Coragem
A coragem cristã não é ausência de medo — é confiança em Deus maior que todo temor. Sê forte e corajoso! é o chamado repetido do Senhor aos seus filhos.
Sê forte e corajoso
O Senhor é a minha luz e a minha salvação — de quem terei medo? Com coragem enfrentamos o mundo, porque Deus está conosco.
Coragem em Cristo
Não vos deu Deus espírito de covardia. Sede fortes na fé! O perfeito amor lança fora todo medo.
Te, ene God kogonmo eratnga i, kudugl goglkro! I siragl pre God ye Murubuglomo norukwa suna moglkwa i, nono kudugl goraiglmedi erekrukwa. Ye erukwa i, yobuglo norsre, nono deno muduno ikne ikne tenaiglmedi ersre, nomane wakai norukwa.
Te, ene God kogonmo eratnga i, kudugl goglkro! I siragl pre God ye Murubuglomo norukwa suna moglkwa i, nono kudugl goraiglmedi erekrukwa. Ye erukwa i, yobuglo norsre, nono deno muduno ikne ikne tenaiglmedi ersre, nomane wakai norukwa.
Ana ene ege ege kan kun ere moglsre, pre mediglkwa ake gi di molo. Te, ene ege ege kudugl goglkre, adigl gigledi molo.
Ana ene ege ege kan kun ere moglsre, pre mediglkwa ake gi di molo. Te, ene ege ege kudugl goglkre, adigl gigledi molo.
Ana deno muduno tomga mabuno i nono munara kau sugwa igne, kudugl gunga mabuno i si meda edugwa. Yegl pre nono deno muduno yoba ta tomin, kudugl goglkramga. I siragl pre kudugl gunga i, God no sinabedi prisre, kudugl gunga. Te, nono kudugl ta gun, God dem muduo podo norukwa i, nono munara kau sikrukwa.
Te, ene erme meglkwa i, yoba ene kudano ikne mere yegl moraiglkwa i, ene kuduglno kaima ta goglkrio! Ene kuduglno goglkre, adigl gigledi meglbi, ye kandre, nomane ta inaiglkwa i, God yene ere mogl, yoba i ere idre, no ere kide ere norabuka pamiwedi, yegl pre kan eraiglkwa.
Na ege ege pra iedi prisre, gun yei pai moraglka i, siragl pre Krais yene yobuglo bogl narukwa pre na ege ege yegl eraglka i, kuno erukwa.
God Murubuglo nono munara ugwa i, nono ere i God gagiglma edenagledi ugwa. Nono erme God gagiglma mogl kodumga pre ye nono aglke kor kane pai, kudugl goraiglmedi prikrukwa. Te, nono God gagiglma munga i pre nono erme God agle didre, Nina yo! we dumga i, kuno erukwa.
Não temas
Não temas, porque Eu sou contigo. Quando tiver medo, em ti confiarei. Deus é nosso escudo e fortaleza.
Conforto e encorajamento
O Deus de toda consolação nos consola em todas as tribulações. Coragem não falta a quem descansa em Deus.
Nono Yaglno Kade Jisas Krais Nem yagl wakai kaima moglkwa. Ana nono ye kagie kade tenamga i, siragl pre ye nono Neno mogl, Godno moglsre, nono ege ege mitno gogl noro, deno muduno si gigle di norukwa. Nono yubun imga igne God ege ege deno muduno si gigle di norukwa i, nono yoba pere yubun kane kane ta inaiglkwa i, ama ake ple di tenaiglmedi pre erukwa. God ye nono deno muduno siragl mere si gigle di norukwa i nono kandre, yobamo i ama kuno yegl mere deno muduno si gigle di tenamga pre erukwa.
Krais wakai yene mogl, God abuglagemo i nogugl edugwa pre kan erumga i, taragl podo kaima ta paugwa. Paugwa ba God ere mogl, makan koglwa sin mina atne edugwa mere yegl paugwa. I siragl pre ye abuglagemo taragl podo paugo, nono makadigle yoba munga i, no taragl yoko munga. Ba God ye abuglagemo munara atne edugwa i, mem ta paugwa. Jisas kamo dumga igne, ye yobuglomo podo kide pamedi kanaiglkwa i, yoba yobro mina ukrumedi kandre, God yene yobuglomo mina umedi kanaiglkwa pre erukwa.
No yubun kane kane yumga ba yubun kane kane i, no si atne edekrikwa. Te, ege tau mere nomano mina kinano gudu prumga ba no nomano u kide pikrukwa. Yoba ege mere no ere kide ere norikwa ba God moko norokrukwa. Te, taragl kane kane no si atne edinamnedi erikwa ba no u kide pikrumga. Jisas yubun idre, goglmere mere yegl, no ogono nagino mina yubun idre, goramnedi ere munga mere yegl paugwa. Ba taragl kane kane yegl plau dugwa i, Jisas yene no ogono nagino mina atne kor moluwedi, i nogugl edenan, yoba kanaiglkwa pre plau dugwa.
No kor moglsre, Jisas kogonmo ere wan munga i pre yoba ege ege no si goramnedi eriko, no ege mere gunga baka dugwa. Ba God taragl yegl mere plau dinabedi kanige erukwa i, Jisas no munara atne kor moglkwa i, i nogugl edenan, yoba kanaiglmedi prukwa. Kaima no ogono nagino i, gorabuka yogwa ba Jisas yene ogono nagino mina atne moglkwa i, yoba kanaiglkwa paugwa.
Ene mogl pai eraiglmara mige moni bubuno goglkrio. Ene taragl ta kan neigwa i, i pra kan nomnedi prio. I siragl pre God yene dra mina didre, Na ka kaima ene kide kodokre, na mokona ene ka kaima ta tekraluwe dugwa. Yegl pre God nono suglno moglmedi pre gi didre, yegl dinamga paugwa,
Yagl Kade na ake ple di nare moglkwa
pre na kudugl ta goglkraglka.
Yoba ta na ere kide ere naraiglkwa i,
kuno ta erekrumiwe
di, yegl dinamga.
Ana ene mabuno wakai keme eramnedi kogon podo eribi, yoba ta ene ere kide ere tenaiglmo? Ta ere tekraiglkwa. Ba aglau eran, ene mabuno wakai eraiglmara i pre yubun ibi, God ene ama ere wakai ere tenabuka. Yoba ta ene kudugl goraiglmedi eribi, ene kudugl goglkre, nomane sikrio.
Na ene deno muduno wida dinabedi ersre, ene kodinaglka. Te, na ene deno muduno wida dinabedi tenaglka i, makandigle yoba swara ta tekrimere ene deno muduno wida dinabedi tenaglka. Yegl pre ene deno muduno mina pre yubun dedre, kudugl goglkrio dugwa.
Ede okna enagledi erukwa ba ye duglo beglkwa yagl mudu kandre, kudugl podo gogl, grigle di, Yoba goglkwa ta kiamo umiwe digwa. Yegl digwa ba Jisas oglade yegl di togwa, Ene kiede mogl, kudugl goglkrio! Na wiwe dugwa.