35 Jesus a faaeraeg fetaen wooan oanongaen aepinoamw me pwugos kkewe. E fenaiuw me noan wutteer Jews, e fenaiuw Kkepas Mwamwaai we reen Mweoiu Naaeng me pwan aecchipwaar aeremas kkewe eweriir mesemesaen semwaai.

8 Oaw aecchipwaar rhooa semwaai, oaw aemenewaar tae manimae, oaw aecchipwaar rhooa kaenepaai iwe me oatowowuur aniu aenneew. Oawwa pwigi minneei me reei nge esooar paniuwan, nge oawpwene noa fang nge esoapw pwan yor paniuwan.

8 Oaw aecchipwaar rhooa semwaai, oaw aemenewaar tae manimae, oaw aecchipwaar rhooa kaenepaai iwe me oatowowuur aniu aenneew. Oawwa pwigi minneei me reei nge esooar paniuwan, nge oawpwene noa fang nge esoapw pwan yor paniuwan.

1 Jesus a faingi fengaenniir rhooawe seig me riiurhai rhooan kkayeo nge a ngaenneer maemaeweer pwe repwe asiuw aniu aenneew me aecchipwaar tae aeremas kka eweriir mesemesaen semwaai.

12 Jesus a rongorong aar kkepas nge a paniuwaeniir pwe, "Rhooakka rese semwaai rese noa reer toagota, pwe rhooakka refaer semwaai.

23 Iwe, Jesus a mwet fetaen wooan oanongaen Galilee, nge e fenai me noan wutteer Jews we nge e fenaiuw Kkepas Mwamwaai we reen Mweoiu Naaeng, me pwan aecchipwaar aeremas kkewe eweriir mesemesaen semwaai.

9 oaw aecchipwaar rhooa semwaai noan aepinoamw naan, nge oaw aengaeniir aeremas kena reno noan pwe, ‘Mweoiun Deus a arapeto reemi.’

18 "Kkemenaen Soamwoon a no wooai

pwe iya ffin tae ipwe pwigito Kkepas Mwamwaai eei reer rhooa affayeo.

Iya fangenoa ngaang ipwe oaronga ngaeniir rhooan kanepwus pwe iir ra saenetaeg

nge i aecchipwaar rhooa parh pwe repwe ffat noa,

me pwan aengesaar noa rhooa waeiraes

14 Jesus a weriir nge a aengaeniir pwe, "Oawnoa aengaeniir patere pwe repwe worigaemi."

Igiwe ra feffaaeraeg noa nge a rhiuw noa minikkewe kaenepaiiur.

10 Wooan Sabbath nge Jesus a fenai noan eew wutteer Jews. 11 Erhai rhooapwuton pwiuneoi we a seig me wanuuw raeg aan semwaai pwe eno erhai aniu aenneew wooan; eppwoar sagiuriun nge ese mmwenen iutae. 12 Oatowe Jesus enoa weri nge a faingiwow, "Rhooapwut mwuun, wopwene saenetaeg me reen oamw semwaai!" 13 A iseni tae paiun wooan niewe, nge noan oaton we rhag nge a uwen tae nge a aepingepinga Deus.

14 Soamwoonin wutteer Jews we a soong wooan Jesus pwe igiwe e aecchipwa rhooapwut we wooan Sabbath, a kkepas tae nge a aengaeniir pwe, "Wonowu raaen raaenin aarh sipwe engaang; iwe ina epwe noa itto raaen kenaan nge oawwa itto aecchipwaar rhooa semwaai, nge saapw wooan Sabbath!"

15 Soamwoon a paniuwaeni pwe, "Maan oatupwutupw! Aaemi oawmmwenen pwaeisi naimi wakke ngaere donkey me noan gurur nge oawwa paeniir noa oawpwe noa aiuniiur rhan wooan Sabbath. 16 Igina ina eno erhai rhooan aeinang we aaen Abraham ina a seig me wanuuw raeg aaen Saetan geoni; sisoapw saeneti nieen wooan Sabbath?" 17 Aessefaaenin kkepas we aan a aessaewaar noa rhooa kkewe rhooan kkoapwuton, nge aeremas towunap ra faer igin pwapwa reen oanongaen min mwamwaai kkewe efeeori.Mustard

50 Jesus e rongorong miniwe nge a aengaeni Jairus pwe, "Wosoapw mesag; niugiuniug rhag ina nge epwe menaw tae."

34 Iwe Jesus a aengaeni pwe, "Naeyi, oamw niugiuniug minne a aecchipwoag tae. Wonoa noan oapoas pwe wa rhigar saengi oamw waeiraes."

23 Jesus a paniuwaeni pwe, "Ooa, aere een emmwen ngaeniug! Oanongaen aegiaeg nge emmwen ngaeni erhai ne eyor aan niugiuniug."

52 Jesus a aengaeni pwe, "Wonoa, pwe oamw niugiuniug a aecchipwoag."

Iwe rhag nge mwaaen we a ffatenoa mesan nge a tapweei noa mwirin Jesus wooan aan we.

17 Rhooakka re niugiuniug repwe fang maemaeweer pwe repwe feeori manaman: repwe asiiur aniu aenneew faaen itaei; nge repwe kkepesaen noa eew me eew faniuw, 18 ngaere repwe pweipwog sowufaeng aere iun pwoisiun, nge resoapw woas; nge repwe iseni tae paiiur wooar rhooa semwaai nge repwe cchipw tae."