Coração quebrantado
Deus está perto dos que têm o coração quebrantado. A Bíblia consola os aflitos: o sacrifício que Deus aceita é o espírito quebrantado e um coração contrito — jamais desprezará.
UThixo useduze labo abalezinhliziyo ezephukileyo
asindise labo abadabukileyo emoyeni.
Imihlatshelo kaNkulunkulu iyinhliziyo edabukileyo;
inhliziyo edabukileyo, ezisolayo,
awu Nkulunkulu, kawuyikuyilahla.
Uyabathoba abadabukileyo enhliziyweni
abophe amanxeba abo.
Inyama yami lenhliziyo yami kungehluleka
kodwa uNkulunkulu ungamandla enhliziyo yami,
uyisabelo sami laphakade.
Ngoba ophakemeyo ongaPhezulu,
yena ophila kokuphela, obizo lakhe lingcwele uthi:
"Ngihlala endaweni ephakemeyo lengcwele,
kodwa laye ozisolayo lothobekileyo emoyeni,
ukuba kuvuselelwe umoya wabathobekileyo,
kuvuselelwe lezinhliziyo zabazisolayo.
Isandla sami kasizenzanga zonke lezizinto
ukuze zibe khona na?"
kutsho uThixo.
"Engimbukayo ngulo:
lowo othobekileyo ozisolayo emoyeni,
olesabayo ilizwi lami.
Umoya kaThixo Wobukhosi uphezu kwami,
ngoba uThixo ungigcobile
ukuba ngitshumayele izindaba ezinhle kwabampofu.
Ungithumile ukuba ngibophe inhliziyo ezidabukileyo,
ngimemezele ukukhululwa kwabathunjiweyo,
lokukhululwa kwezibotshwa emnyameni,
lokumemezela umnyaka womusa kaThixo,
losuku lokuphindisela kukaNkulunkulu wethu;
ukududuza abalilayo,
lokunakekela labo abadabukileyo eZiyoni,
ukubapha umqhele wobuhle
esikhundleni somlotha,
amafutha okujabula
esikhundleni sokulila,
lengubo yokudumisa
esikhundleni somoya wokulahla ithemba.
Bazabizwa ngokuthi yimʼokhi yokulunga,
ehlanyelwe nguThixo
ukuba abonakalise inkazimulo yakhe.
"Babusisiwe abampofu emoyeni
ngoba umbuso wezulu ungowabo.
Babusisiwe labo abakhalayo
ngoba bazakududuzwa.
Babusisiwe abathobekileyo
ngoba bazakuba zindlalifa zomhlaba.
Usizi lokwesaba uNkulunkulu luletha ukuphenduka okuholela ekusindisweni kungatshiyi nsolo, kodwa usizi lwasemhlabeni luletha ukufa. Khangelani ukuba usizi lokwesaba uNkulunkulu lolu selufezeni kini: ukutshisekela okungaka, lokufisa okungaka ukuba lizigeze, lentukuthelo engaka, lokwethuka okungaka ekuboneni ukulunga kusenziwa. Kukho konke libonakalise ukuthi lina limsulwa kule indaba.
Kodwa yathi kimi, "Umusa wami ukwanele ngoba amandla ami apheleliswa ebuthakathakeni." Ngakho ngizazincoma kakhulu-ke ngokuthokoza ngobuthakathaka bami, ukuze amandla kaKhristu ahlale phezu kwami.