Cura

24 Bhenebho bhayene bhashinkwiijigala yambi yetu

nshiilu shabho panani nshalabha,

nkupinga kwa itendi ya yambi, tubhoneshe mbuti tuwile,

na kwa itendi aki tukole gumi,

bhai tulame kwa ligongo lya itendi ya aki.

Na kwa komwa kwabho mmanganya nnamiywenje.

24 Bhenebho bhayene bhashinkwiijigala yambi yetu

nshiilu shabho panani nshalabha,

nkupinga kwa itendi ya yambi, tubhoneshe mbuti tuwile,

na kwa itendi aki tukole gumi,

bhai tulame kwa ligongo lya itendi ya aki.

Na kwa komwa kwabho mmanganya nnamiywenje.

A Yeshu Bhanabhonela Shiya Bhandunji

35 A Yeshu bhatendaga owela ilambo yowe na ijiji yowe, bhalijiganya mmashinagogi na lunguya Ngani ja Mmbone ja Upalume gwa a Nnungu, na lamya ilwele yowe na kila ungakola mashili.

8 Nnamiyanje bhalwelenji, nnyuyanje bhawilenje na nnamyanje bhakwetenje mangundula na nshoyanje maoka. Nshipegwanga gwayoyo, nshoyanje gwayoyo.

8 Nnamiyanje bhalwelenji, nnyuyanje bhawilenje na nnamyanje bhakwetenje mangundula na nshoyanje maoka. Nshipegwanga gwayoyo, nshoyanje gwayoyo.

A Yeshu Bhanatuma Likumi Limo na Bhabhili

1 A Yeshu gubhaashemilenje bhaajiganywa bhabho likumi limo na bhabhili, gubhaapelenje mashili ga shoya maoka na lamya ilwele na ungakola mashili gwa kila namuna.

12 A Yeshu bhakapilikaneje, gubhaabhalanjilenje, "Bhakotonji bhakakunnoleyanga mmitela, ikabheje bhakunnoleyanga mmitela bhalwelenji.

A Yeshu Bhanaajiganya Bhandu na Lamya Bhalwelenji

23 A Yeshu bhatendaga owela mmbali yowe ya ku Galilaya na jiganya mmashinagogi na kwaalugushiyanga Ngani ja Mmbone ja Upalume gwa a Nnungu. Na lamya kila ilwele ibhakwetenje bhandu.

9 Mwaalamyanje bhalwelenji bha kweneko, na mwaalungushiyanje bhandunji kuti, Upalume gwa a Nnungu ummandishilenje.

18 "Mbumu jwa Bhakulungwa pali na nne,

Pabha bhashing’agula

Naapeleshelanje bhalaga Ngani ja Mmbone.

Bhashinduma naalungushiyanje bhatabhilwenje kuleshelelwa kwabhonji,

Na ashinangalole bhalolanje,

Na kwaagombolanga bhabhonelwanga,

14 A Yeshu bhakaabhonanjeje gubhaabhalanjilenje, "Nnjendangane nkailangulanje kubhaabhishila." Bhai, akuno bhalikwendangana, gubhalamilenje.

A Yeshu Bhanakwalamya Bhakongwe Lyubha lya Pumulila

10 Lyubha limo lya Pumulila a Yeshu bhatendaga jiganya nshinagogi jimo. 11 Penepo bhashinkupagwa bhakongwe bhamo bhaaliji na shigongo kwa yaka kumi na nane, pabha ashinkwaatama lioka jwangali jwa mmbone. Nngongo gwabho gwashinkupinda, bhakakombolaga kujinuka nkali kashoko. 12 A Yeshu bhakaabhoneje gubhaashemile, gubhaabhalanjile, "A mama nnamile shilwele shenu." 13 Gubhaabhishile makono bhakongwe bhala, shangupe nngongo gwabho guugolweshe, gubhainiye a Nnungu.

14 Ikabheje bhakulungwa bha shinagogi gubhatumbele pabhaa Yeshu bhashikunnamya mundu Lyubha lya Pumulila. Kwa nneyo gubhalubhalanjile lugwinjili lwa bhandunji lula, "Nkwetenje mobha shita ga kamula liengo. Bhai, nnjiyangane gene mobhago kunnamiywanje ilwele yenunji, ikabheje nnajiyangane lyubha lya Pumulila."

15 Penepo Bhakulungwa gubhajangwile, "Mmanganya mmagulumba! Munkumbi gwenunji gani akananng’ugule ng’ombe eu mbunda jwakwe nshitundu ampeleshe kung’wa mashi, lyubha lya Pumulila? 16 Nnaino, apano apali jwankongwe jwa shipinga sha a Bhulaimu apotekwaga naka lishetani kwa yaka kumi na nane. Bhuli, nngabha sha mmbone kunngopola shitabho shakwe lyubha lya Pumulila?" 17 A Yeshu bhakabheleketeje genego, ashaamagongo ajabho bhowe gubhakwetenje oni ikabheje bhananji guyaanonyelenje kwa kaje kwa ligongo lya indu ibhatendile ila.

50 A Yeshu bhakapilikaneje genego, gubhaabhalanjile a Yailo, "Mmwe nnajogope nkulupalilepe, shalame."

34 A Yeshu gubhaabhalanjile, "A mwali, ngulupai jenu jinnamiye. Njende kwa ulele, na shilwele shenu nnamile."

23 A Yeshu gubhaalugulile, "Kwa nndi nkuti, nkombolaga? Gowe ganaakomboleka kuka mundu akulupalila."

52 A Yeshu gubhaalugulile, "Nnjabhule, ngulupai jenu jinnammiye. Shangupe gubhatandwibhe kulola kabhili, gubhaakagwile a Yeshu mumpanda."

17 Na yene ilanguloi shiibhe na bhene bhaakulupalilangabho, shibhashoyanje maoka kwa lina lyangu, shibhabheleketanje shibheleketi sha ambi. 18 Bhakamulangaga majoka eu bhang’wangangaga shindu sha bhulaga, shikaabhenganga. Shibhaabhishilanje makono bhalwelenji na shibhalamanje."

34 Bhai, a Petili gubhaabhalanjile, "A Ainea, a Yeshu Kilishitu bhanakunnamya. Njumushe, ntandishe shinanda shenu." Shangupe, a Ainea gubhajimi.

14 Bhuli, mundu munkumbi gwenunji nnwele? Bhai penepo mwaashemanje bhanangulungwa bha likanisha, bhannjujilanje na kumpaka mauta kwa lina lya Bhakulungwa. 15 Kwa nneyo ibhaga kujuga kwabhonji kwa a Nnungu ni kwa ngulupai shikunnamiye nnwele jula, numbe Bhakulungwa shibhannjinule, na monaga akwete ilebho, shibhanneshelele.

14 Bhuli, mundu munkumbi gwenunji nnwele? Bhai penepo mwaashemanje bhanangulungwa bha likanisha, bhannjujilanje na kumpaka mauta kwa lina lya Bhakulungwa. 15 Kwa nneyo ibhaga kujuga kwabhonji kwa a Nnungu ni kwa ngulupai shikunnamiye nnwele jula, numbe Bhakulungwa shibhannjinule, na monaga akwete ilebho, shibhanneshelele.

14 Bhuli, mundu munkumbi gwenunji nnwele? Bhai penepo mwaashemanje bhanangulungwa bha likanisha, bhannjujilanje na kumpaka mauta kwa lina lya Bhakulungwa. 15 Kwa nneyo ibhaga kujuga kwabhonji kwa a Nnungu ni kwa ngulupai shikunnamiye nnwele jula, numbe Bhakulungwa shibhannjinule, na monaga akwete ilebho, shibhanneshelele.

14 Bhuli, mundu munkumbi gwenunji nnwele? Bhai penepo mwaashemanje bhanangulungwa bha likanisha, bhannjujilanje na kumpaka mauta kwa lina lya Bhakulungwa. 15 Kwa nneyo ibhaga kujuga kwabhonji kwa a Nnungu ni kwa ngulupai shikunnamiye nnwele jula, numbe Bhakulungwa shibhannjinule, na monaga akwete ilebho, shibhanneshelele. 16 Bhai nkolangaga ilebho nng’ungamilenanje mwashayenenji na nnjujilananje nkupinga nnamiywanje. Malomboshelo gaka mundu akwete aki gashikola mashili ga kaje numbe ganapwaa kwa kaje.

16 Bhai nkolangaga ilebho nng’ungamilenanje mwashayenenji na nnjujilananje nkupinga nnamiywanje. Malomboshelo gaka mundu akwete aki gashikola mashili ga kaje numbe ganapwaa kwa kaje.

7 Ikabheje nkupinga ngunaiiniye kwa gwene nng’ibhulo nkulugo, nashinkupegwa shindu sha poteka mbuti mibha nshiilu shangu kubha mbuti muntenga juka Lishetani amboteshe, nkupinga ngunapunde kwiiniya. 8 Kwa ligongo lya shene shindusho, nashinkwashondelesheya Bhakulungwa patatu nkupinga bhanjosheye shene shindusho. 9 Ikabheje gubhanugulile, "Nema jangu shijimpwae, pabha mashili gangu ganamalila muungakola mashili." Bhai, ngunaengwa kwiiniya ga ungakola mashili gwangu, nkupinga mashili ga a Kilishitu gatame na nne.

13 Nng’alayanje mwa pita makongono genunji, nkupinga akwete shilema anagwe, ikabheje alame.