Corpo é o templo de Deus
O corpo do cristão é templo de Deus. Ele habita em nós pelo Espírito Santo, fazendo do crente morada viva e sagrada do Altíssimo.
Templo do Deus vivo
Vós sois o templo do Deus vivo. Deus disse: habitarei neles e entre eles andarei. O criador mora em sua criação redimida.
Dachi, nkámaite kuva mwenu nni Ing’ande ya Nnungu, na kuva Umumu wa Nnungu àikala nkati mwenu? Bahi munu akàyondonganga Ing’ande ya Nnungu, Nnungu nanang’e àmbemwondonganga munu aneyo, kwa kuva, Ing’ande ya Nnungu nni yanaswe, na ing’ande aneyo nni mwenu mmene.
Dachi, mukákameke kuva miili yenu nni ing’ande ya Umumu Wanaswe aikâla nkati mwenu umumpwechedile kuhaloka kwa Nnungu? Bahi mwenu mukee mali yenu mmene. Kwa kuva, mùkombolewije kwa galama ing’ulungwa namene. Bahi vino, itumile miili yenu kwa kuntumbyanga Nnungu.
Dachi, pàvele na mapatano ntwani kati ya Ing’ande ya Nnungu na disanamu? Kwa kuva, hwetu nni Ing’ande ya Nnungu avêle na umi, malinga Nnungu mwene chahawile kuva,
"Nìmbeikala pamo navanang’o,
na kwonga pamo navanang’o.
Nìmbekuva Nnungu wavo,
navanang’o vàmbekuva vanu vangu."
Bahi hambi, mwenu mmanu mukávele Mmayahudi, mwenu mukávele mmayeni kavila na wala mukávele mmamidi kwanga Nnungu. Henga hambi mwenu nni laiya pamo na vanu va Nnungu, na mùjukile mmalangavake Nnungu. Uchocho mwenu mùvele muchi ing’ande idengwîjwe munsingi udengwîjwe na mitume na manabii. Na Yesu Kilisto mwene njo liyanga likulu lya paindumba ya ing’ande aneyo. Kwa kulundanywa kwetu na Yesu, ing’ande yammalele ìnalundanywa saana na kuyenjejeka mpaka kuhwikila kuva Ing’ande yanaswe yanga Nnungu, kwajili ya Nang’olo. Kwa kulundanywa na Kilisto, uchocho na mwenu mmanu mukávele Mmayahudi, mùnalundanywa na vakulupîla vammalele kuva kaya yaikala Nnungu kwa indila ya Umumu Wanaswe.
Kwa kuva, kila ing’ande ìdengwa na munu, henga Nnungu njo adênga kila chinu. Adênga ing’ande ànalembelewa kupata eshima ing’ulu kupunda ing’ande yene. Uchocho, Yesu ànalembelewa kupata eshima ing’ulu namene kumpunda Musa. Musa ávele chihi ntumishi muing’ande yammalele ya Nnungu na ánakulupika mwalehu. Na utumishi wake wávele nfano wa uhiu wambeuhunukula Nnungu lukoto. Henga Kilisto ànakulupika, na njo Mwana aimilîla ing’ande yanga Nnungu. Na hwetu njo ing’ande aneyo, ikàva tukáyopa kuhweneha kuhwinga muing’ulupa na kuhweneha kulisingila lilolelo lituvenalyo.
Musa ávele chihi ntumishi muing’ande yammalele ya Nnungu na ánakulupika mwalehu. Na utumishi wake wávele nfano wa uhiu wambeuhunukula Nnungu lukoto. Henga Kilisto ànakulupika, na njo Mwana aimilîla ing’ande yanga Nnungu. Na hwetu njo ing’ande aneyo, ikàva tukáyopa kuhweneha kuhwinga muing’ulupa na kuhweneha kulisingila lilolelo lituvenalyo.
Cristo em nós
Já não sou eu quem vive, mas Cristo vive em mim. A presença de Deus no crente é privilégio e responsabilidade sagrada.
Nangu ǹnihwa pamo na Kilisto munsalaba, na hambi akee nangu ngulâma, ila nni Kilisto aikâla nkati mwangu. Nangu ngùikala chihi kwa kunkulupila Mwana wanga Nnungu angutamwîje na kuuhumya umi wake kwajili yangu.
Yesu nkunnyang’ula kuchidoni, "Munu akàngutamwa nangu achialakamule mahundo langu, na Atatangu achiantamwe munu aneyo, na hwetu tuchituide kwanga nang’e na kwikala nawe.
Tunnyengelekele Nnungu
Bahi mmakukulupila avangu, hwetu tukee na ing’anya ya kuyopa kuinjila Pachinu Panaswe Namene kwa myadi ya Yesu. Malinga Kuhani Nkulu chachiinjila Pachinu Panaswe Namene kupitila palipanzia, uchocho Yesu nanang’e àtwing’ile indila yahambi ya umi ya kuinjila Pachinu Panaswe Namene pa uhiu, kupitila kuhwa kwake mwene. Kwa kuva, hwetu tùvele na Kuhani Nkulu aimilîla ing’ande yammalele ya Nnungu, bahi tummwenele Nnungu kwa ntima wa kukulupika na ing’ulupa itimidîle. Kwa kuva, mitima yetu ìnihahulwa na tukáhukumika mmitima yetu, na miili yetu ìnihahulwa kwa medi lahahwîke.
Henga mwenu mùjukile kuva mmanu mma litawa lyalitandwele Nnungu, makuhani mma Nfalume Nnungu, chilambo chanaswe, mmanu mma Nnungu mwene. Mùnitandolwa uchinga mulayanjaje matendo lambone látendìlè Nnungu anchemîle mwenu kuuka nnupi na kumwingijanga munng’anje wake wa ajabu.