Corpo de Cristo
A Igreja é o Corpo de Cristo — organismo vivo onde cada membro tem função única e indispensável. Cristo é a cabeça; nós somos seus membros.
Um corpo, muitos membros
Assim como o corpo é um e tem muitos membros, assim é Cristo. Nós somos o corpo de Cristo e individualmente seus membros.
Nono ogono nagino siragl mere paugwa i, ene kanigwa. Nono ogono nagino swara paugwa ba ogono nagino swara i mina gumuglno paugo, gumano drano paugo, ogono kaglno ya ki paugo, pere pere paigwa. Ba ogono nagino u swara pi, swara paimere kuno yegl mere, nono Krais yobama munga i, swara kaima munga.
Ana na ogono nagino pre diga i, yegl pre diga, yoba ogo nagie mina gumuglo paugo, guma dra paugo, ogo kagle paugo, pere pere paigwa ba ye u swara pi, ogo nagie swara pamere kuno yegl, God ene kogon te pere pere edugwa, ba ene mudu u swara pi, Krais ogo nagie mere yegl meglkwa.
Ana ene prio. God ye nono Krais bogl ere i swara ede kodugwa pre nono ogono nagino i, Krais ogo nagie mere yegl paugwa. Yegl pre nono Krais ogo nagie i pi, konbauna abu bogl i swara edinamno? Ka kaima nono yegl eramga i kuno erekrukwa.
Nono Jisas yugobunomo mina munga i, yoba swara mogl, kuno keme munga. Nono ogono nagino kunga i, ene kanio! Yoba ogo nagie swara paugwa ba ogo nagie swara i mina gumuglo paugo, guma dra paugo, ogo kagle pere pere paigwa i, ye ama kogono pere pere paugwa. Kuno yegl mere nono mudu Krais yugobunomo mina munga i, kogono pere pere paugwa ba nono ye ogo nagie swara mere yegl munga pre nono swara kaima munga.
Ana nono yugobuno swara kaima mungo, God Murubuglo nono munara suna moglkwa i, ama swara moglkwa. Te, God nono ye gagiglma moraiglmedi agle didre, nono okuo wakai kaima moraiglme dugwa i, nono mudu akie yegl moramnedi kie ere munga.
Jisas nono bitno moglko, nono ye ogo nagie mere yegl munga. Ana nono ogono nagino siragl mere kunga i kamga. Ogono ya kaglno ya gogono ya yobuglno u swara kaima pi, ogono gagno swara paugwa. Te, ogono kaglno ya deno muduno, ogono gagno mudu wakai paugo, wakai munga ba deno muduno mo ki ta kide erukwa igne, wakai ta moglkrumga. Kuno yegl mere Jisas ye nono yobuglo bogl noran, nono mudu deno muduno ikne ikne tedre, kogono pere pere siragl mere ta norabere i eun, nono mudu yake ede pi yobuglo idre, wakai moramga.
Cristo, a cabeça
Ele é a cabeça do corpo, que é a igreja. O corpo cresce e se edifica em amor quando cada parte faz o seu trabalho.
Te, Krais ede okna pidre, ye yugobunomo bitno moglko, nono ye ogo nagie mere yegl munga. Te, Krais taragl mudu kaima bitno morabuka pre ye komono kana goglsre, adigl u kor ogwa.
Pol God yobama ake ple di tenagledi kogon erie dugwa
Ana erme ene pre yubun tau iga i, na gun yeiga. Ene Krais yugobunomo Krais ogo nagie meglko, na ene pre ogona nagna mina yubun i moglka. Te, ibun iga igne, Krais okna yubun mere yumara tau ama i tebe edugwa mere yegl paugwa.
Ene nomano ya deno muduno bogl mudu Krais sugl morabedi teo. Tebi, Krais deno muduno wida di padigl tenabuka. Ene God ogo nagie swara meglkwa i, mem swara i pre ene agle dugwa. Te, ene ege ege God di wakai yei te pai molo.
I siragl pre yoba yene ogono nagino ere kide erekrikwa. Ta manugwa. Ye ogono nagino ere wakai ere, kaya mokna tedre, yegl erikwa. Kuno yegl mere ene ebinoma ere wakai ere teo.
Ana yoba yene ogono nagino ere wakai erimere kuno yegl mere God Kere Yugwa Yagl yugobunomo mina munga i, nono ye ogo nagie mere yegl munga pre ye nono ama yegl mere ere wakai ere noro moglkwa.