18 Ntangu bantu ya kudedama ke lookaka,

Yave ke kuwaka bawu.

Yandi ke katulaka bawu na kati ya bampasi nyonso ya bawu.

17 Mfumu fungula bikoba ya munu,

mpe yinwa ya munu ke yimbidila nge mikunga ya nzitusu.

3 Yandi ke belusaka bantima ya bantu yina kele na mpasi

mpe yandi ke nyakisaka bamputa ya bawu.

26 Nzutu ya munu mpe ntima ya munu lenda kulemba,

Kasi Nzambi kele ngolo ya munu,

mvwilu ya munu ya bantangu nyonso.

15 Yave Nzambi ya kulutila Kuzangama,

yandi ke zingaka ya mankululu, Nkumbu ya yandi kele ya longo mpe yandi ke na kutuba:

Mu ke zingaka na kisika ya kulutila kuzangama mpe ya longo,

kasi mu ke vwandaka mpe na muntu yina ke na mpasi na ntima mpe ke na ntima ya kukuluka,

samu na kuvutula mvingu na mwela ya muntu yina ke na ntima ya kukuluka,

mpe kupesa ngolo na muntu yina ke na mpasi na ntima✝.

2 Bima nyonso yina, ni maboko ya munu yidikaka yawu,

ni yawu yina, yawu ke na kuzinga, Yave ke na kutuba✝:

Tala muntu yina ke yangidikaka munu:

Ni mputu, muntu ya mpasi yina kele na mpeve ya kukuluka,

yina ke tekitaka na mantwala ya mambu ya munu.

1 Mpeve ya Yave Mfumu kele na zulu ya munu✝,

Yave me soola munu,

yandi me fidisa munu samu na kunata Nsangu ya Mbote na bamputu,

yandi me fidisa munu na kuzabisa nsangu ya kimpwanza na bankole,

samu na kunyakisa bayina bantima me lwala,

samu na kusamuna kimpwanza na bankole,

mpe samu na kupesa kimpwanza na bayina kele ya kukangama na bampanga,

2 samu na kuzabisa mvula yina Yave ke lakisa bumbote ya yandi,

samu na kuzabisa kilumbu yina Nzambi ya beto ke futisa bambeni ya yandi yimbi ya bawu,

samu na kukindisa bayina ke na bufwidi,

3 samu na kusadisa bantu ya Siyone yina ke na kati ya kifwidi,

na kutula bawu kidimbu ya nkembo na yintu kasi bombi ve,

samu na kupakula bawu mafuta ya kyese na kisika ya bufwidi,

samu na kulwatisa bawu kinkuti ya nzitusu na kisika ya mpeve ya kondwa kivuvu,

samu ti ba bokila bawu «Telebinte ya ludedomo», «Bilanga ya Yave», samu na kulakisa nkembo ya yandi.

3 Kyese na bayina zaba ti bawu kele bamputu na kimpeve,

samu ti Kimfumu ya Mazulu kele ya bawu!

4 Kyese na bayina ke na kudila,

samu ti Nzambi ke bomba bawu!

5 Kyese na bayina kele ya kulembama,

samu ti bawu ke kuzwa yinsi yina Nzambi pesaka nsilulu!

10 Kyadi yina ke katukaka na Nzambi ke nataka muntu na kuviluka mpe kuzwa mpulusu. Yawu ke bikaka ve manyongo na muntu. Kasi kyadi yina kele na muntu samu na yinza yayi, ke nataka na lufwa. 11 Ntangu Nzambi salaka ti beno tala kyadi, kyadi yango pesaka beno mambu yayi ya mbote: kukuma na ngolo ya kusala bisalu, kulomba mulemvo, kundima ve mambu, kuvwanda na boma, kuvwanda na nsatu ya kutala munu, kuvwanda na nsatu ya kulutila na kubongisa mambu, mpe kusemba mambu ya yimbi. Beno me lakisa na konso mutindu ti beno me zaba mambu ve na kati ya dyambu yina.

9 Kasi yandi zabisaka munu: «Bumbote ya munu me lunga na nge. Lulendo ya munu ke talanaka ya kulutila na kati ya nge ntangu nge ke vwandaka ve na ngolo.» Na yina, mu ke lutila na kusala mayama ntangu mu ke vwandaka na ngolo ve, samu ti lulendo ya Klisto vwanda na munu.