବ଼ଲୁତା ତୀର୍ଗିନେସି, ଏ଼ୱାଣାଇଁ ନା଼ନୁ ସିନିକିଇଁ।
ପ୍ରବୁ ମାହାପୂରୁତି ଜୀୱୁ ନା଼ ତା଼ଣା ମାନେ;
ଇଚିହିଁ ସୁଦୁ ସୁୱାଲା ଲ଼କୁ ତା଼ଣା ନେହିଁ କାବ୍ରୁ ୱେ଼କ୍ହାଲି ତାକି ପ୍ରବୁ ନାଙ୍ଗେ ବ଼ର ହୀହାମାଞ୍ଜାନେସି;
ଏ଼ୱାସି ଡୀତି ହିୟାଁଗାଟି ଲ଼କୁ ତା଼ଣା ହିତ୍ଡ଼ି ହୀହାଲି,
ଦସ୍ପି ଆ଼ହାମାନି ଲ଼କୁଣି ଗେଲ୍ପାଲି
ଅ଼ଡ଼େ କାୟିଦିତା ମାନି ଲ଼କୁଣି କାୟିଦିଟି ଗେଲ୍ପିଆ଼ନି କାତା ୱେ଼କ୍ହାଲି;
ପ୍ରବୁତି ଅ଼ପିନି ବାର୍ସା ଅ଼ଡ଼େ ମା଼ ମାହାପୂରୁତି ବାଦୁଲି ଅ଼ନି ଦିନା ୱେ଼କ୍ହାଲି;
ଡ଼ୀହିମାନି ଲ଼କୁଣି ସା଼ସା ହୀହାଲି;
ସିୟନତି ଡ଼ୀହିମାନି ଲ଼କୁ ତା଼ର୍ୟୁଁତି ଦାର୍ମ୍ବୁ ବାଦୁଲି ନେହିଁ ଟ଼ପେରି,
ଦୁକୁତି ବାଦୁଲି ସୁକୁତି ନିୟୁଁ, ନୀରାସା ବାଦୁଲି ରା଼ହାଁତି ହିମ୍ବରି ହୀହାଲି
ଏ଼ୱାସି ନାଙ୍ଗେ ପାଣ୍ତାମାଞ୍ଜାନେସି;
ଏଚେଟିଏ ପ୍ରବୁ ଏ଼ନିକିଁ ଗା଼ୱୁରମି ବେଟାଆ଼ନେସି,
ଈଦାଆଁତାକି ଏ଼ୱାରି ଦାର୍ମୁତି ମା଼ର୍ନୁ ଅ଼ଡ଼େ ତାନି ବା଼ଡ଼ା ଇଞ୍ଜିଁ ୱେ଼ଙ୍ଗିନେରି।
ଆମ୍ବାଆରି ଜୀୱୁତା ଏ଼ନାଆଁ ହିଲାଆ ଗାଟାରାକି ନେହେଁ,
ଏ଼ନିଇଚିହିଁ ଲାକପୂରୁ ରା଼ଜି ଏ଼ୱାରି ୱା଼ଇଁ ।
ଆମ୍ବାଆରି ଦୁକୁତା ଡ଼ୀହିମାନି ଲ଼କୁତାକି ନେହେଁ,
ଏ଼ନାଆଁତାକି ଇଚିହିଁ ମାହାପୂରୁ ଏ଼ୱାରି ଦୁକୁ ଡୂକ୍ନେସି ।
କ଼ପା ହିଲାଆ ଗାଟାରି ନେହେଁ,
ଏ଼ନାଆଁତାକି ଇଚିହିଁ ଦାର୍ତିତା ଏ଼ୱାରି ଅଦିକାରା ଆ଼ନେରି ।
ମାହାପୂରୁ ତା଼ଣାଟି ୱା଼ନି ଦୁକୁ ଗେଲ୍ପାଲିତାକି ମ଼ନ ୱେଟ୍ପି କିୱିକିନେ, ଏ଼ଦାଆଁତାକି ଅଣ୍ପିନାୟି ଲ଼ଡ଼ା ହିଲେଏ; ସାମା ଈ ଦାର୍ତିତି ଦୁକୁ ହା଼ୱିକିନେ । ମେହ୍ଦୁ ମାହାପୂରୁତି ମ଼ନତଲେ ଆମିନି ଦୁକୁ ବେଟାଆ଼ତେରି, ଏ଼ଦି ମୀ ତା଼ଣା ଏଚେକା ରା଼ହାଁଗାଟାୟି, ହାଅ, ମୀ ଦ଼ହ ହିଲାଆଗାଟାଣି ତ଼ସାମାନେ, ହାଅ ଏଚେକା ଅଣ୍ପୁ, ଏଚେକା ଆଜି, ଏଚେକା ମ଼ନ, ଏଚେକା ସେ଼ବା, ଲାଗେଏତାଣି ଡଣ୍ତ ହୀହାଲି ଏଚେକା ଅଣ୍ପୁ, ଏ଼ ବାରେ ତା଼ଣାଟି ମୀରୁ ଅଟ୍ହାତେରି ଇଞ୍ଜିଁ ତ଼ଞ୍ଜା ଆ଼ହିମାଞ୍ଜେରି ।
ଅ଼ଡ଼େ ଏ଼ୱାସି ନାଙ୍ଗେ ଏଲେଇଞ୍ଜାନେସି, "ନା଼ କାର୍ମାମେହ୍ନାୟି ନିଙ୍ଗେତାକି ହା଼ରେପୂରେ," ଇଚିହିଁ ନୀ ବା଼ଡ଼୍ୟୁ ହିଲାଆତା଼ଣା ନା଼ ବା଼ଡ଼୍ୟୁ ହା଼ରେ ଗାଡିଆ଼ହିଁ ତ଼ଞ୍ଜାଆ଼ନେ, ଇଚିହିଁ ଏ଼ନିକିଁ କ୍ରୀସ୍ତତି ବା଼ଡ଼୍ୟୁ ନା଼ ତା଼ଣା ଡ଼ୟିନେ, ଏ଼ଦାଆଁତାକି ନା଼ ବା଼ଡ଼୍ୟୁ ହିଲାଆ ବେ଼ଲାତା ହା଼ରେକା ରା଼ହାଁ ତଲେ ବଡପଣ ତ଼ହ୍ଇଁ ।