Crianças

Ind nihonat nana’i jango

1 ✝Nana’úwotso! doonzo shinatse geyitk b́wottsotse it ind nihosh alewere. 2 «Nnihnat nindn mangiwe» etiru alo jangiyets aap’o bítse detsts shints tzaziyo haniye, 3 ✝Han nk’aliyalowere «Jam keewo neesh kááwitwe, datsanatsnowere nkasho genzitwe.»

4 ✝Itwere nihwotso! doonzo Iyesusn boosh niwo danifetsr, kiitsfetsr fayefetsr ditswere bako itnana’i nibo k’úni k’ayere.

4 ✝Itwere nihwotso! doonzo Iyesusn boosh niwo danifetsr, kiitsfetsr fayefetsr ditswere bako itnana’i nibo k’úni k’ayere.

Shanotsi beyo

1 Haniyere okoon shuneets nanaúotskok’o itwere Ik' shuuts sha’irwotsi wotoore,

20 ✝Nana’uwotso! han doonzo geneúshitk b́wottsotse jamkeewon it ind nihosh alewere.

21 ✝Nihwotso! bo maac’o bok’ut’rawok’o it nana’o fayon nibo k’únik’ayere.

14 Iyesuswere «Dari mengstu hanotsk’owwotssh b́wottsotse nana’í marmat’úwotsi k’ayere t maants wonee, bazik’ayere» bíet.

14 Iyesuswere «Dari mengstu hanotsk’owwotssh b́wottsotse nana’í marmat’úwotsi k’ayere t maants wonee, bazik’ayere» bíet.

Jamoniyere bogo kone?

1 ✝Manoor b́ danifuwots Iyesusok t’int, «Dari mengstotse jamoniyere bogo kone?» ett bo aati. 2 Iyesuswere na’í marmat' iko s’eegdek’t bo taalots ned’ib́k’r, 3 Hank’owo bíeti, «Arikone itsh ti etiri, woneyar nana’í marmat’uwotskok’o woto it k’azal b́ jamon dari mangstots kindratste. 4 Na’i marmat’ankok’o b́ tooko dashan detsetwo dari mengstotse eene b́wotiti.

3 Hank’owo bíeti, «Arikone itsh ti etiri, woneyar nana’í marmat’uwotskok’o woto it k’azal b́ jamon dari mangstots kindratste. 4 Na’i marmat’ankok’o b́ tooko dashan detsetwo dari mengstotse eene b́wotiti. 5 Hank’o wotts na’o t shúútsosha err dek’etwo taan dek’etwe.» bíet.

10 Darotse fa’a bo melakiwots jam aawo darotse fa’o tnih shiitso bos’iilirwotse, k’ac’in nana’anotsitse dab́ ikonor it gac’erawok’o it tooko korde’ere. [

Krstosn kashdek’o datsetuwok’o

25 Manoor Iyesus hank’owa bíet «Daronat datsonsh doonzo nihono! keewan dantswotsnat t’iwintsitwotssh aatsat danawwotssh n kitstsotse neen udere,

9 Ash ashi dagotse manonat jeenon woshitwots,

Ik’i nana’uwotsiye eteetwotse derekne.

Iyesus nana’uwotsi b́ deertsok’o

13 Boon b́ shuíítwok’o nana’o Iyesusok dek’tboweyi, ernmó b́ danifwots nana’a dek’weyirwotsi bo hadi. 14 Iyesuswere man b́bek’tsok’on b́ danifwotsi fayat hank’o boosh bíet, «Ik’i mengstu hanotsk’owwotssh b́wottsotse k’ayere nana’uwots tiyok wone, boon bazik’ayere,

36 Na’í marmat' iko dek’wat bodagots ned’í bík’ri, gep’dek’tnu boosh hank’o bí et, 37 ✝«Nana’anotsitse ikok’o t shúútsosha err dek’etwo taano dek’etwe, taano dek’etu jamo taan b́woterawo taan woshtso dek’etwe.»

52 ✝Iyesus Ik’onat ash shinatse shuneek wotat, dan teleefonat need’on eenfere bí amfo.

Iyesus P’et’rosi bíaat aato

15 Guur misho bomeyihakon Iyesus Sim’on P’et’rossh, «Yona naay Sim’ono! hanots taan bo shunirwoniyere bogo taan shunfiy?» bíet. Bíwere «Ee, t doonzo! taa neen tshuntsok’o neewor danfnee» ett bísh bíaaniy. Iyesuswere «T mereer buk’ulwotsi maanzwe» bíet.

12 Wotowabako b́ keewu dek’tswotsnat b́ shútson amants jamwots Ik’o nana’uwotsi bowotitwok’owe alo boosh b́mi.

14 Ik' Shayiron jisheyru jamwots Ik' nanaúwotsiye.

15 ✝Mansh «Niho! no nihono!» etaat it s’eegirwo na’ok’o woti Shayiro it dek’i bako shatoon beyosh aani guuts woti Shayiro de’atste.

16 Ik' Shayiro no Shayironton wotar Ik' nanaúwotsi nowottsok’o noosh gawituwe.

19 Azets jamo Ik' nanaúwots be’ewo een tewunone b́kotiri.

26 Iyesus Krstosi amanon it jametswor Ik' nanaúwotsi woterte, 27 Gúpeyon Krstosnton ik wotts it únetswots Krstosi tahok’o tahadek’rte.

Ik' nana’úwotsi

1 Ik' nana’uwotsi erŕ nos’eegeetwok’o niho awuk’o shuno noosh b́imtsok’o aab́ s’iilere! arikon noowere Ik' nana’a noone, datsan Ik’o b́dartsosh nonowere danatse.

2 T shuntswotso! and no Ik' nana’a noone, shinomaantsish eeg nowotitwok’o daneerafa’ee, ernmó Krstos b́be’et aawots bí aro arikon eeg bíarok’o nobek’etwotse bínowere noaritwok’ó danfone. 3 Krstosn man b́ wotitwok’o jangiru jamo Krstos s’ayn b́ wottsok’o bíwere b́ tooko s’ayn woshituwe.

12 T nana’úwotso! it morro Iyesus shúútson itsh orowe etetsotsne itsh t guut’iri.

21 T nana’otso! dozets ik’wotsatse it atso korde’ere.

4 B́ took moowo k’ezdek’o falituwo, b́ nanauwots mangon bísh aleyirwotsi woto geyituwe.

8 B́ took jaguwotssh, bítsnor bomeyitsi ashuwotsi gawrawo bí b́ imnetiyo k’azkee, dab́ amaneraw ashuwotsiyeror iki gondefe.

5 Ik’o b́ nana’ikok’o woshdek’t itango kup’shosh hank’o bí ettso batk’rerte,

«T naayo! doonzo sezo ketik’aye,

b́ hadoshowere maac’o k’ut’k’aye,

6 ✝Doonzo b́ shuntsoniye b́ sezfoni,

B́ nayik’owosh dekt b́s’iliruwono b́fayefoni.»

7 Ik’o b́ nanaúwotsk’o itn b́tawtsotse b́ sezo k’amoore, b́ niho bín b́ sezraw na’o kone? 8 Nana’a wotts jamwots bo daatsiru sezo it were daatso it k’azal dik’al itna boko nana’a itnaliye. 9 Haniyere okoon, noúnetsi sezf meetsi nihwots detsfone b́teshi, bonowere mangiye nomangifoni, bere kashon beyosh kashi weeron nih wottsosh iki bogshde azazewo aawk’oneya noosh geyiwo b́k’azeti!

11 Sez jamo manorish shiyanitka bako geneúshitk areratse, ilomo man dandek’ts ashuwotssh jeenon s’eentso kááw fini shwo boosh daatsituwe.

31 Bowere «Doonzo Ieyesusn amanowe, kashituwune, nmeyitsi ashuwotswere kashitúne» boeti.

22 Jawetsori gond tewunatse wokowe, s’ayin nibon Ik' s’eegiru ashuwotsnton wotarr kááw finon, imnetiyon, shunon, jeeni jafrats sha’owe.

2 Ay gawwots shinatse tiyooke n dants dano, koshwotsi daniyosh falitwotsnat amanets ashuwotssh adaro ime.

4 T nana’wots arikon ananefetst bobeyrwok’o shishoniye bogo taan geneúshit keewo aaliye.

4 T nana’wots arikon ananefetst bobeyrwok’o shishoniye bogo taan geneúshit keewo aaliye.