Crianças

Ira na koburu beto na tinadi na tamadi

1 Agou na koburu, sa mu vataberia na tinamiu na tamamiu pana toa tutina na Bangara, ura isa sa na tuvisi. 2 Na garunu tana Tamasa sa pira sau, <<Mu valavataria na tinamiu na tamamiu,>> ura isa sa na garunu momoe sa kolea na taringunguti jongana, ko na taringunguti isa sa pira sau, 3 <<Ko vei sa muna toa vatale beto muna toa vakakasa pa peso,>> sau.✝

4 Agou na tamadi na koburu, muke vavatagigiriria sira na tumiu. Goto mu toni vataleniria tu pana vaivagigalai tuvisina beto pana vavanau tana Bangara.

4 Agou na tamadi na koburu, muke vavatagigiriria sira na tumiu. Goto mu toni vataleniria tu pana vaivagigalai tuvisina beto pana vavanau tana Bangara.

1 Ko sa vei isa sa mu doro tutia na uana tana Tamasa, ura na ona koburu sa roroqu vivitigigou isa sagou.

20 Agou na koburu, mu vataberia pana doru sakasava sira na tinamiu na tamamiu, ura isa sa na uana sa vaqerai na Bangara.

21 Agou na tamadi, sa muke vavatagigiriria sira na tumiu, ura muna veiniria sa kode mai munyala pana dia popodeke.

14 Ba pira sau i Jisu, <<Mu vamalumuria sira na koburu ko mai lame taqu, muke suquturia. Ura tadira tugu vevei aipira sa na binangara pa noka,>> sau sisa.

14 Ba pira sau i Jisu, <<Mu vamalumuria sira na koburu ko mai lame taqu, muke suquturia. Ura tadira tugu vevei aipira sa na binangara pa noka,>> sau sisa.

Na Tinoni sa Poreveveina Jola pa Binangara pa Noka

1 Ego pana totoso tugu isa sa qai lao sira na sepele ti Jisu ko pira qai nanasa veinia sisa, <<I sei sa na poreveveina jola pa binangara pa noka?>> qarigunia.

2 Poni sa kuku tekua i Jisu sa kai koburu ikete, ko sa vaturua pa moedi ira, 3 beto pira sauniria, <<Ma poja sosotonigou ara sagou: vei munake beia agou sa na miu toa ko munake toa vei ira na koburu, sa munake isongo tomea tugu agou sa na binangara pa noka. 4 Isa na tinoni gu sa vaikete mule veinia na koburu ikete api, sa isa sa poreveveina jola pa binangara pa noka.

3 beto pira sauniria, <<Ma poja sosotonigou ara sagou: vei munake beia agou sa na miu toa ko munake toa vei ira na koburu, sa munake isongo tomea tugu agou sa na binangara pa noka. 4 Isa na tinoni gu sa vaikete mule veinia na koburu ikete api, sa isa sa poreveveina jola pa binangara pa noka. 5 Isa sa vatoga vatalea pa isongoqu ara sa kai koburu ikete vevei api sa sa vakamusiu tugu sara,>> sau si Jisu.

Na Vavakato Vavapadana na Sipi Mumana

10 <<Mu kopunia ko muke doro vakepore veveinaia sa kame ira na koburu ikikete vevei api. Ura ma pojanigou: na dia mateana na suveredi doru totoso pa moena na Tamaqu pa noka sa sa kopuniria.

Lame Taqu ko Mu Minere

25 Ego pa totoso isa sa paranga vei pira si Jisu, <<Tamaqu, ao na Bangarana na oka beto na peso. Qa paranga jongana lao tamu sara, ura na sakasava aipira sa qu vapaeria ao tadira na tinoni gigigalaidi beto na bobokadi beto qu vadoroniria sira qaike gigalai.

9 Qai tamana sira na tinoni vavaivabule,

ura ira mai tapoja na tuna na Tamasa.

I Jisu sa Mananiria ira na Koburu Ikikete

13 Ego qai toni kamuniria ira kaki tinoni tai Jisu sira na koburu ko mi vaoponiria na limana isa qarigu, ba qai vatokeniria ira na sepele sira. 14 Totonai sa batiria i Jisu qai roiti vei inara sa sa tagigiri ko pira sauniria sira, <<Mu loa valameria taqu ira na koburu. Muke suquturia, ura tadira tugu veveidi pira sa na binangara tana Tamasa.

36 Beto sa aru vakatapia isa sa kai koburu ikete ko sa vaturua pa moedi ira doru, beto sa sa aru vakatapia beto pira sauniria, 37 <<Na tinoni sa vakamu vatalea pa isongoqu ara sa kai koburu ikete vevei api, sa sa vakamu vatalesiu tugu sara. Ko isa na tinoni sa vakamu vatalesiu ara, sa nake ara gu mekaqu sa sa vakamusiu na tinoni isa, goto isa tugu vei sa garunusiu ara,>> sau si Jisu.

52 Ego ko sa ijoko sae pa tinina beto pa gigigalai tavagigala si Jisu, ko sa qerania na Tamasa beto ira na tinoni sisa.

I Jisu Sa Nanasia Si Pita

15 Ego pa liguna qai beto teteku ira, poni sa paranga lao tai Saimone Pita si Jisu, pira sau, Saimone, na tuna i Jone, ai sa vei, qu roroqusiu jolaniria ira aipira ara sao? saunia.

Sa oe lao si Pita, E, Bangara, ao qu gigilasiumua sa qa roroquigo tugu ara sao, sau.

Sa paranga si Jisu, Mu kopuniria na qua lami,* saunia.

12 Ba ira doru qai vakamua ko qai vasosotoa sa nisongona isa, poni sa isa sa ianiria na neqi ko qai podo koburu tana Tamasa sira.

14 Ura ira doru qai korapa tatoli pana Gagalana na Tamasa sa ira tugu sa na tuna na Tamasa sira.

15 Agou ko na Gagala qu tekua sa sake vaivapinausu ko bu kole matagutunia mule na Tamasa. Goto na Gagala qu tekua agou sa isa sa teku pausugou pana tatamana tana Tamasa ko isa sa boka vaparanga veinigita pira lao tana Tamasa, <<Aba! Ao na Tamaqu!>> sau.

16 Na Gagalana mekana na Tamasa sa somana ule votunia vei sa pojai na gagalada gita sa gita sa na koburu tana Tamasa.

19 Doruna na vinapodaka sa korapa nyorogua vivitiginia beto sa korapa vera vatalenia sa na totoso tonai na Tamasa mina ule votuniria sa ira na tuna sosoto.

26 Agou doru tinoni Jiu beto nake Jiu sa kopira na tuna beto na Tamasa pana miu kole kame tana Karisito ura qu tei rangea tu agou sa na Karisito. 27 Tonai qu tapaputaiso ko qu kole kame pana tana Karisito, poni sa qu toa vei na Karisito mekana sagou.

1 Mu vainongoronia api agou ko! Sa vavagua jola sa na vairoqu tana Tamada, ko taqe tagigala na koburu tana Tamasa sa gita ko gita sa na koburu tana Tamasa sa kopira. Na kasia gusu sake gigilai sa gita sa na koburu tana Tamasa, ura na kasia gusu sake gigilai sa na Tamasa.

2 Ka visa baere jonga, kopira na koburu tana Tamasa sa gita, ba na Tamasa sa oqoro vakabere vanigita sa ai tana tinoni vevei sa gita. Ba taqe gigila vatalea sa tonai mina bola votu na Karisito sa gita sa kode tana dogoro vei isa, ura kode tana dogoria sa na Karisito sosoto. 3 Na tinoni sa vatogasia tana Karisito sa na ona gegele api ko sa gele vatalenia sa na totoso vuka risa sa sa valioso mulenia mekana, kai muqisi podeke vei na Karisito sa lioso.

12 Ka visa qua koburu, ara qa korapa kuti lao tamugou ura na Tamasa sa tei vulasaria tu na miu sela pana laena na roiti sa roitinia na Karisito.

21 Ka visa qua koburu, mu uku paleniria sira na tamasa sesekedi.

4 Na tinoni kopu sa boka toli vatalenia na ona tatamana mekana ko ira na tuna sa qai suvere vakaurai pana doru uana pangagana.

8 Goto na tinoni sake dogoro kopuniria sira na turana mekana vevei ira pa ona tatamana sosoto mekana, poni sa isa sa kilu palenia isa sa na ona rarange beto ko sa ikere jolania na tinoni keporeona rarange sisa.

5 Ba ai vei qu tei muma paleria tu agou sira na paranga vaivaneqi sa poja veinigou na tuna na Tamasa pa Kukuti Tabuna? Pira sau sisa,

<<Tuqu, muke roqu veiniria na sakasa goborodi sira na vavanau tana Bangara.

Beto muke munyala tonai mi udukia na mua sela.

6 Ura ira sa roroquria sa sa vatuvisiria tugu sa na Bangara,

beto sa piqoloria tugu sira doru sa gigalaniria na tuna,>> sau.✝

7 Mu vangaju veiniria na vavanau agou sira na vitigi qu tomeria. Na vitigi qu gosororia sa ulenia sa na Tamasa sa korapa veinigou na tuna sagou. Ura kepore sa kai koburu bike tavavanau pana tana tamana. 8 Na Tamasa sa vavanauria sira doru tuna. Ko vei munake tavavanau sagou, poni sa nake tuna sosoto isa sagou goto na podo soanamiu gu. 9 Ira gu na tamada pa peso ba tonai qai vavanaugita poni sa taqe pangaganiria tu. Ko sa poreveveina jola sa tana tutiria sira na vavanau tana Tamada pana Gagala ko tana toa.

11 Doru vavanau sa pana totoso qai tavaivavanauniria sa qaike vaivaqera goto qai vaivatakulanga. Ba ira qai teku varoitiria sa qai tekua na pinia toa bulena beto na tuvisina.

31 Poni pira qarigunia ira karu sisa, <<Mu vasosotoa na Bangara i Jisu beto muna taalo, ao beto na mua tatamana tugu vei,>> qarigunia.

22 Ko mu ukuniria sira na nyonyogua tadira na koburu sae korega. Mu vaigitanai tadira qai kiu alili lao tana Bangara pa bulo liosona ko mu nyaqo tutia sa na tuvisi, na rarange, na vairoqu beto na bule.

2 Beto ko ira na vaivagigalai qu nongoroniria taqu pa moedi ira na soku tinoni qai dogorigo sa mu vakarovo vaniria ira na tinoni tarangedi, ira na padadi mai vaivagigalainiria tadira na goto tinoni.

4 Kepore mule sa kai qeqera bi lavata jolania sa na qeqera taqu totonai qa nongoroniria sira na qua koburu qai tutia na sosoto.

4 Kepore mule sa kai qeqera bi lavata jolania sa na qeqera taqu totonai qa nongoroniria sira na qua koburu qai tutia na sosoto.