18 Duol ang Ginoo sa mga napakyas,

ug luwason niya ang mga nawad-an ug paglaom.

17 Ang halad nga makahatag ug kalipay kanimo, O Dios,

mao ang kinabuhi nga mapainubsanon ug mahinulsulon sa iyang mga sala.

Kining matanga sa halad dili mo isalikway.

3 Gilipay niya ang nagmasulob-on;

ug giayo ang ilang mga samad.

26 Magmaluya man ang akong lawas ug huna-huna,

apan ikaw gihapon, O Dios, mao ang akong kusog.

Ikaw lang gayod

ang akong gikinahanglan hangtod sa kahangtoran.

15 Mao usab kini ang giingon sa Labing Halangdong Dios,

ang Balaang Dios nga nagkinabuhi sa walay kataposan,

"Nagpuyo ako sa habog ug balaang dapit.

Apan nagpuyo usab ako uban sa mga tawo nga mapainubsanon

ug mahinulsulon aron mapalig-on ko sila.

2 Dili ba ako man ang naghimo sa tanang mga butang?

Gihatagan kog pagtagad ang mga tawo nga mapainubsanon,

mahinulsulon, ug adunay dakong pagtahod sa akong pulong.

1 Ang Espiritu sa Ginoong Dios ania kanako.

Kay gipili niya ako nga mowali sa maayong balita ngadto sa mga kabos.

Gipadala niya ako aron sa paglipay sa mga nagmasulob-on

ug sa pagmantala ngadto sa mga binihag nga aduna na silay kagawasan.

2,3 Gipadala usab niya ako aron sa pagmantala nga miabot

na ang panahon nga luwason sa Ginoo ang iyang katawhan,

ug silotan ang ilang mga kaaway.

Gipadala usab niya ako aron sa paglipay sa mga nagsubo sa Jerusalem,*

aron imbis nga abo ang ibutang nila sa ilang ulo sa pagpaila nga nagsubo sila,

korona nga bulak ang ilang ibutang,

ug haplasan nilag lana ang ilang ulo sa pagpaila nga malipayon sila.

Imbis nga maguol, magdayeg sila.

Mahisama sila sa lig-on nga kahoyng terebinto nga gitanom sa Ginoo.

Tawgon silang mga matarong alang sa kadungganan sa Ginoo.

3 "Bulahan ang mga tawo nga nag-ila

nga nagkulang sila sa Dios,

kay sakop sila sa gingharian sa Langit.

4 Bulahan ang mga nagmasulob-on,

kay lipayon sila sa Dios.

5 Bulahan ang mga mapainubsanon*

kay mahimong ila ang kalibotan.

10 Kay ang kasub-anan nga sumala sa kabubut-on sa Dios naghatod sa tawo ngadto sa paghinulsol ug kana nagresulta sa kaluwasan. Ug kini dili angay nga basolan. Apan ang kasubo sa mga tawo nga wala moila sa Dios nagdala kanila ngadto sa kamatayon. 11 Tan-awa ninyo ang resulta niadtong kasubo nga miabot kaninyo sumala sa kabubut-on sa Dios. Nahimo kamong desidido sa pagpakita kanamo nga hinlo kamo gikan niadtong sala nga akong giingon kaninyo. Nasuko gayod kamo sa nakabuhat niadto nga sala, ug nahadlok kamo kon unsa ang mahimong sangpotanan niadto. Gusto gayod ninyo nga mobalik pag-usab ang atong daan nga relasyon. Gisilotan pa gayod ninyo ang nakahimo niadto. Ug sa tanang butang gipakita ninyo nga kamo wala gayoy tulubagon niadto nga sala.

9 Apan wala niya kuhaa. Hinuon miingon siya, "Ang akong grasya mao lang ang imong gikinahanglan. Kay makita gayod ang akong gahom diha sa imong kaluyahon." Busa malipayon gayod ako sa pagpasigarbo bahin sa akong mga kaluyahon, aron bation ko kanunay ang gahom ni Cristo kanako.