Coração quebrantado
Deus está perto dos que têm o coração quebrantado. A Bíblia consola os aflitos: o sacrifício que Deus aceita é o espírito quebrantado e um coração contrito — jamais desprezará.
यहोवा ह टूटे मनवाला के लकठा म रहिथे
अऊ ओमन के उद्धार करथे, जऊन मन आतमा म बहुंत दुखी होथें।
टूटे मन ह परमेसर बर योग्य बलिदान ए;
एक टूटे अऊ पछतापी मन
हे परमेसर, तेंह येला तुछ नइं समझस।
ओह निरास-हतास मनखेमन के दुख ला दूर करथे
अऊ ओमन के घाव म पट्टी बांधथे।
मोर मांस अऊ मोर हिरदय असफल हो सकथें,
पर परमेसर ह हमेसा बर
मोर हिरदय के बल अऊ मोर भाग ए।
काबरकि ऊंच अऊ उठाय गय परमेसर ह ये कहत हे—
ओ जऊन ह सदा जीयत हे, जेकर नांव पबितर ए:
"मेंह एक ऊंच अऊ पबितर स्थान म रहिथंव,
पर ओकर संग घलो रहिथंव, जऊन ह टूटे मन के अऊ आतमा म नम्र ए,
कि नम्र मन के आतमा
अऊ टूटे मन वाले के हिरदय ला खुस करंव।
का ये जम्मो चीज ला मोर हांथ ह नइं बनाय हे,
अऊ ये किसम ले येमन आकार लीन?"
यहोवा ह घोसना करत हे।
"येमन ऊपर मोर दया-दिरिस्टी रहिथे:
जऊन मन नम्र अऊ पछतापी मन के होथें,
अऊ जेमन मोर बचन सुनके कांपथें।
यहोवा के किरपा के बछर
परमपरधान यहोवा के आतमा मोर ऊपर हवय,
काबरकि यहोवा ह गरीबमन ला
सुघर संदेस के परचार करे बर मोर अभिसेक करे हवय।
ओह मोला एकर बर पठोय हवय कि दुखित मनखेमन ला सांति दंव,
बंधुवा मनखेमन के सुतंतरता के
अऊ कैदीमन ला अंधियार ले छुटकारा के परचार करंव,
यहोवा के किरपा-दिरिस्टी के बछर के
अऊ हमर परमेसर के पलटा लेय के दिन के परचार करंव,
जम्मो सोक करइयामन ला सांति दंव,
अऊ सियोन म दुखित मनखेमन के जरूरत ला पूरा करंव—
राख के बदले ओमन ला
सुघरता के मुकुट पहिरावंव,
सोक के बदले
आनंद के तेल चुपरंव,
अऊ उदासी के आतमा के बदले
परसंसा के ओढ़ना ओढ़ावंव।
ओमन ला यहोवा के लगाय
धरमीपन के बलूत रूख कहे जाही
अऊ येकर ले यहोवा के महिमा परगट होही।
"धइन अंय ओमन, जऊन मन आतमा म दीन अंय,
काबरकि स्वरग के राज ओमन के अय।
धइन अंय ओमन, जऊन मन सोक करथें,
काबरकि ओमन ला सांति दिये जाही।
धइन अंय ओमन, जऊन मन नरम सुभाव के अंय,
काबरकि ओमन धरती के उत्तराधिकारी होहीं।
काबरकि परमेसर के ईछा के मुताबिक दुख सहे ले पछतावा होथे, जेकर ले उद्धार मिलथे अऊ एकर ले दुख नइं होवय, पर संसारिक दुख ह मिरतू लाथे। देखव, ये दुख, जऊन ह तुमन ला परमेसर के ईछा के मुताबिक मिलिस, तुमन म कतेक उत्सुकता अऊ अपनआप ला निरदोस साबित करे बर उत्साह, कोरोध, भय, लालसा, बियाकुलता अऊ नियाय देवाय बर तत्परता लानिस। हर किसम ले तुमन अपनआप ला ये बात म निरदोस साबित करे हवव।
पर ओह मोला कहिस, "मोर अनुग्रह ह तोर बर बहुंते ए, काबरकि मोर सामर्थ ह दुरबलता म सिद्ध होथे।" एकरसेति खुसी ले, मेंह अपन दुरबलता के ऊपर अऊ घमंड करहूं, ताकि मसीह के सामर्थ ह मोर ऊपर बने रहय।
Este artigo te tocou? Faça uma oração!
+581 estão orando agora.
Junte-se à corrente de oração.