1 Sa sinugdan gimugna sa Dios ang kalangitan ug ang kalibotan. 2 Ang kalibotan kaniadto walay porma ug hawan pa. Nalukop kini sa tubig ug gitabonan sa kangitngit. Ug ang Espiritu sa Dios* naglihok-lihok diha ibabaw sa katubigan.

26 Unya miingon ang Dios, "Buhaton nato ang tawo sama sa atong dagway. Magmando sila sa mga isda sa dagat, mga langgam sa kalangitan, mga mananap sa tibuok kalibotan nga buhionon man ug ihalas man, ug ang tanang nagkamang sa yuta."

27 Busa gimugna sa Dios ang tawo,

lalaki ug babaye, nga sama sa iyang dagway.

3 Gipanalanginan niya ang ikapito nga adlaw ug iya kining gibalaan nga adlaw, tungod kay niining adlawa mipahulay siya human niya gimugna ang tanan.

18 Unya miingon ang Ginoong Dios, "Dili maayo nga mag-inusara ang tawo. Buhatan ko siya ug katabang nga angay kaniya."

6 Pinaagi sa pulong sa Ginoo, nahimo ang kalangitan:

ang adlaw, ang bulan, ug ang mga bitoon.

2 Sa wala mo pa buhata ang mga bukid

ug ang kalibotan, ikaw na ang Dios,

ug ikaw ang Dios sa walay kataposan.

6 Dali! Moluhod kita sa pagsimba sa Ginoo nga naghimo kanato.

1 Nagtan-aw ako sa mga bukid;

asa man maggikan ang akong gipaabot nga tabang?

2 Ang maong tabang maggikan sa Ginoo,

nga nagbuhat sa langit ug sa yuta.

8 Ang panabang nga atong nadawat naggikan sa Ginoo,

nga naghimo sa kalangitan ug sa kalibotan."

24 Mao kini ang adlaw diin gipadaog kita sa Ginoo,*: sa literal, nga gibuhat sa Ginoo.

busa maglipay ug magsadya kita.

13 Nakaila ka kanako kay ikaw ang naghimo kanako.

Ikaw ang gaumol kanako didto sa tagoangkan sa akong inahan.

14 Gidayeg ka nako kay katingalahan gayod ang pagkahimo mo kanako.

Katingalahan ang imong mga buhat,

ug nasayod gayod ako niini.

28 Wala ba kamo masayod o makadungog

nga ang Ginoo mao ang walay kataposan nga Dios

nga nagbuhat sa tibuok kalibotan?*

Dili siya bation ug kakapoy o maluya,

ug walay makatugkad sa iyang huna-huna.

9 "Alaot ang makiglalis sa Dios nga iyang Magbubuhat.

Sama lang siya sa kolon.

Makareklamo ba ang yuta sa magkukolon kon unsay iyang himuon?

O makareklamo ba siya nga kulang sa kahanas ang magkukolon?

17 "O Ginoong Dios, gihimo mo ang langit ug ang kalibotan pinaagi sa imong dakong gahom. Wala gayoy butang nga dili mo mahimo.

6 Ang Dios ang naghimo sa iyang kaugalingong puloy-anan sa langit.

Ug siya ang naghimo sa kawanangan sa ibabaw sa yuta.

Siya ang nagtigom sa tubig sa dagat ngadto sa mga panganod

ug ginabubo niya kini ingon nga ulan diha sa yuta.

Ang iyang ngalan mao ang Ginoo.

36 Kay ang tanan nga butang naggikan sa Dios,

ug gibuhat kini pinaagi kaniya ug alang kaniya.

Dayegon siya sa walay kataposan! Amen.

20 Tinuod nga dili nato makita ang Dios, apan sukad pa sa pagmugna sa kalibotan, ang iyang walay kataposan nga gahom ug pagka-Dios gipadayag na pinaagi sa mga butang nga iyang gibuhat. Busa wala silay ikabalibad kaniya.

19 Kay ang tanang binuhat sa Dios naghinam-hinam gayod nga nagpaabot sa higayon nga ipadayag na sa Dios ang iyang mga anak.

17 Si bisan kinsa nga anaa kang Cristo bag-o na. Wala na ang iyang daan nga pagkatawo, kay bag-o na siya.

10 Gibuhat kita sa Dios; ug sa atong pagkahiusa kang Cristo Jesus gihatagan niya kita ug bag-o nga kinabuhi, aron mahimo nato ang maayo nga mga buhat. Sukad pa kaniadto mao kini ang giplano sa Dios nga atong buhaton.

18 Sumala sa iyang kabubut-on, gihimo niya kita nga iyang mga anak pinaagi sa atong pag-ila sa kamatuoran, aron molabaw kita sa tanan niyang mga binuhat.

4 Kay nasayran nato nga kon adunay balay, adunay nagpatukod niini, ug ang naghimo sa tanan walay lain kondili ang Dios.

28 kay ‘Nagkinabuhi ug naglihok kita tungod sa iyang gahom.’ Sama sa giingon sa uban ninyong mga magbabalak nga, ‘kita tinuod niyang mga anak.’

13 Ug nadungog ko nga nag-awit usab ang tanang binuhat nga anaa sa langit, sa yuta, sa ilalom sa yuta, ug sa dagat:

"Ihatag nato sa naglingkod sa trono

ug sa Karnero ang pagdayeg, pagtahod,

pagpasidungog ug paggahom sa walay kataposan!"