18 ናንጊና ናንጋ ጎዳ ዒኖ ሜቂ ማላዞንሢም ዑኬኬ፤

ካራ ባይቂ ማላዞንሢያ ዒ ዓውሳኔ።

17 ፆኦሲም ዒንጊንታ ዒንጊሢ ሜቄ ዒኔኬ፤

ሜቄያና ሂርኪ ጌዔ ዒና ዒዚ ቦሁዋሴ።

3 ዒኔ ሜቂ ዖዬ ዓሶ ዒዚ ዶዲሻኔ፤

ኪፆዋ ኑኡኮ ዒ ፓሣኒ ማራኔ።

26 ታኣኮ ዑፆንታ ዒኖንታ ላባኒ ዳንዳዓኔ፤

ፆኦሲ ጋዓንቴ ዒኖኮ ታኣኮ ዶዱማሢና

ናንጊና ታኣሮ ማሂ ታ ዔኬሢኬ።

15 ዼጌሢና ቢያፓ ባሼ ማዔ ናንጊና ናንጋ ዱማዼሢ ሂዚ ጋዓኔ፦ «ታኣኒ ዱማዼያና ዼጌ ቤዞይዳ፤ ዬያጉዲ ሃሣ ዒና ሜቄዞንሢና ሼሌዔ ዓያና ዓኣዞንሢና ዎላ ናንጋኔ፤ ዬይያ ዔያቶኮ ሼሌዔ ዓያኖና ሜቄ ዒኖዋ ዶዲሻኒኬ።

2 ቢያ ባኮ ማዤሢ ታናኬ፤ ዬያሮ ቢያሢ ታኣሮኬ፤ ታኣኒ ዛጋሢ ዒና ሼሌዔ ማዔ ዓሶና ታኣኮ ቃኣሎዋ ቦንቺ ዒጊጫ ዓሶ ባንሢኬ።»✝

1 ናንጊና ናንጋ ጎዳኮ ዓያና ታኣና ዓኣኔ፤

ማንቆ ዓሶም ኮዦ ሃይሶ ታ ኬኤዛንዳጉዲ

ዒዚ ታና ዶኦሚ ቲሽኬኔ፤

ዒና ሜቄዞሢ ታ ኮኦላንዳጉዲ

ዲዒንቲ ዔውቴ ዓሶም ዓይላታፓ ኬስኪሢ

ቱኡቲ ዓኣ ዓሶም ቡሊንቲሢ

ሃይሴ ታ ኬኤዛንዳጉዲ ዒ ታና ዳኬኔ። ✝

2 ናንጊና ናንጋ ጎዳኮ ማኣሪፆ ሌዖና

ኑ ፆኦዛሢ ኮሞ ኮፃንዳ ኬሎ ዛሎዋ ታ ኬኤዛንዳጉዲ

ዬኤካ ዓሶ ቢያ ታ ዶዲሻንዳጉዲ ✝

3 ፂዮኔይዳ ዖያ ዓሶም ኮይሳ ባኮ ዒንጋንዳጉዲ

ዲቢንፆ ቤዛ ሚዛጶ ቶኦካ ዓጎ ባኮ ታ ዔያቶም ዓጋንዳጉዲ

ዬኤፖ ቤዛ ዎዛሳ ዛይቶ ቲዦ ዔያቶ ቶኦካ ታ ዋሃንዳጉዲ

ዖያ ዓያኖ ቤዛ ጋላታ ዓይኑሞ ታ ዒንጋንዳጉዲ ዒዚ ታና ዳኬኔ።

ዔያታ ዒዛኮ ቦንቾ ፔጋሳያ ማዓንዳጉዲ

«ናንጊና ናንጋ ጎዳ ቱኬ ፂሎ ሻኣቢ» ዔያታ ጌይንታንዳኔ።

3 «ፆኦሲዳ ጉሙርቂፆ ጌሢ ፔና ሂርኪዳዞንሢ

ፆኦሲ ካኣቱማ ዔያቶም ማዔሢሮ ዓንጂንቴያኬ።

4 ዖያዞንሢ

ፆኦሲ ዔያቶም ዶዱሞ ዒንጋንዳሢሮ ዓንጂንቴያኬ። ✝

5 ዒኖ ሼሌዔዞንሢ

ዓጮ ዔያታ ዔካንዳሢሮ ዓንጂንቴያኬ። ✝

10 ፆኦሲ ማሊሢጉዴያ ማዔ ዖዪሢ፦ ዻቂንታ ባንሢ ዔኪ ሙካ፥ ጎሜ ቡኡፂም ጊኢጊሻሢሮ «ዓይጋ ዬይ ማዔይ» ጌይሳያቱዋሴ። ሃያ ዓጮ ዛሎና ሙካ ዖዪሢ ጋዓንቴ ሃይቢ ዔኪ ሙካኔ። 11 ዬይ ፆኦሲ ማሊፆ ጉዴያ ማዔ ዖዪፃ ዶዲ ዒንሢ ማላንዳጉዲና ዻቢንቲባኣያ፥ ጌኤሺ ዒንሢ ማዔሢ ዔርዛንዳጉዲ ዒንሢ ማሄኔ፤ ዬያጉዲ ሃሣ ጎሜ ማዔ ባኣዚ ዒንሢ ዒፃያ ማዓንዳጉዲ፥ ታ ዞሮ ዒንሢ ዒጊጪ ዔካንዳጉዲ፥ ታና ዒንሢ ጶቂሣንዳጉዲ፥ ዓያና ዓኣ ማሊሢና ፒዜ ዒንሢ ዎጋንዳጉዲና ዻቢንቴሢያ ዒንሢ ጎራንዳጉዲ ዒንሢ ማሄኔ። ዬያ ባኮ ቢያና ዒንሢ ጌኤሺ ማዔሢ ዒንሢ ዔርዜኔ።

9 ጋዓንቴ ዒዚ፦ «ታኣኮ ዎልቃ ጴዻሢ ኔኤኒ ላቢንቴ ዎዶና ማዔሢሮ ታ ዒንጌ ኮዦ ዒንጊፃ ኔኤም ጊዳንዳኔ» ታኣም ጌዔኔ፤ ዬያሮ ኪሪስቶሴኮ ዎልቃ ታጊዳ ማዓንዳጉዲ ዑሣ ዓኣዼ ታ ዎዛዺ ዎዛዺ ታ ላቢፆና ታ ሄርሺንታኒ ኮዓኔ።