Criação
A criação revela a glória de Deus. Céus, terra, mares e tudo o que existe testemunham o poder criador. No princípio Deus criou — e tudo era muito bom.
No princípio
No princípio criou Deus os céus e a terra. O Espírito de Deus pairava sobre as águas. E Deus disse: haja luz.
शुरुआती मां ज़ैखन परमेशरे अम्बर ते धेरतरी रच़ना की। धरती बेडौल ते सुनसान थी, ते डुग्घे पैनी पुड़ आंधरू थियूं; ते परमेशरेरी आत्मा पैनी पुड़ फिरती थी।
फिरी परमेशरे ज़ोवं, "अस मैन्हु अपने रूपे मां ते अपनो ज़ेरो बनाम; ते तैना समुन्दरेरी मेछ़लन, ते अम्बरेरे च़ुड़ोलन, ते पैलतू जानबरन, ते सारे धेरती पुड़, ते सब रेंगनेबाले जीप जन्तून पुड़ ज़ैना ज़मीनी पुड़ पेटेरे भार च़लने बालेन, अधिकार रखन।"
तैखन परमेशरे अपने रूपे मां इन्सानेरी रच़ना की, ते अपने रूपे मां परमेशरे इन्सानेरी रच़ना की; नर ते नारी बनेइतां तैनी तैन केरि रच़ना की।
ते परमेशरे सत्तोवं दिहैड़ी बरकत दित्ती ते पवित्र ठहराई; किजोकि तैस मां तैने रच़ना केरतां अपने सारे कम्मे करां आराम कियो।
फिरी यहोवा परमेशरे ज़ोवं, "आदमेरू अकैल्लू रानू ठीक नईं; अवं तैसेरेलेइ अक एरहो मद्दतगार बनेइलो ज़ै तैस सेइं मेल खाए।"
O poder criador
Pela palavra do Senhor foram feitos os céus. Tudo foi criado por Ele e para Ele — o visível e o invisível.
यहोवारे वचने सेइं अम्बर,
ते तैसेरे सारे तारे तैसेरे ऐशेरे
सांसी सेइं बने।
एस करां पेइले कि पहाड़ां पैदा भोआं,
ते तीं ज़मीन ते दुनिया बनाई,
बल्के शुरू करां हमेशा तगर तूए परमेशरस।
एज्जा असां तैस कां मथ्थो टेकम,
ते अपने बनानेबाले यहोवारे सामने ज़ैधू टेकम।
अवं एपनी एछ़्छ़ी पहाड़ां केरे पासे केरेलो।
मीं मद्दत कोट्ठां मैल्हेली?
मीं मद्दत यहोवारे तरफां मैलतीए,
ज़ै अम्बरे ते धरती बनानेबालोए।
यहोवा ज़ै आसमान ते ज़मीन बनानेबालोए,
इश्शी मद्दत तैसेरे नंव्वे सेइं भोचे।
अज़ तै दिहाड़ीए ज़ै यहोवा बनेवरीए;
अस इस मां मघन ते खुश भोम।
किजोकि तीं मेरे एंत्रीं अंग बनेवरेन;
तीं अवं अम्मरे पेटे मां बनाव।
अवं तेरू शुक्र केरेलो, एल्हेरेलेइ कि अवं भयानक ते अद्भुत तरीके सेइं बनाव जेवरोईं,
तेरां कम्मां त हैरान केरनेबालन,
ते अवं एन रोड़ेच़ारे ज़ानताईं।
Criador e Sustentador
O Deus eterno não se cansa nem se fatiga. Dele, por Ele e para Ele são todas as coisas — a Ele seja a glória.
कुन तुस न ज़ानथ? कुन तुसेईं नईं शुनोरू? यहोवा ज़ै सच़्च़ो परमेशरे ते सारी धरती बनानेबालोए, तै न थके, ते तैसेरे समझ़रे गहराई तगर कोई न पुज़्ज़ी सके।
"अफ़सोस तैस पुड़ ज़ै अपने बनानेबाले परमेशरे सेइं लड़ते! तै त मित्तरे ट्लुटोरे एक्की भांडे मरां अक कपरी आहे! कुन कारीगरिरेरू बनेवरू कम तैसेरे बारे मां ज़ोलू, ‘तैसेरे हथ नईं?’
‘हे प्रभु यहोवा, तीं बड़े ताकती ते शेक्ति सेइं अम्बर ते धरती बनाई! तेरे लेई कोई कम मुश्किल नईं।
ज़ै अम्बरे मां अपनो मेहल बनाते, ते अम्बरेरी मुनीयाद धेरती पुड़ रखते, ते समुन्दरेरू पानी धेरती पुड़ बगाते, तैसेरू नवं यहोवाए।
किजोकि सब किछ परमेशरेरी तरफां आहे। तैन्नी सब किछ बनाव, ते तैसेरे ज़िरिये, ते तैसेरेलेइ सब किछे। तैसेरी आदर सदा भोती राए। आमीन।
किजोकि तैसेरे आहेरे गुण, मतलब तैसेरी सदारी शक्ति, ते परमेशरेरो सुभाव दुनिया बनानेरे वक्तेरे देंतो तैसेरे कम्मन सेइं हेरने मां एइते, इड़ी तगर कि तैन लोकन कां कोई बहानो नईं।
किजोकि सैरी रच़नरी चीज़ां बड़े बे सबरी सेइं तैस वक्तेरो इंतज़ार केरने लेगोरिन, कि ज़ेइस परमेशरे इन बांदो केरनू तैसेरे सच़्च़े बच्चे कौन आन।
Nova criação
Se alguém está em Cristo, nova criatura é. O Criador faz novas todas as coisas — na natureza e na redenção.
ते अगर कोई मसीह मां आहे त तै नव्वीं सृष्टि आहे, पुरैनी गल्लां बीती जेई; हेरा, तैना सब नेव्वीं भोइजेइ।
किजोकि अस परमेशरेरे बनोरेम; ते मसीह यीशु मां तैन भले कम्मां केरे लेई पैदा कियोरेम, ज़ैना परमेशरे पेइले इश्शे केरनेरे लेई तियार कियां।
तैने अपने मेर्ज़ी सेइं असन सच़्च़ेरे वचने ज़िरिये सेइं नव्वीं ज़िन्दगी दित्ती, ताके अस तैसेरी सच़नाईं मरां फसलरे ज़ेरे पेइले फल भोम।
किजोकि हर घरेरो कोई न कोई बनानेबालो ज़रूर भोते, पन ज़ैनी सब किछ बनावं तै परमेशरे।
किजोकि तै असन सेइं साथी आए ते ज़ींते रहतम ते च़लतम फिरतम, ज़ेन्च़रे कि तुश्शे लिखने बालेईं भी ज़ोवरूए, ‘असां त तैसेरे बच्चेम।’
फिरी मीं सुर्गे मां ते धेरतली पुड़ त कने धेरतलरे बुन, ते समुन्दरेरी सब चीज़ां, ते सब किछ ज़ैन तैन मांए, इन ज़ोते शुनू कि, "ज़ै तखते पुड़ बिशोरोए तैसेरू त कने गबड़ेरू शुक्र, आदर, महिमा ते राज़, हमेशा राए।"