Corpo é o templo de Deus
O corpo do cristão é templo de Deus. Ele habita em nós pelo Espírito Santo, fazendo do crente morada viva e sagrada do Altíssimo.
Templo do Deus vivo
Vós sois o templo do Deus vivo. Deus disse: habitarei neles e entre eles andarei. O criador mora em sua criação redimida.
तम्हां का आसा थोघ कि तम्हैं आसा परमेशरे भबन अर परमेशरे आत्मां बस्सा तम्हां दी। ज़ुंण तम्हैं परमेशरे पबित्र भबना ज़िहै आसा, ज़ै तम्हां कुंण मणछ तम्हां मांझ़ै फूट पाए, परमेशरा दैणीं तेऊ लै घोर सज़ा।
तम्हां का आसा थोघ कि थारी देही आसा भबन ज़ेथ पबित्र आत्मां बस्सा ज़ुंण तम्हां लै परमेशरै आसा दैनी दी, थारअ मालक आसा परमेशर। किल्हैकि परमेशरै आसा तम्हां लै खास्सी किम्मत दैनी दी, ज़धू तेऊ मसीहा ईशू बल़ीदान हणां लै छ़ाडअ, तै बोला हुंह तम्हां लै कि ऐहा आपणीं देही करै रहैऊआ परमेशरो प्रतप्प।
मुहुर्ती लै निं परमेशरे भबनै ज़ैगा आथी। किल्हैकि हाम्हैं, ज़िऊंदै परमेशरै भबन आसा, ज़िहअ परमेशरै पबित्र शास्त्रा दी आसा बोलअ द,
"मुंह बस्सणअ तिन्नां मणछा संघै
अर मुंह रहणअ तिन्नां मांझ़ै हांढदै-फिरदै।
हुंह हणअ तिन्नों परमेशर
अर तिंयां हणैं मेरै लोग।"
ऐबै निं तम्हैं होरी ज़ातीए मणछ परदेसी अर पाखलै रहै। तम्हैं हुऐ ऐबै परमेशरे पबित्र लोगा संघै रहणैं आल़ै परमेशरे आपणैं टबर। हाम्हैं आसा सोभै कठा हई तेऊओ भबन ज़ुंण शधाणूं अर गूरे आथरी प्रैंदै आसा च़िणैं द अर तेते सोभी का खास कूणींए ज़ान आसा मसीहा ईशू आप्पै।
मसीहा डाहा आपणैं लोगा पात्थरा ज़िहै कठा ज़ोल़ी ताकि परमेशरो पबित्र भबन बणें। तम्हैं होरी ज़ातीए विश्वासी बी आसा कठा परमेशरे होरी लोगा संघै पबित्र आत्में शगती करै कठा ज़ोल़ै दै किल्हैकि तम्हैं आसा मसीहा दी एक हुऐ दै। इहअ करै हुऐ तम्हैं सह कोठी ज़िधी परमेशर रहा।
लोग बणाआं आप्पू लै घअर पर परमेशर आसा इहअ ज़ुंणी सोभै गल्ला बणाईं। ज़िहअ घअरा बणाणैं आल़ै घअरा का खास्सअ अदर भेटा, तिहअ ई आसा ईशू बी, तेऊ ई करै बणाईं परमेशरै आपणैं घअरे सोभै गल्ला, सह आसा मोसा का खास्सअ अदर करनै जोगी।
मोसा रहअ परमेशरे घअरे सोभी लोगे च़ाकरी करनै आल़ै ज़िहअ शुचअ-पाक्कअ कि ज़ुंण गल्ला आजू ती हणैं आल़ी, तिन्नां गल्ला प्रगट करे।
मसीहा आसा पूते रुपै परमेशरे घअरे सोभी लोगो सैणअ अर ज़ै हाम्हैं हिम्मत डाही करै आपणीं आशा दी खिरी तैणीं विश्वासा दी मज़बूत रहे तै आसा हाम्हैं तेऊए घअरे टबर।
मोसा रहअ परमेशरे घअरे सोभी लोगे च़ाकरी करनै आल़ै ज़िहअ शुचअ-पाक्कअ कि ज़ुंण गल्ला आजू ती हणैं आल़ी, तिन्नां गल्ला प्रगट करे।
मसीहा आसा पूते रुपै परमेशरे घअरे सोभी लोगो सैणअ अर ज़ै हाम्हैं हिम्मत डाही करै आपणीं आशा दी खिरी तैणीं विश्वासा दी मज़बूत रहे तै आसा हाम्हैं तेऊए घअरे टबर।
Cristo em nós
Já não sou eu quem vive, mas Cristo vive em mim. A presença de Deus no crente é privilégio e responsabilidade sagrada.
ऐबै आसा मेरी पराणीं ज़िन्दगी मसीहा संघै क्रूसा दी छ़ड़ाऊई दी अर ऐबै निं हुंह ज़िऊंदअ रहअ पर मसीहा आसा मुंह दी ज़िऊंदअ। हुंह ज़ुंण देही दी ऐबै ज़िऊंदअ आसा, हुंह आसा सिधअ तेऊ विश्वासा संघै ज़िऊंदअ, ज़ुंण परमेशरे पूता दी आसा, ज़ुंणी मुल्है झ़ूरी किई, अर मेरी तैणीं आपणीं ज़ान दैनी।
ईशू बोलअ तेऊ लै, "ज़ै कुंण मुंह संघै झ़ूरी डाहा, तै मनणअ तेऊ मेरअ हुकम बी, अर मेरै बाब बी करनी तेऊ संघै झ़ूरी अर तेऊ सेटा एछी बस्सणअ हाम्हां तेऊ संघै।
मसीहा दी मेरै भाई-बैहणीओ, ईशू मसीहे मौता करै आसा ऐबै हाम्हैं तैहा खास पबित्र ज़ैगा लै डेऊणा लै पूरै आज़ाद। आपणअ बल़ीदान करी खोल्ही ईशू हाम्हां लै भितरी परमेशरा सेटा खास पबित्र ज़ैगा डेऊणा लै नऊंईं बात ताकि हाम्हैं सदा ज़िऊंदै रहे। तैही आसा म्हारअ इहअ माहा प्रोहत, ज़ुंण परमेशरे घअरे स्वर्गे पबित्र ज़ैगो प्रोहत आसा।
तै एछा, हाम्हां डेऊणअ परमेशरा नेल़ शुचै मन्न अर पूरै विश्वासा संघै। किल्हैकि म्हारी दोशी सोर शुची करना लै हेरअ मसीहो लोहू छ़ल़िकी अर म्हारी देही हेरी शुचै पाणीं करै धोई।
पर तम्हैं निं तिहै आथी, तम्हैं आसा परमेशरै आप्पू लै छ़ांटै दै। तम्हैं आसा तेऊ परमेशरे च़ाकरी करनै आल़ै प्रोहत ज़ुंण राज़अ आसा। तम्हैं आसा पबित्र अर परमेशरे आपणैं खास लोग ज़ुंण परमेशरे च़ाकरी करा। तेऊ शादै तम्हैं न्हैरै मांझ़ा का महान प्रैश्शै लै ताकि तम्हैं परमेशरे महान कामें बारै सोभी लोगा का खोज़ी सके।