Coração quebrantado
Deus está perto dos que têm o coração quebrantado. A Bíblia consola os aflitos: o sacrifício que Deus aceita é o espírito quebrantado e um coração contrito — jamais desprezará.
Jehova Nyasaye chiegni gi joma chunygi otur
kendo oreso joma chunygi muol.
Misango mar Nyasaye en chuny motur,
chuny motur kendo mamuol,
ok itamri, yaye Nyasaye.
Ochango joma chunygi tuo
kendo othiedho adhondegi.
Ringra gi chunya nyalo doko manyap,
to Nyasaye ema miyo chunya teko,
kendo en e girkeni mara nyaka chiengʼ.
Nimar ma e gima Jal Man Malo Moloyo
ma en Jal modak nyaka chiengʼ,
ma nyinge ler wacho,
"Adak kama ler man malo,
kaachiel gi ngʼat mofwenyo richone
kendo man-gi chuny mobolore,
mondo aduog chuny ngʼat moboloreno
kendo ajiw chuny ngʼat mofwenyo richone.
Donge lweta ema osechweyo gigi
duto momiyo gibedo mangima?"
Jehova Nyasaye ema owacho.
"Ma e ngʼat ma ayiego ma en ngʼat ma hore
kendo man-gi chuny motur,
kendo ngʼama oluoro wachna.
Roho mar Jehova Nyasaye Manyalo Gik Moko Duto ni kuoma,
nikech Jehova Nyasaye osewira,
mondo aland wach maber ne joma odhier.
Oseora mondo akwe chuny jok modakie lit,
kendo mondo aland ne joma otwe ni gin thuolo,
bende mondo ahul ne joma otwe modakie mudho ni koro osegonygi.
Bende oseora mondo aland ni ma e higa mar ngʼwono mar Jehova Nyasaye,
kendo chiengʼ ma Nyasachwa biro chuloe kuor,
kohoyo ji duto manie kuyo,
abiro konyo jogo man-gi lit Sayun,
kendo gik mabiro miyogi e magi:
ketonegi maua mabeyo kar buru magi bukorego,
kendo mor kar lit ma gin-go,
kendo chiwo lewni mag pak kar chuny mool.
Enoluong-gi ni yiend ober mag tim makare,
mopidh gi Jehova Nyasaye,
konyiso godo duongʼne.
"Joma odhier gie chunygi gin joma ogwedhi,
nimar pinyruodh polo en margi.
Joma ywak gin joma ogwedhi,
nimar ibiro hoyogi.
Joma muol gin joma ogwedhi
nimar piny nobed girkeni margi.
Kuyo ma ngʼato bedogo e yo ma Nyasaye dwaro kelone lokruok mar weyo richo kod warruok maonge ywago angʼe, to kuyo mar piny kelone mana tho. Neuru gima kit kuyo mar Nyasaye osenyago e ngimau: osemiyo udoko joma otangʼ mak badhre ni loso weche manie dieru. Koro usin gi timbe mamono; uluoro donjo e richo; uhera kendo ugombo mondo amed konyou e wachno kendo uikoru kumo joma oketho. Koro usepwodhoru udoko maler e wach mane otimore e dieru.
to ne odwoka niya, "Ngʼwonona mamiyi oromi, nikech kama nyawo nitie ema tekona tiyoe moloyo." Emomiyo, abiro medo pakora gi ilo kuom nyawona, eka teko mar Kristo osik kuoma.